THUP LEH ZEP NEI LOVIN
A hlawhtlinna ber chu "Ruih" kha a ni mai awm e! Hlawhtling tak a ni zi ri thrawh!
Tleirawl chumchiap,thalai leh nu leh pa;tar zur ve tawh tak tak thlenga an han rui suau suau mai te kha a hlawhtling asin!
Ramhnuai hmun fianrial laia sex lo va hmang an phawk zozai te kha! Mipui hmai eng pawh zah zo lova nihliap phena in fawp ngawr ngawr te khan kut hnathawk tu te an chawisang teh ania!
A hmuna ruihtheihthil,a bikin beer zalen lutuk te kha kan CYMA hruaitu thahnemngai zual te khan hmu ve se ka va'n ti tak em! Kal hlei thei lo,buaina siam,mi lirthei tipalh,luak kawi neih nuaih,mahni motor tibo te khan grape hi thei hrisel,eizawnna tlak ani tih an entir fiah viau!
Festival hmang rei fal,zana security duty ten an chhar nawlh nawlh te leh an chhungten an va zawn ngai hial khawpa grape tana thahnemngai kan thalaite khan enge an tih ang le? An awm mai mai awm si lo?!
Police prison van a leng lo khawp buaina siam te khan grape ching tu te hmakhua an su eng khawp mai! Ni e,ruih phalna nei thlapa ruih theih anih chuan kan kai deuh chhap vek mai anih kha! Grape kan lo duh tlang em a,eizawn nana hman loh phal chi ziazang alo nilo anih kha!
Engvang nge Grape Festival kha hman anih? Sawrkar lam chuan buaina siam an awm dawn tih hre lawk in prison van hial a chhawp anih kha! MLTP Act hmang mek sawrkar hian engatinge Ruih Festival a buatsaih?
Grape hralh na man nuai 70 chuan sawrkar/society hian ba a nei a,chumi rulh nan chuan permit nei a an zawrh chhuah hian hralh a hlawh mang si lo! Chumi hre reng in he festival hi sawrkar hian a buatsaih a,ruih phalna pe ta a ni ngei ang. Grape leh a ching tu te ti hmasawn thei thil engmah programme sheet ah hmuh tur a awm lo. Ba rulh na!
Grape Festival hi huaihawt leh anih chuan a hlawhtling leh viau anga,grape bakah ruihtheihthil leh sex a hluar leh hle ang. Tlai lamah khan ruah sur lo phei se chuan a pui mep mep viau ang. Chunglam ami khian hmangaihna in min en reng a,kan tluk loh nan ruahpui a rawn tir ta ah ka ngai nghet hmiah.
Grape Festival alo awm leh anih paw'n ka laina te,a bikin tleirawl leh nula te ka kal tir hauh lovang. Khatiang ruih festival hmanga kut hnathawk tu te dinhmun chawikan anih dawn ai chuan zahawmna tlemte nen rethei bakberh a dai kil kawm kara in vawm bei ka thlang zawk e.
© Copyrights Reserved by C. Vanlalpekhlua
A hlawhtlinna ber chu "Ruih" kha a ni mai awm e! Hlawhtling tak a ni zi ri thrawh!
Tleirawl chumchiap,thalai leh nu leh pa;tar zur ve tawh tak tak thlenga an han rui suau suau mai te kha a hlawhtling asin!
Ramhnuai hmun fianrial laia sex lo va hmang an phawk zozai te kha! Mipui hmai eng pawh zah zo lova nihliap phena in fawp ngawr ngawr te khan kut hnathawk tu te an chawisang teh ania!
A hmuna ruihtheihthil,a bikin beer zalen lutuk te kha kan CYMA hruaitu thahnemngai zual te khan hmu ve se ka va'n ti tak em! Kal hlei thei lo,buaina siam,mi lirthei tipalh,luak kawi neih nuaih,mahni motor tibo te khan grape hi thei hrisel,eizawnna tlak ani tih an entir fiah viau!
Festival hmang rei fal,zana security duty ten an chhar nawlh nawlh te leh an chhungten an va zawn ngai hial khawpa grape tana thahnemngai kan thalaite khan enge an tih ang le? An awm mai mai awm si lo?!
Police prison van a leng lo khawp buaina siam te khan grape ching tu te hmakhua an su eng khawp mai! Ni e,ruih phalna nei thlapa ruih theih anih chuan kan kai deuh chhap vek mai anih kha! Grape kan lo duh tlang em a,eizawn nana hman loh phal chi ziazang alo nilo anih kha!
Engvang nge Grape Festival kha hman anih? Sawrkar lam chuan buaina siam an awm dawn tih hre lawk in prison van hial a chhawp anih kha! MLTP Act hmang mek sawrkar hian engatinge Ruih Festival a buatsaih?
Grape hralh na man nuai 70 chuan sawrkar/society hian ba a nei a,chumi rulh nan chuan permit nei a an zawrh chhuah hian hralh a hlawh mang si lo! Chumi hre reng in he festival hi sawrkar hian a buatsaih a,ruih phalna pe ta a ni ngei ang. Grape leh a ching tu te ti hmasawn thei thil engmah programme sheet ah hmuh tur a awm lo. Ba rulh na!
Grape Festival hi huaihawt leh anih chuan a hlawhtling leh viau anga,grape bakah ruihtheihthil leh sex a hluar leh hle ang. Tlai lamah khan ruah sur lo phei se chuan a pui mep mep viau ang. Chunglam ami khian hmangaihna in min en reng a,kan tluk loh nan ruahpui a rawn tir ta ah ka ngai nghet hmiah.
Grape Festival alo awm leh anih paw'n ka laina te,a bikin tleirawl leh nula te ka kal tir hauh lovang. Khatiang ruih festival hmanga kut hnathawk tu te dinhmun chawikan anih dawn ai chuan zahawmna tlemte nen rethei bakberh a dai kil kawm kara in vawm bei ka thlang zawk e.
© Copyrights Reserved by C. Vanlalpekhlua
