(Hringnun hi i kut a awm ani tih i hriat theih nan YHWH khian hei hi min pe.)
Hringnun chingchivet hi a biboh in a tri-troh lua nge nunkawng hi a lo chho ulh em zawk? Dam thlahlel a phairampur leh vairamnagar an pan dawr dawr laiin thenkhatin an nghawng ah hrui hrual kual an lo in valh ve mek a. Mihausa ten kuang phurh man ngaihtuah lek lova an hnuk chah na tur hlate khua an pan dawr dawr lai leh khum man to chunga zanrei tawh lamah an hui pap pap laiin thenkhat erawh sawrkar puan pâwl (silpauline) zar hliap hnuaiah;kawl a ni chhuak bakah LAD bawlhhlawh paih motor chen a chhiar chhuak kim dap in hnawm leh hnawk karah, "Nitin kan eikhawp in chaw min pe ang che", tih chauh rinchhan in naktuk lungkham lek lovin an pawnpui hlui un - ûng zet hnuaiah an mu tlar ve thrap ang lawi a!
A pai an neih miau avangin sum lamah an buai hran lo! "Maktaduai ruk tlawh muk ruk" pawh an nei ange tih tur khawp a State Bank of India mah nise an hnawm paih lo hai mai mai thinte hlimna hi an tem phak ve ngai lova,bawlhhlawh leh tenawma a ngaih;inchhawng sang atanga a paih karah he dinhmun hniam a ding pa hi chuan hlimna tam tak a hai chhuak thei thung tlat si. . . .
Eitur tui tha tha a chhawp del dul a,a tep chiap chiap a. Thawmhnaw mawi leh thar ber ber in a inthuam a,tawngtai a inthlahrung ru duk thung a. Thir tha ber ber in a in hung a,kalh na chak thra thra a hmang a,a thla a muang chuang lo. Khum dup nuam takah nghate rep ang maiin a mu meng kar a,thih thlamuanna emaw,dam thlakhlelh na pawh a nei lo. A thih loh a vangin a dam ve mai mai a,a dam miau avangin a nung ve tawp mai ani.
Mihring duh tawk chin chu a aia tam ani a,tuifinriat tui in ang maia neih tam poh leh duh tam nun ah hian lungawina ti famkim khawp hai khawm tur in a ban a sei tawk lo fo.Hma lam pan zel duh na hi hmasawnna a ti khawmawi na a,duhamna fa hrin ani tih erawh a hai lui leh chawk.
A hmuh tam poh leh a hmuh bak a hmu chak a,a hriat tam poh leh a beng a tun sang sauh sauh a. Sakei riltam ang maiin a pan huam huam a,a bawh buan buan a. Mam reng bik ngai lo na fam;hringnun khuar laiah in dai sual in a tlu bawkkhup a,a haikhawm hnem tawh te chuan an delh rit in a thawh pui zo tawh lova,a tlu hlum thin.
A nung ve tawp a,a neih ten an thunun a. Khawl ang maiin a khawlkhawm ten an nawr kal a,mihring nunphung a tem ngai lo. Ni e,a nun pawh kha "hringnun" han tih tur a ni meuh em? A chiang lo.
Ani erawh a lungawina a tlawm a,a lawm na a tlem a. A thlamuan pui a beitham a,a thawvenna tlang a hniam. Tlachawp a ring a,eikhawp a kham a,kham khawp a puar pui thin. Duh duh her chhuah na khawl a nei a,chu chu a"tawngtaina" ani.
A riltam in a khawl hmang chuan a Pathian a her chhuak a,a damloh in a Pathian tho a her chhuak a. A mangan te,a hlim leh lawm ni ah te,khua a vawh chang te leh thlipui a tleh chang te chuan a Pathian tho chu a her chhuak thin;a Pathian chu a duh ber anih miau avangin.
Engkim neitu a nei a,engkim nei ah a in ngai a. Engkimtithei a nei a,engkim a ti thei ang tih a ring tlat a. A rinchhan tlat avangin leh eng lai pawha a koh reng avangin a Pathian pawh chuan a hlamchhiah hman meuh lo.
Pathian remruata lungawi thiam lo mi chuan hringnun hi nunrawng a ti ngei ang.
Amah ring tlat tu tan erawh zawng,hringnun hi. . . . .
A LO MAWI EM ANI!!!
© Copyrights Reserved by C. Vanlalpekhlua
Hringnun chingchivet hi a biboh in a tri-troh lua nge nunkawng hi a lo chho ulh em zawk? Dam thlahlel a phairampur leh vairamnagar an pan dawr dawr laiin thenkhatin an nghawng ah hrui hrual kual an lo in valh ve mek a. Mihausa ten kuang phurh man ngaihtuah lek lova an hnuk chah na tur hlate khua an pan dawr dawr lai leh khum man to chunga zanrei tawh lamah an hui pap pap laiin thenkhat erawh sawrkar puan pâwl (silpauline) zar hliap hnuaiah;kawl a ni chhuak bakah LAD bawlhhlawh paih motor chen a chhiar chhuak kim dap in hnawm leh hnawk karah, "Nitin kan eikhawp in chaw min pe ang che", tih chauh rinchhan in naktuk lungkham lek lovin an pawnpui hlui un - ûng zet hnuaiah an mu tlar ve thrap ang lawi a!
A pai an neih miau avangin sum lamah an buai hran lo! "Maktaduai ruk tlawh muk ruk" pawh an nei ange tih tur khawp a State Bank of India mah nise an hnawm paih lo hai mai mai thinte hlimna hi an tem phak ve ngai lova,bawlhhlawh leh tenawma a ngaih;inchhawng sang atanga a paih karah he dinhmun hniam a ding pa hi chuan hlimna tam tak a hai chhuak thei thung tlat si. . . .
Eitur tui tha tha a chhawp del dul a,a tep chiap chiap a. Thawmhnaw mawi leh thar ber ber in a inthuam a,tawngtai a inthlahrung ru duk thung a. Thir tha ber ber in a in hung a,kalh na chak thra thra a hmang a,a thla a muang chuang lo. Khum dup nuam takah nghate rep ang maiin a mu meng kar a,thih thlamuanna emaw,dam thlakhlelh na pawh a nei lo. A thih loh a vangin a dam ve mai mai a,a dam miau avangin a nung ve tawp mai ani.
Mihring duh tawk chin chu a aia tam ani a,tuifinriat tui in ang maia neih tam poh leh duh tam nun ah hian lungawina ti famkim khawp hai khawm tur in a ban a sei tawk lo fo.Hma lam pan zel duh na hi hmasawnna a ti khawmawi na a,duhamna fa hrin ani tih erawh a hai lui leh chawk.
A hmuh tam poh leh a hmuh bak a hmu chak a,a hriat tam poh leh a beng a tun sang sauh sauh a. Sakei riltam ang maiin a pan huam huam a,a bawh buan buan a. Mam reng bik ngai lo na fam;hringnun khuar laiah in dai sual in a tlu bawkkhup a,a haikhawm hnem tawh te chuan an delh rit in a thawh pui zo tawh lova,a tlu hlum thin.
A nung ve tawp a,a neih ten an thunun a. Khawl ang maiin a khawlkhawm ten an nawr kal a,mihring nunphung a tem ngai lo. Ni e,a nun pawh kha "hringnun" han tih tur a ni meuh em? A chiang lo.
Ani erawh a lungawina a tlawm a,a lawm na a tlem a. A thlamuan pui a beitham a,a thawvenna tlang a hniam. Tlachawp a ring a,eikhawp a kham a,kham khawp a puar pui thin. Duh duh her chhuah na khawl a nei a,chu chu a"tawngtaina" ani.
A riltam in a khawl hmang chuan a Pathian a her chhuak a,a damloh in a Pathian tho a her chhuak a. A mangan te,a hlim leh lawm ni ah te,khua a vawh chang te leh thlipui a tleh chang te chuan a Pathian tho chu a her chhuak thin;a Pathian chu a duh ber anih miau avangin.
Engkim neitu a nei a,engkim nei ah a in ngai a. Engkimtithei a nei a,engkim a ti thei ang tih a ring tlat a. A rinchhan tlat avangin leh eng lai pawha a koh reng avangin a Pathian pawh chuan a hlamchhiah hman meuh lo.
Pathian remruata lungawi thiam lo mi chuan hringnun hi nunrawng a ti ngei ang.
Amah ring tlat tu tan erawh zawng,hringnun hi. . . . .
A LO MAWI EM ANI!!!
© Copyrights Reserved by C. Vanlalpekhlua
