Valmawia hnenah,
Hmeichhe fin in tuikhur ral kai lo mahse hmangaihna thuruk thuhruk reng hian par chhuang tura i thinlung kawngka kik turin zahna tlang sang ber lawn kai a inhuam ta miau si a,tuikhur ral kai lo finna in a phak tawk hi mualphona ral lo kai tir bik lo hram turin ka han ngen hmasa phawt teh ang che.
Leilung pian tirh ata Khuanu in hringnuna a dah sa,kan thinlunga a phut tlat hmangaihna hi nghah ngawt ngawt tura a ruat ka ring lova,chutih rualin hmeichhe awmdan pangngai tura ngaih ramri pela i thinlung kawngka ka rawn kik ta hi duham leh huamhauh ta lua ah ka in ngai phal bik lo asin! Ka thinlung zawng zawng i luah khah vek tawh hnu hian engtinnge i ta ka ni lo ti a ka in chhal reng theih tehlul ang? Dik taka sawi chuan ka thinlung;i ta ka kawl hi min ven pui turin ka rawn sawm che a ni mah zawk!
Tu in nge thinlung chhungril tak atanga chhuak hmangaihna tuihna duhawm chu thlahlel lo tehlul ang le? Hmangaihna tello chuan Chuailo par te meuh pawh chuai in Kumtluang par pawh a kumhlun ngai si lova. He ka hringnun,thlaler vaivut hmuna rose kung thi lek lek tawh,dimdawina tel map lova chhun ni sen sa in a em vuai sel ang maia baihvai hian i hmangaihna thlahlela kuhmum a chhuah ve trawk trawk na hi zahpuiawma an lo ngai anih paw'n "Zah makah lu em a chhum lo'ng e" ka la ti cheu ngei ang...
Nitin hian ka ngai em em thin che a,ih maw,i tello chuan naktuk hi ka nakthai zo lovang Bawihpui! Khawvawt hian i trang nem belh min chak tir thin a,khawlum hian ka tana hmuhnawm ber i tisen mawi tak te min entir thin asin! Van dumpawl ruih mai te ka thlir chang hian i thinlung thianghlim zia ka hrechhuak nawn fo thin a,chhum dum let but but a lo thlen chang te hian ka himna i nih zia ka hrechhuak leh thin. Thlifim a lo thawt heuh heuh chang hian ka rilru natna leh manganna chhem bo tu i nih zia ka hre chhuak fo thin a,thlipui tleh hum hum te erawh hi chuan nang chauh in min duat ani tih min hrilh leh thung si thin. Trek tla leh kawlphe eng zuai zuai te hian i tello a ka nun thim tur zia leh ka kawng en tu i nih zia an entir a,khawpui lo ri dur dur erawh khi chuan i aw leh i nui ri lo ngaihnawm zia entir teh se! Ruah mal far kauh kauh te hi chuan ka par vulna tura min chawm lian tu tur i hmangaihna zing daifim kha min thlakhlelh tir thung thin.
Rose par hian hmangaihna duhawm zia entir sela,chuai leh mai tur a nihna hian hmangaihtu laka rinawm loh pawi zia entir teh se! Hmangaihna a san zawh poh leh thikthu chhiatna a zual thin a,hlimna nasa tak pawh hian lungngaihna vawrtawp a thlen thin tih hrereng chungin chuai leh mai tur hmangaihna par min thliah lo la,mittui leh khawharnaa tawp tur thawnthu hlimawm min ziah pui lul lo ang che.
He thu sawi chhuak hmasa a ka trang ta hi zahtheihloh vang ah min ngaih sak lo la,i chhanna nghaka zah loh theihna ka la chelh ve trawk trawk hi beidawnna in min khar sak lo hram ang che. Hmangaihtu hmangaihna i tlanchhiat san avang hian nang;mipa azawnga mipa ber mai hian huaisen chawimawina nopui i dawm phah dawn si lova...
I tan chauh ti tu,
Lenghermawii.
© Copyrights Reserved by C. Vanlalpekhlua
Hmeichhe fin in tuikhur ral kai lo mahse hmangaihna thuruk thuhruk reng hian par chhuang tura i thinlung kawngka kik turin zahna tlang sang ber lawn kai a inhuam ta miau si a,tuikhur ral kai lo finna in a phak tawk hi mualphona ral lo kai tir bik lo hram turin ka han ngen hmasa phawt teh ang che.
Leilung pian tirh ata Khuanu in hringnuna a dah sa,kan thinlunga a phut tlat hmangaihna hi nghah ngawt ngawt tura a ruat ka ring lova,chutih rualin hmeichhe awmdan pangngai tura ngaih ramri pela i thinlung kawngka ka rawn kik ta hi duham leh huamhauh ta lua ah ka in ngai phal bik lo asin! Ka thinlung zawng zawng i luah khah vek tawh hnu hian engtinnge i ta ka ni lo ti a ka in chhal reng theih tehlul ang? Dik taka sawi chuan ka thinlung;i ta ka kawl hi min ven pui turin ka rawn sawm che a ni mah zawk!
Tu in nge thinlung chhungril tak atanga chhuak hmangaihna tuihna duhawm chu thlahlel lo tehlul ang le? Hmangaihna tello chuan Chuailo par te meuh pawh chuai in Kumtluang par pawh a kumhlun ngai si lova. He ka hringnun,thlaler vaivut hmuna rose kung thi lek lek tawh,dimdawina tel map lova chhun ni sen sa in a em vuai sel ang maia baihvai hian i hmangaihna thlahlela kuhmum a chhuah ve trawk trawk na hi zahpuiawma an lo ngai anih paw'n "Zah makah lu em a chhum lo'ng e" ka la ti cheu ngei ang...
Nitin hian ka ngai em em thin che a,ih maw,i tello chuan naktuk hi ka nakthai zo lovang Bawihpui! Khawvawt hian i trang nem belh min chak tir thin a,khawlum hian ka tana hmuhnawm ber i tisen mawi tak te min entir thin asin! Van dumpawl ruih mai te ka thlir chang hian i thinlung thianghlim zia ka hrechhuak nawn fo thin a,chhum dum let but but a lo thlen chang te hian ka himna i nih zia ka hrechhuak leh thin. Thlifim a lo thawt heuh heuh chang hian ka rilru natna leh manganna chhem bo tu i nih zia ka hre chhuak fo thin a,thlipui tleh hum hum te erawh hi chuan nang chauh in min duat ani tih min hrilh leh thung si thin. Trek tla leh kawlphe eng zuai zuai te hian i tello a ka nun thim tur zia leh ka kawng en tu i nih zia an entir a,khawpui lo ri dur dur erawh khi chuan i aw leh i nui ri lo ngaihnawm zia entir teh se! Ruah mal far kauh kauh te hi chuan ka par vulna tura min chawm lian tu tur i hmangaihna zing daifim kha min thlakhlelh tir thung thin.
Rose par hian hmangaihna duhawm zia entir sela,chuai leh mai tur a nihna hian hmangaihtu laka rinawm loh pawi zia entir teh se! Hmangaihna a san zawh poh leh thikthu chhiatna a zual thin a,hlimna nasa tak pawh hian lungngaihna vawrtawp a thlen thin tih hrereng chungin chuai leh mai tur hmangaihna par min thliah lo la,mittui leh khawharnaa tawp tur thawnthu hlimawm min ziah pui lul lo ang che.
He thu sawi chhuak hmasa a ka trang ta hi zahtheihloh vang ah min ngaih sak lo la,i chhanna nghaka zah loh theihna ka la chelh ve trawk trawk hi beidawnna in min khar sak lo hram ang che. Hmangaihtu hmangaihna i tlanchhiat san avang hian nang;mipa azawnga mipa ber mai hian huaisen chawimawina nopui i dawm phah dawn si lova...
I tan chauh ti tu,
Lenghermawii.
© Copyrights Reserved by C. Vanlalpekhlua
