Duhtak,
He lehkhathawn hi i hmuh hunah chuan chhawrthlapui leng duai duaite,i tiamthu hriatpui tu atana an hming i chhal vana arsi ram in pharh zau duai te khi i hmaizah tawh hial maithei. Ni e,i thutiam zawng zawngte kha i ngaihtuah let leh te anih a,nangmaha zahawmna chhete tal ala awm ve anih ngai chuan chu i zahawmna zahpuiawm tak chuan a zahawmna derdep tak hum him tumin a zam ve ngawih ngawih ve ngei ang le.
"Mipa dang ang ka ni ve lo", i tih khan ka ring che a. Mahse mipa dangte ang thova midang ang lo ni a i insawina kha mipa dang ang bawka i danglam bik loh zia tarlang tu mai an chang ta zawk si. . . .
Hmeichhe dang dangte nen min kawp tih ka hriat ruk changte pawh khan i in sawi fihlim na tawngkam thlum kha awih in ka ngaidam thin che a,i thusawi ngei anih loh chuan midang i nei ni a an sawi na zawng zawngte kha ka bengkhawn duh ngai lo thin. Ka hmangaih che a,ka ring em em si che a.
Mahse ka hnung lamah uangthuang taka min nuihsawh zui pah a, "Hmeichhia te chu bumna ngaiah vawi 7 an bum nawn theih alawm", min tih khum zan khan ka tap a,ka na ngawih ngawih asin!
DUHTAK, BUMNA NGAIA VAWI 7 MIN BUM NAWN THEIH CHHAN KHA CHU KA MAWL LEH AT BIK VANG NI LOVIN I THIL TIHSUAL NGAI VAWI 7 KA NGAIHDAM NAWN THEIH CHE VANG ZAWK ANI ASIN. . . .
Mahse i tan chuan mawl ka zuam a,รข nih ka huam a. Tihder theih ni ka zuam a,bum nih ka huam bawk a. Heng zawng zawng i tana tawrh ka zuam chhhan chu vawi 8 thinlung natna tuar nawn tura ngaihdam nawn leh che ka inhuam vang chauh ani asin. . . . Ka lo hmangaih em che si a.
Thutiam chu a sut leh theih a,a bawhchhiat theih bawk a. Ni e,thutiam hian zahawmna a keng tel tih hre lova tiam liam mai mai tu tan chuan thutiam tiam a,hlenchhuah hi zahawmna ropui tak ani tih hriat a har viau ta ve ang.
Nang chuan i ka in thu i tiam a,i thinlung in a hriat pui si lo. . . . I thu min tiam na chil per pawh ala hul em dawn ami tih tur lek ah i bawhchhe lehnghal si. . . .
Chatuan min tiam a,
I thinlungah ka tan hmun der min kian a.
Kumkhua i huam a;
Damchhung i zuam a,
Ka thla i ti muang a.
Ka mutthilh dawn thleng in i hming ka lam sep sep thin.
Mahse hmangaihna ni a i chhal hringnun ah chuan chatuan pawh chawhma ang leka tumtawi alo ni a,i "kumkhua" paw'n kar tam alo daih si lo. . . . Rinawmna thutiam vawn nun reng a nih ngai lohna thinlungah chuan chuailo par meuh pawh chuai in kumtluang par pawh a kumhlun ngai si lova. . .
Duhtak, ka duhtawk mai ang. Ka sawi tam poh leh ka in ti na nawn mai mai ani si a. Tun dinhmunah chuan natna min pek hi ka tan a na tawk e.
Miss you dear.
© Copyrights Reserved by C. Vanlalpekhlua
He lehkhathawn hi i hmuh hunah chuan chhawrthlapui leng duai duaite,i tiamthu hriatpui tu atana an hming i chhal vana arsi ram in pharh zau duai te khi i hmaizah tawh hial maithei. Ni e,i thutiam zawng zawngte kha i ngaihtuah let leh te anih a,nangmaha zahawmna chhete tal ala awm ve anih ngai chuan chu i zahawmna zahpuiawm tak chuan a zahawmna derdep tak hum him tumin a zam ve ngawih ngawih ve ngei ang le.
"Mipa dang ang ka ni ve lo", i tih khan ka ring che a. Mahse mipa dangte ang thova midang ang lo ni a i insawina kha mipa dang ang bawka i danglam bik loh zia tarlang tu mai an chang ta zawk si. . . .
Hmeichhe dang dangte nen min kawp tih ka hriat ruk changte pawh khan i in sawi fihlim na tawngkam thlum kha awih in ka ngaidam thin che a,i thusawi ngei anih loh chuan midang i nei ni a an sawi na zawng zawngte kha ka bengkhawn duh ngai lo thin. Ka hmangaih che a,ka ring em em si che a.
Mahse ka hnung lamah uangthuang taka min nuihsawh zui pah a, "Hmeichhia te chu bumna ngaiah vawi 7 an bum nawn theih alawm", min tih khum zan khan ka tap a,ka na ngawih ngawih asin!
DUHTAK, BUMNA NGAIA VAWI 7 MIN BUM NAWN THEIH CHHAN KHA CHU KA MAWL LEH AT BIK VANG NI LOVIN I THIL TIHSUAL NGAI VAWI 7 KA NGAIHDAM NAWN THEIH CHE VANG ZAWK ANI ASIN. . . .
Mahse i tan chuan mawl ka zuam a,รข nih ka huam a. Tihder theih ni ka zuam a,bum nih ka huam bawk a. Heng zawng zawng i tana tawrh ka zuam chhhan chu vawi 8 thinlung natna tuar nawn tura ngaihdam nawn leh che ka inhuam vang chauh ani asin. . . . Ka lo hmangaih em che si a.
Thutiam chu a sut leh theih a,a bawhchhiat theih bawk a. Ni e,thutiam hian zahawmna a keng tel tih hre lova tiam liam mai mai tu tan chuan thutiam tiam a,hlenchhuah hi zahawmna ropui tak ani tih hriat a har viau ta ve ang.
Nang chuan i ka in thu i tiam a,i thinlung in a hriat pui si lo. . . . I thu min tiam na chil per pawh ala hul em dawn ami tih tur lek ah i bawhchhe lehnghal si. . . .
Chatuan min tiam a,
I thinlungah ka tan hmun der min kian a.
Kumkhua i huam a;
Damchhung i zuam a,
Ka thla i ti muang a.
Ka mutthilh dawn thleng in i hming ka lam sep sep thin.
Mahse hmangaihna ni a i chhal hringnun ah chuan chatuan pawh chawhma ang leka tumtawi alo ni a,i "kumkhua" paw'n kar tam alo daih si lo. . . . Rinawmna thutiam vawn nun reng a nih ngai lohna thinlungah chuan chuailo par meuh pawh chuai in kumtluang par pawh a kumhlun ngai si lova. . .
Duhtak, ka duhtawk mai ang. Ka sawi tam poh leh ka in ti na nawn mai mai ani si a. Tun dinhmunah chuan natna min pek hi ka tan a na tawk e.
Miss you dear.
© Copyrights Reserved by C. Vanlalpekhlua
