(Hei chauh hi a ni Khuangthing atanga ka rawn hawn chu!)
Khuh hawnna :
Lei mite hunbi chhiar dan chuan Mimkut thla,tahrik ni 20 a ni a,kan Lalpa pian a\ang chuan kum 2013 zet a liam tawh a ni. Hun rei tawh tak a\anga kan lo ruahman tawh ang leh kan tum vawihnihna a nih vang chauh pawh ni mai lovin chenna ngai loh ram fang tur chuan kan hun tiam ah kan kim thei hlawm a. Engemaw ti a thil lo theihnghilh neuh neuh an lo awm ve bawk nen;zing dar 9:30am a kal tum kha dar 10:00am dawn hawlh ah kan chhuak thei \awk a.
Khua kan pel fel a,hruaitu ten \awng\aina in kan zinkawng an hlan a,hlim tak leh phur takin zawh ngai loh lamtluang chhui tur chuan member 60 vel zet chu bus lian pakhat leh super ace pakhat hmangin kan in awi liam ve ta duai duai a.
Khuangthing Lamtluang :
Kelkang kan thleng a,chawl lovin ramtiam lam kan pan zel a.Dilkawn kan thleng phei leh a,"An field ah sangha an khawi \hin!" an lo tih \hin chu fiamthu mai ni lovin a tak ngei a ni ang tih rinhlelh rual lohvin tuidawl leh phairuang a lo \o ri ruang mai hlawm a! A va rapthlak em! YMA conference kan hman \um kha chuan phul hmun nuam tak a nih vei nen...
Chawl hman kan ni lova,muang thei lah kan ni hek lo! Dilkawn tlan pel in Khuangleng kan pan phei zel a,chhun khaw lum leh uap churh hnuaiah pawh phur takin kan la zai phei \hap \hap a,a nuam a ni!
Kan tlan ngar ngar a,beisei tawh loh lamah Khuangleng khua chu kan lut deuh thut a. Thingpui in chawlh te neiin thla te kan la hlawm a,eitur kan lei duham hlawm khawp mai! Mahse mango frooti pack khat Rs. 15 an lo ti kha chu kan hlimpui phian e.
Thinghrang kawn kan thleng phei a,khaw r^m chhimbuk leh thlaler tuivalawng rilru a alo lan zut zut na khawpin a reh in a lo reh tlawk tlawk a,ngaih te lam lam an ti \ha lo dawn dawn a!
Kan kal zel a,kawng lah chu a chhe tak tawlh tawlh a! Pa thu uar deuh leh \awnghmang thiam deuh chu ni ila pulpit tlangah pawh, "Chhiat namen in a chhe lova!" ti a chum chilh dum dum tlak vek an ni. Engtinnge hetiang kawng chhe uluk mangkheng ah hian l^ng bus an service peih zawk le tih zawhna ka in zawh ruk rauh rauh chuan mite taimak zia min kawhhmuh hlauh thung a,kal lam a\angin zirlai zir tur ka chhar der mai!
Dungtlang kan thleng a,Lianchhiari Lunglen Tlang tlawh kawi ang u kan tih avangin kan chhuak diah diah a. A hmunhma hnatlangin an lo sam fai dup mai nen;a boruak a zo in hah a dam sawng sawng mai! Thla te kan la a,camera man tih takah ka dam chhunga ka hming hnaisai lo an lam rik ngun ni ber ni hial awma mawi in min ko sek hlawm a. Khami ni kha chuan Lianchhiari ai mah in a lunglen tlangah kha chuan ka hming a thang ni in ka hria!
Dungtlang a\ang chuan a khu a khu in kan luai phei leh ta luai luai a. Rambuai reh hnu,UT kan nawr lai; Sonia Gandhi paw'n a sam a "boy's cut" hun laia laih jeep road, Lalthanhawla CM hmasak ber kuma alkatra kai deuh phelh phawlh chunga an bel liam ve tak nawk nawk \um tih loh kha chu midum kawng lai hmel a hmu nawn leh ta lo a ni ange tih mai tur a alkatra ni awm taka ngaih theih lo awm ve leh khauh \hinte chuan kan tum ram chu Davida khawpui anga rangkachak leh tangkarua hmanga din a ni lo ang tih min rin tir thei deuh \hum a. Mahse chu kawng;ruah a sur a diak \hin,khua a \hata khu \hin "kawng tinreng" kan zawh mek chuan vanram kawngka zim,zawh hrehawm leh a hmu tu pawh tlemte an ni a tih kha min hriatchhuah tir nawn awn awn a,Kristiana Vanram Kawngzawh te lam lam ka suangtuah rum rum mai!
Chau leh rum in Khawbung kan thleng a,Hlakungpui Mual tlawh lovin ram tiam lam pan in chaklo leh ch^k lo chung chungin,hreh chuang si lovin zinkawng zuam sual awl tak,zam-awm bawk si chu kan zawh leh ta bauh bauh a.
(A thui dawn tlat! Remchang ah chhunzawm ang......!)
© Copyrights Reserved by C> Vanlalpekhlua
Khuh hawnna :
Lei mite hunbi chhiar dan chuan Mimkut thla,tahrik ni 20 a ni a,kan Lalpa pian a\ang chuan kum 2013 zet a liam tawh a ni. Hun rei tawh tak a\anga kan lo ruahman tawh ang leh kan tum vawihnihna a nih vang chauh pawh ni mai lovin chenna ngai loh ram fang tur chuan kan hun tiam ah kan kim thei hlawm a. Engemaw ti a thil lo theihnghilh neuh neuh an lo awm ve bawk nen;zing dar 9:30am a kal tum kha dar 10:00am dawn hawlh ah kan chhuak thei \awk a.
Khua kan pel fel a,hruaitu ten \awng\aina in kan zinkawng an hlan a,hlim tak leh phur takin zawh ngai loh lamtluang chhui tur chuan member 60 vel zet chu bus lian pakhat leh super ace pakhat hmangin kan in awi liam ve ta duai duai a.
Khuangthing Lamtluang :
Kelkang kan thleng a,chawl lovin ramtiam lam kan pan zel a.Dilkawn kan thleng phei leh a,"An field ah sangha an khawi \hin!" an lo tih \hin chu fiamthu mai ni lovin a tak ngei a ni ang tih rinhlelh rual lohvin tuidawl leh phairuang a lo \o ri ruang mai hlawm a! A va rapthlak em! YMA conference kan hman \um kha chuan phul hmun nuam tak a nih vei nen...
Chawl hman kan ni lova,muang thei lah kan ni hek lo! Dilkawn tlan pel in Khuangleng kan pan phei zel a,chhun khaw lum leh uap churh hnuaiah pawh phur takin kan la zai phei \hap \hap a,a nuam a ni!
Kan tlan ngar ngar a,beisei tawh loh lamah Khuangleng khua chu kan lut deuh thut a. Thingpui in chawlh te neiin thla te kan la hlawm a,eitur kan lei duham hlawm khawp mai! Mahse mango frooti pack khat Rs. 15 an lo ti kha chu kan hlimpui phian e.
Thinghrang kawn kan thleng phei a,khaw r^m chhimbuk leh thlaler tuivalawng rilru a alo lan zut zut na khawpin a reh in a lo reh tlawk tlawk a,ngaih te lam lam an ti \ha lo dawn dawn a!
Kan kal zel a,kawng lah chu a chhe tak tawlh tawlh a! Pa thu uar deuh leh \awnghmang thiam deuh chu ni ila pulpit tlangah pawh, "Chhiat namen in a chhe lova!" ti a chum chilh dum dum tlak vek an ni. Engtinnge hetiang kawng chhe uluk mangkheng ah hian l^ng bus an service peih zawk le tih zawhna ka in zawh ruk rauh rauh chuan mite taimak zia min kawhhmuh hlauh thung a,kal lam a\angin zirlai zir tur ka chhar der mai!
Dungtlang kan thleng a,Lianchhiari Lunglen Tlang tlawh kawi ang u kan tih avangin kan chhuak diah diah a. A hmunhma hnatlangin an lo sam fai dup mai nen;a boruak a zo in hah a dam sawng sawng mai! Thla te kan la a,camera man tih takah ka dam chhunga ka hming hnaisai lo an lam rik ngun ni ber ni hial awma mawi in min ko sek hlawm a. Khami ni kha chuan Lianchhiari ai mah in a lunglen tlangah kha chuan ka hming a thang ni in ka hria!
Dungtlang a\ang chuan a khu a khu in kan luai phei leh ta luai luai a. Rambuai reh hnu,UT kan nawr lai; Sonia Gandhi paw'n a sam a "boy's cut" hun laia laih jeep road, Lalthanhawla CM hmasak ber kuma alkatra kai deuh phelh phawlh chunga an bel liam ve tak nawk nawk \um tih loh kha chu midum kawng lai hmel a hmu nawn leh ta lo a ni ange tih mai tur a alkatra ni awm taka ngaih theih lo awm ve leh khauh \hinte chuan kan tum ram chu Davida khawpui anga rangkachak leh tangkarua hmanga din a ni lo ang tih min rin tir thei deuh \hum a. Mahse chu kawng;ruah a sur a diak \hin,khua a \hata khu \hin "kawng tinreng" kan zawh mek chuan vanram kawngka zim,zawh hrehawm leh a hmu tu pawh tlemte an ni a tih kha min hriatchhuah tir nawn awn awn a,Kristiana Vanram Kawngzawh te lam lam ka suangtuah rum rum mai!
Chau leh rum in Khawbung kan thleng a,Hlakungpui Mual tlawh lovin ram tiam lam pan in chaklo leh ch^k lo chung chungin,hreh chuang si lovin zinkawng zuam sual awl tak,zam-awm bawk si chu kan zawh leh ta bauh bauh a.
(A thui dawn tlat! Remchang ah chhunzawm ang......!)
© Copyrights Reserved by C> Vanlalpekhlua
