*THANGKHAWK THU DI*

Lo sêl lo la;ka sawi dawn e!
Lo têh lo la;ka thu ka zãm dawn e!
Lo ring chhin la? Ka thrawng dawn che.


Tui chung maimawm ril zam zaih in,
Thluam mam leh zãl raih in;
Ther leh pawr awm lo -
hrup hrap leh thap tel hek lovin.

Khai le! Ka ka ka ang anga,ngaithla rawh le!
Ka lei in thu ka sawi anga,
I beng chhi in ngaithla teh khai!
Ka kawhhmuh lam che thlir la,
Zawitea ka hrilh ruk se se che kha -
Hmaih nei lovin ngaihtuah teh aw?!

Thup leh zep awm lo,
Thlauh leh hloh,hmaih awm hek lovin;
Hrilh in ka fah che a,
Chetzia leh hawiher in ka hawi che a.
Tlang ka au a,
Thangkhawk paw'n a hril zel a.

Biahthu ka thai kawi a,
Se se thu Di ka sep a.
Titi ka vawr a,
Zai ka sa a.
Pungkhawm leh tlang hriat ah ka thup seng lova,
Zep zawh rual ni hek lo chu!!

Tur tu leh tir tu na hek!!
Chhungril in a mawlh a mi mawlh mawlh mawlh takah chuan;
Mi thlûk ve dah law maw tiin -
Ka nghak chet chet che a.

Zual zel in ka nghak che a,
Hun leh ni a liam a,
Beiseina pawh a kiam ve keuh keuh a;
I ngawih riai riai reng si chuan.
Mahse thi theilo na na na-
Lang chhuak in a thar leh chawk a.

Chãk vang tel lovin ka nghak a,
Thlir thiam chu a har.
Engtikah nge kha thu khan i thinlungah thangkhawk a-
Ka tana a rawn chhuah ve ang le?

"KA HMANGAIH CHE"

ka tih kha. . .


© Copyrights Reserved by C. Vanlalpekhlua