PASALTHA ZANGTINA
Zangtina hi Mualkawi Pasaltha zinga mi a ni a.A Pa chu Sawnviala a ni. Ram lam leh In lamah malsawmna a dawng hle a, tangka pawh Raw chang khat dawn a nei niin sawi a ni. Pasaltha a nih ang takin Savawm sum 5 zet chu Chemte hau ngawt in a tihlum a, chumi hriatreng nan Ni 2.4.1945 ah Sialin Lung a phun a. Chu a lung phunnna hmun chu ZANGTINA LUNGDAWH tih a ni nghe nghe a, a hmun a lo rem bawk nen midang pawhin lung rawn phun ve zelin (Tunah hian lungphun 30 vel zet a awm tawh nghe nghe) hun a lo kal zel a Mualkawi Pasaltha ve tho Pu Zahmunga lungphun SAPIANMAKSAK lung chu koh lar a lo ni ta zawk mah a ni.
(Sapian-Maksak lungphun / Zangtina Lungdawh hi Mualkawi atanga Zokhawthar/ Tiau kawng a kal a Mualkawi khaw pelh hnu 3km vela lungphun lo ding tlar thap, kawng chhak lama lungphun inziahzawm vek lo awmna kha a ni.)
Pasaltha Zangtina hian sawi tawh angin hausak lamah Sial pawh a ngah viau ni tur a ni; Sa talh an awmin Pi Khuangi (Mualkawi khaw lalnu, Pi Khuangi Lungdawh hmun in hming a put chhan) nen a dar an inlak chhawk hial thin a ni. (Sadar lak tih hi - “Ka talh ve thei a; ka talh hunah i la ve leh ang” ti ngamin sa talh an awmin an la thin.)
Pasaltha Zangtina hian kum 50 a nih a Lung a dawh lai pawh hian Sial 21 a talh tawh a. Sa 70 a kap hman tawh bawk a, Sial in vawi 3 a ai bawk. Buh pawh Tuha zawn leh Silai zawn a thlo chhuak a ni. Sumdawn lam pawh Mualkawi-ah chuan a ti hmasa ber awm e. Khawthlang lam thlengin Ui leiin a kal a; Burma lamah a hralh leh thin a, Cheng 300 kawl loh lai a neilo ni a sawi a ni a. Mi inren thiam tak ni a sawi a ni bawk.
Fanau lamah erawh a vanduai deuh a ni maithei; Hmeichhia hlir 7 a nei thung a, chungte chu:- 1) Zaneihkimi 2)Khenthluaii 3)Chalneihthangi 4)Satinchangi 5)Notiali 6)Darneihi 7)Salhrenzingi te an ni. A fate zingah hian Pi Darneihi phei chu tun thleng hian a la dam nghe nghe a ni. A thachhang dawltu leh a sulhnu han chhui zui tur fapa a neih loh avang hian a hmingthat tur ang tak pawh in a lar zuiin sawi zui zel a hlawh loh phah a ni maithei e. Amaherawhchu, Zangtina hi Sumdawn nachang hre hmasa, Pasaltha leh khawtlang tana mi tangkai tak a ni tih a lang a ni.
Zangtina hi Mualkawi Pasaltha zinga mi a ni a.A Pa chu Sawnviala a ni. Ram lam leh In lamah malsawmna a dawng hle a, tangka pawh Raw chang khat dawn a nei niin sawi a ni. Pasaltha a nih ang takin Savawm sum 5 zet chu Chemte hau ngawt in a tihlum a, chumi hriatreng nan Ni 2.4.1945 ah Sialin Lung a phun a. Chu a lung phunnna hmun chu ZANGTINA LUNGDAWH tih a ni nghe nghe a, a hmun a lo rem bawk nen midang pawhin lung rawn phun ve zelin (Tunah hian lungphun 30 vel zet a awm tawh nghe nghe) hun a lo kal zel a Mualkawi Pasaltha ve tho Pu Zahmunga lungphun SAPIANMAKSAK lung chu koh lar a lo ni ta zawk mah a ni.
(Sapian-Maksak lungphun / Zangtina Lungdawh hi Mualkawi atanga Zokhawthar/ Tiau kawng a kal a Mualkawi khaw pelh hnu 3km vela lungphun lo ding tlar thap, kawng chhak lama lungphun inziahzawm vek lo awmna kha a ni.)
Pasaltha Zangtina hian sawi tawh angin hausak lamah Sial pawh a ngah viau ni tur a ni; Sa talh an awmin Pi Khuangi (Mualkawi khaw lalnu, Pi Khuangi Lungdawh hmun in hming a put chhan) nen a dar an inlak chhawk hial thin a ni. (Sadar lak tih hi - “Ka talh ve thei a; ka talh hunah i la ve leh ang” ti ngamin sa talh an awmin an la thin.)
Pasaltha Zangtina hian kum 50 a nih a Lung a dawh lai pawh hian Sial 21 a talh tawh a. Sa 70 a kap hman tawh bawk a, Sial in vawi 3 a ai bawk. Buh pawh Tuha zawn leh Silai zawn a thlo chhuak a ni. Sumdawn lam pawh Mualkawi-ah chuan a ti hmasa ber awm e. Khawthlang lam thlengin Ui leiin a kal a; Burma lamah a hralh leh thin a, Cheng 300 kawl loh lai a neilo ni a sawi a ni a. Mi inren thiam tak ni a sawi a ni bawk.
Fanau lamah erawh a vanduai deuh a ni maithei; Hmeichhia hlir 7 a nei thung a, chungte chu:- 1) Zaneihkimi 2)Khenthluaii 3)Chalneihthangi 4)Satinchangi 5)Notiali 6)Darneihi 7)Salhrenzingi te an ni. A fate zingah hian Pi Darneihi phei chu tun thleng hian a la dam nghe nghe a ni. A thachhang dawltu leh a sulhnu han chhui zui tur fapa a neih loh avang hian a hmingthat tur ang tak pawh in a lar zuiin sawi zui zel a hlawh loh phah a ni maithei e. Amaherawhchu, Zangtina hi Sumdawn nachang hre hmasa, Pasaltha leh khawtlang tana mi tangkai tak a ni tih a lang a ni.
