2. Mupui chuan mit fiah tak a nei a, 5km a hla ațang pawhin a tum chu a hawisawn san ngai lo. I nunah tum i nei thei; chu chu chiang takin en tlat ang che. Eng anga hmuhnawm leh mit titlai, dipdaltu leh hrehawm pawh awm mahse i thinlungin i tum ram hawisan suh se.
3. Mupui chuan sa ruang thi țawih sa an ei ngai lova, eitur tharlam an ring zawk țhin. I lo hlawhtlin tawhna leh i chanchin hlui chu kalsan la, chona thar hmachhawn la, hneh leh țhin zawk rawh.
4. Mupui chuan thlipui lo inmung a hmuh in a phur em em țhin. Thli chakna hmang țangkaiin van boruak sang takah a invawrh chho țhin a, a chakna ringawt hmanga a thlen phak lohna hmun a fang kual țhin. I hmaah harsatna a lo thleng fo ang. Thlipui hlauva biru savate chuan thlipui leh ruahpui an sepui ruah tuar ngawt ngawt țhin tih hria la, mupui angin chu harsatna chu nangmah chawisangtu atan hmang țangkai ang che.
5. Mupui chuan a no awpte an lo keuvin; a bu a thil nem leh nek nuam te a thianfai țhin a. Tichuan, a no lo keu tharte chuan thlawh an zir hunah hrehawm an tuar thei sawt țhin. Nangpawh, tuna i awmna kha a nuamin a hahdam viau a ni thei; kalsan rawh. Chawlh-hahdamna hmunah hmasawnna a awm ngai lo. "Leave your comfort zone, there is no growth there."
© Da Revd Peka Chhakchhuak
