Pu Sangzela Tlau hian Mizoram hi a hmangaih tak tak anih chuan TV show hmanga politician te in trawng awh tir tum reng lo hian rawn in candidate rawh se.
Pu K. Sapdanga pawh hian a editorial column leh chhiartute huang atang ngawt lo hian Zoram kalphung hi rawn vei teh se!
Tv. Vanlalsailova pawh pulpit tlang atangin rawn chhuk ve sela?
Pu Vanneihtluanga pawh hi Eizawnna huang a thu tha deuh deuh a awihawm tawk chauhva ziak reng lo hian thalaite tana remchang siamsak turin a remhriatna te hi zoram politics huangah rawn kheh var puak mai sela?
Pu Vanneihthanga Vanchhawng,pa dik leh remhria,leadershipnei tha tak pawh hian a cameraman te hnuchhawn in candidate platform rawn chuang kai ve teh se!
Chutiang zelin hming hmerh loh mithiam leh ril pui pui,kan pastor inhmuam up tak tak leh midangte pawh hian tawngkam leh thuziak ringawt kan sawt pui loh zia hria in rawn pen chhuak teh u khai!
TV show a in chapchar ringawt hian politics tui nu a thianfai zo ngai lovang. Chanchinbu editorial atanga sawrkar rawn faksel vak pawh hian ni hnih khat titi bak nghawng lian tham a siam lo. Pulpit tlang chum dum dum ringawt hian kan politics kalphung diklo a chum hlum zo lo ang. Ni e,thil tha pui pui ziah kur duah ringawt hi chuan mit a ti tlai thlawn a,rualawh a ti na mai chauh a ni.
Kan sakhaw pithiamte pawh hian Pathian kohna nghak inti reng lo hian mahni thahnemngaihna in ke pen se,mipui kohna aw hi Pathian kohna anga an pawm thiam hunah chauh Pathian hian politics huang a dai tir ka ring. "Ka fapa,tho la,Ratu bial ah va in candidate rawh!", chunglam khian a rawn tih dut dut ka ring lo bur!
Ni e,mualpho in hlau a. In candidate ve tingtang a tlin loh mualpho leh si in hlau anih kha tir'u? Nge mipui thawhlawm atangin thla hlawh in lak a,sawrkar advertisement atangin sum in dawn ruih ruih bawk hian in lungawi zawk? In thlakhat ei ah in buai lo pawh a ni thei,hei hi chu in chungchang a ni lo! Zanin zanriah chhum tur pawh neilo leh naktuk lungkham reng reng a an vawiinni hun hmang midangte tan zawk ani asin!
Nangni chuan in sum in nei a,a pai in nei bawk a. In nghet tawh a,awmhmun atanga thu tha deuh deuh in lo sawi ve luam anih paw'n kan sawi phak a ni lo! Mahse rualawh hre tawk lekin thalaite beng in ti vir a,a awihawm tawk lekin in hrilh a. An lungawina in ti chhia a,in pek theih loh in it tir a,a ngaihna hria in rawn chhuak duh si lo! Engtikah emaw retheihna in a vuak chauh mipuite hi an rawn rik hluai hunah chuan in TV show te,in editorial leh in sermon te hi anchhia an la lawh anga,in thlan chungah "Thil tha hria a ti ngam si lo mi dawihzep" tiin an thinurna ke an la rawn per ngei ang.
Chu thil a thlen hma chuan in siamtha thei asin! Kan ngen ngawih ngawih che u anih hi.....
(Hming hmerha ka lam chhuah te khi ka huat vang a ni lova,ram hruai tura ka mi it te an nih vang chauha tarlang ka ni. An hriatthiamna ka ngen nghal e.)
© Copyrights Reserved by C. Vanlalpekhlua
Pu K. Sapdanga pawh hian a editorial column leh chhiartute huang atang ngawt lo hian Zoram kalphung hi rawn vei teh se!
Tv. Vanlalsailova pawh pulpit tlang atangin rawn chhuk ve sela?
Pu Vanneihtluanga pawh hi Eizawnna huang a thu tha deuh deuh a awihawm tawk chauhva ziak reng lo hian thalaite tana remchang siamsak turin a remhriatna te hi zoram politics huangah rawn kheh var puak mai sela?
Pu Vanneihthanga Vanchhawng,pa dik leh remhria,leadershipnei tha tak pawh hian a cameraman te hnuchhawn in candidate platform rawn chuang kai ve teh se!
Chutiang zelin hming hmerh loh mithiam leh ril pui pui,kan pastor inhmuam up tak tak leh midangte pawh hian tawngkam leh thuziak ringawt kan sawt pui loh zia hria in rawn pen chhuak teh u khai!
TV show a in chapchar ringawt hian politics tui nu a thianfai zo ngai lovang. Chanchinbu editorial atanga sawrkar rawn faksel vak pawh hian ni hnih khat titi bak nghawng lian tham a siam lo. Pulpit tlang chum dum dum ringawt hian kan politics kalphung diklo a chum hlum zo lo ang. Ni e,thil tha pui pui ziah kur duah ringawt hi chuan mit a ti tlai thlawn a,rualawh a ti na mai chauh a ni.
Kan sakhaw pithiamte pawh hian Pathian kohna nghak inti reng lo hian mahni thahnemngaihna in ke pen se,mipui kohna aw hi Pathian kohna anga an pawm thiam hunah chauh Pathian hian politics huang a dai tir ka ring. "Ka fapa,tho la,Ratu bial ah va in candidate rawh!", chunglam khian a rawn tih dut dut ka ring lo bur!
Ni e,mualpho in hlau a. In candidate ve tingtang a tlin loh mualpho leh si in hlau anih kha tir'u? Nge mipui thawhlawm atangin thla hlawh in lak a,sawrkar advertisement atangin sum in dawn ruih ruih bawk hian in lungawi zawk? In thlakhat ei ah in buai lo pawh a ni thei,hei hi chu in chungchang a ni lo! Zanin zanriah chhum tur pawh neilo leh naktuk lungkham reng reng a an vawiinni hun hmang midangte tan zawk ani asin!
Nangni chuan in sum in nei a,a pai in nei bawk a. In nghet tawh a,awmhmun atanga thu tha deuh deuh in lo sawi ve luam anih paw'n kan sawi phak a ni lo! Mahse rualawh hre tawk lekin thalaite beng in ti vir a,a awihawm tawk lekin in hrilh a. An lungawina in ti chhia a,in pek theih loh in it tir a,a ngaihna hria in rawn chhuak duh si lo! Engtikah emaw retheihna in a vuak chauh mipuite hi an rawn rik hluai hunah chuan in TV show te,in editorial leh in sermon te hi anchhia an la lawh anga,in thlan chungah "Thil tha hria a ti ngam si lo mi dawihzep" tiin an thinurna ke an la rawn per ngei ang.
Chu thil a thlen hma chuan in siamtha thei asin! Kan ngen ngawih ngawih che u anih hi.....
(Hming hmerha ka lam chhuah te khi ka huat vang a ni lova,ram hruai tura ka mi it te an nih vang chauha tarlang ka ni. An hriatthiamna ka ngen nghal e.)
© Copyrights Reserved by C. Vanlalpekhlua
