“Nula,van ami khian hei hi itan min pe...”
Amah chu nula tih rual pawh la ni meuh lo,kum tlin hmaa buk tling tih hriat taka tleirawl khal leh dawng no zuah mai hia a ni roh a. A hming emaw,a nihna emaw sawi ta ila;in hre deuh thrum hlawm dawn si a.An awmna veng hming sawi ila thenkhat chuan in chhui dawn thiam nghal ngai ang.Min hrethiam mai teh u.....
A thiannu bialpa birthday lawm tur a chhuah chu a chak ru zek zek tawh tih chu zanriah kil laia dawhkan hnuaia a ke a per leh det det thin chuan a tlangau pui chiang hle! A star ruk em em,a thiannu bialpa thianpa te nen nen an pali in an ride dawn hek... Khawi lam tleirawl in nge sure chance a star te nen a snaek out chu hreh tehlul ang ni?
A nu leh pa in thu tha an hrilh mawlh mawlh pawh chu a bengkhawn bahra fumfe lo chiang hle! A thiannu in a rawn sawm takah chuan an chhuak dun ta nghal a,thim chhelh chhawlh;unau hmel hai vel ni tawh mahse chung tleirawl pahnih te pian dik zaih mai leh an vun no nung sarh mai te chu hai luih rual an ni mawlh lo.
Kawngpui sir deuh a i20 car senduk lo ding thim mak mai atang chuan hla hot angreng deuh mai hi a rawn ri chhuak dup dup a,a thinphu chu a rang tawh kher mai! Chu car nalh tak chhungah chuan a star em em mai chuan amah nghak in a zei na chetzia leh tawngkam engkim nen a lo beisei mek ani tih chu a pa hming a hriat chian tluk zet in a hre chiang ta ve ang.
Birthday party hlimawm leh hot ru tak chuan thalai par kai chhelh chhawlh kalkhawm boruak chu a zem hnen chiai chiai khawp mai. Sap pachal DJ music chhampual mil a lo lam su nghawng nghawng te,wine leh red no lo in khak ri leh chhak bakah a kil thimchin leh chin lova duhthawh taka lo in pe dak ngawr ngawr te chu khawvel an chen dan ni ve miau hek! I vanneih chuan bedroom lama thiante thlim thawm nula leh tlangval thaw ri in chhawn halh halh te chu i hre pha hial maithei...
A star em em,minute 10 em pawh a liam hmaa a bialpa ni tura hmangaih biahthu a lo hlan tak a ngei chuan red no khat chu a rawn serve a,a in ngai loh thu sawia a han hnar deuh ngial paw’n a thianten in ve chhin tal tura an nawr luih laih laih takah chuan a han tem ve zauh a. Zawlaidi a lo lem hmasak ve sek tawh avang chuan chuti eme em a in harsa a ni paw’n a hre tawh lo;no hnih thum vel lai chu a in zo ta der mai a.
A mut rawn chhuak chiai chiai chu a inveng ne hram hram na a,a in control theih tak ngang loh avang chuan thei leh thei lovin bedroom lamah chuan an kuah lut ta ngawt a. Khum a thleng chiah chu a tlu hnawk a,a muhil titih nghal der a. Engkim mai chu a chiang lo! A phe ruai ruai a,a bialpa an a kekawr a phelh sak pawh chu inveng turi chakna a nei tawh thlawt lo. A na zawk a,a nulat thianghlimna chu a hloh ta! Kha na zawk kha a damchhung natna intran na tur ani tih a hre phak kher ang em?
A hmangaih,a duh em em in mutthilhna damdawi hmanga bum in a thianghlimna a lak sak ta! Rilru na em em in a trap zawih zawih a,mahse engmah siamthat theih a ni tawh lo. A kawi tawh chu tihngil theih a ni lova,a awmlo chu zawn hmuh rual a ni lo. Kum a liam a,hun a ral a. Kohhran le khawtlangah han inhmang viau dawn thin mahse kha zan khan a chelh reng a,liam tawh mahse a kalsan thei si lo! Mipa tumah a ring zo tawh lova,mahni a awm khawhar pah a inngaihtuah lungchhiat kerh kerh pawh a bansan thei lo. Pro Pastor in a ngaihzawn lai leh palai hial tirh tuma a hel lai te kha a ngaihtuah chhuak a,alo vanduai tawh na chungchang avanga zak leh rilru na taka an in thra thren leh tak ngawt te kha a ngaihtuah chhuak leh a.
A tihsual a ni lo asin! Bum in a awm a,verther taka hnehchhuh sak a ni a. A bum tu zawk mah zalen leh zahawm taka a len laia a vanduai zawk puanchhe hnangkhai ang lek dinhmuna a ding chu tawrhthiam har a ti ve thlawt..... A trap a,a Pathian angchhung ah pawh vawi duai lo a trap muhil tawh. Zanin zet chu a vanduaina chungchang vanga diriam taka rawn trawng khum tu a bialpa hlui vang chuan a na takzet!
A khum bula mutthilhna damdawi strip khat chu a han kheh nawk nawk a,a trah nasat em avanga a mittui luang kawi niaih nuaih te avang chuan a khaw hmuh te chu a phe ruai bawk a. Chung damdawi mum te chu a hum ngawt ngawt a,a nun chhiat na hmanrua ngei a a nun chhah chu a chak ta et et! A han hmawm dawn a,a lungchhe hnuk ulh leh khur nasa lutuk avang chuan a che thei thlawt lo....
Sitting room lama a nu leh pa te T.V en chu a rawn ri ta riai riai a..................
“Misual ka ni asin ka lal Isu!
Lei mite tan pawh in kei zawng mi bawlhhlawh ka ni a.
Mahse ka lal thar chuan, ‘Ka fa,i thianghlim ta e!’ tiin -
Min thenhrang ta;khawvel nen - tunah,
Haleluiah Amen!!”
Lungchhe van kai leh thinlung keh sawm vek a beidawn leh natna hmunah chuan a Lal chuan khawngaihna,hmangaihna leh ngaihdamna nen a lo nghak reng mai hi a lo ni a.....
©Copyrights Reserved by C. Vanlalpekhlua
Amah chu nula tih rual pawh la ni meuh lo,kum tlin hmaa buk tling tih hriat taka tleirawl khal leh dawng no zuah mai hia a ni roh a. A hming emaw,a nihna emaw sawi ta ila;in hre deuh thrum hlawm dawn si a.An awmna veng hming sawi ila thenkhat chuan in chhui dawn thiam nghal ngai ang.Min hrethiam mai teh u.....
A thiannu bialpa birthday lawm tur a chhuah chu a chak ru zek zek tawh tih chu zanriah kil laia dawhkan hnuaia a ke a per leh det det thin chuan a tlangau pui chiang hle! A star ruk em em,a thiannu bialpa thianpa te nen nen an pali in an ride dawn hek... Khawi lam tleirawl in nge sure chance a star te nen a snaek out chu hreh tehlul ang ni?
A nu leh pa in thu tha an hrilh mawlh mawlh pawh chu a bengkhawn bahra fumfe lo chiang hle! A thiannu in a rawn sawm takah chuan an chhuak dun ta nghal a,thim chhelh chhawlh;unau hmel hai vel ni tawh mahse chung tleirawl pahnih te pian dik zaih mai leh an vun no nung sarh mai te chu hai luih rual an ni mawlh lo.
Kawngpui sir deuh a i20 car senduk lo ding thim mak mai atang chuan hla hot angreng deuh mai hi a rawn ri chhuak dup dup a,a thinphu chu a rang tawh kher mai! Chu car nalh tak chhungah chuan a star em em mai chuan amah nghak in a zei na chetzia leh tawngkam engkim nen a lo beisei mek ani tih chu a pa hming a hriat chian tluk zet in a hre chiang ta ve ang.
Birthday party hlimawm leh hot ru tak chuan thalai par kai chhelh chhawlh kalkhawm boruak chu a zem hnen chiai chiai khawp mai. Sap pachal DJ music chhampual mil a lo lam su nghawng nghawng te,wine leh red no lo in khak ri leh chhak bakah a kil thimchin leh chin lova duhthawh taka lo in pe dak ngawr ngawr te chu khawvel an chen dan ni ve miau hek! I vanneih chuan bedroom lama thiante thlim thawm nula leh tlangval thaw ri in chhawn halh halh te chu i hre pha hial maithei...
A star em em,minute 10 em pawh a liam hmaa a bialpa ni tura hmangaih biahthu a lo hlan tak a ngei chuan red no khat chu a rawn serve a,a in ngai loh thu sawia a han hnar deuh ngial paw’n a thianten in ve chhin tal tura an nawr luih laih laih takah chuan a han tem ve zauh a. Zawlaidi a lo lem hmasak ve sek tawh avang chuan chuti eme em a in harsa a ni paw’n a hre tawh lo;no hnih thum vel lai chu a in zo ta der mai a.
A mut rawn chhuak chiai chiai chu a inveng ne hram hram na a,a in control theih tak ngang loh avang chuan thei leh thei lovin bedroom lamah chuan an kuah lut ta ngawt a. Khum a thleng chiah chu a tlu hnawk a,a muhil titih nghal der a. Engkim mai chu a chiang lo! A phe ruai ruai a,a bialpa an a kekawr a phelh sak pawh chu inveng turi chakna a nei tawh thlawt lo. A na zawk a,a nulat thianghlimna chu a hloh ta! Kha na zawk kha a damchhung natna intran na tur ani tih a hre phak kher ang em?
A hmangaih,a duh em em in mutthilhna damdawi hmanga bum in a thianghlimna a lak sak ta! Rilru na em em in a trap zawih zawih a,mahse engmah siamthat theih a ni tawh lo. A kawi tawh chu tihngil theih a ni lova,a awmlo chu zawn hmuh rual a ni lo. Kum a liam a,hun a ral a. Kohhran le khawtlangah han inhmang viau dawn thin mahse kha zan khan a chelh reng a,liam tawh mahse a kalsan thei si lo! Mipa tumah a ring zo tawh lova,mahni a awm khawhar pah a inngaihtuah lungchhiat kerh kerh pawh a bansan thei lo. Pro Pastor in a ngaihzawn lai leh palai hial tirh tuma a hel lai te kha a ngaihtuah chhuak a,alo vanduai tawh na chungchang avanga zak leh rilru na taka an in thra thren leh tak ngawt te kha a ngaihtuah chhuak leh a.
A tihsual a ni lo asin! Bum in a awm a,verther taka hnehchhuh sak a ni a. A bum tu zawk mah zalen leh zahawm taka a len laia a vanduai zawk puanchhe hnangkhai ang lek dinhmuna a ding chu tawrhthiam har a ti ve thlawt..... A trap a,a Pathian angchhung ah pawh vawi duai lo a trap muhil tawh. Zanin zet chu a vanduaina chungchang vanga diriam taka rawn trawng khum tu a bialpa hlui vang chuan a na takzet!
A khum bula mutthilhna damdawi strip khat chu a han kheh nawk nawk a,a trah nasat em avanga a mittui luang kawi niaih nuaih te avang chuan a khaw hmuh te chu a phe ruai bawk a. Chung damdawi mum te chu a hum ngawt ngawt a,a nun chhiat na hmanrua ngei a a nun chhah chu a chak ta et et! A han hmawm dawn a,a lungchhe hnuk ulh leh khur nasa lutuk avang chuan a che thei thlawt lo....
Sitting room lama a nu leh pa te T.V en chu a rawn ri ta riai riai a..................
“Misual ka ni asin ka lal Isu!
Lei mite tan pawh in kei zawng mi bawlhhlawh ka ni a.
Mahse ka lal thar chuan, ‘Ka fa,i thianghlim ta e!’ tiin -
Min thenhrang ta;khawvel nen - tunah,
Haleluiah Amen!!”
Lungchhe van kai leh thinlung keh sawm vek a beidawn leh natna hmunah chuan a Lal chuan khawngaihna,hmangaihna leh ngaihdamna nen a lo nghak reng mai hi a lo ni a.....
©Copyrights Reserved by C. Vanlalpekhlua
