Zing thingpui thlum keng khu hlat hlat chungin dar 8:30am rik hma deuh chuan tualah chuan ka tei phâk chhap chhap a. Mit êk nam lirh tawp tawp pah chuan kan in piah Boarding school hostel,lei atanga chhawng li na,tukverh sir ber chu ka han melh nghal chat a. . . . Khi teeee.. . . . Hostel naupag-i paw'n min lo thlir leh kiau tawh!!!
1st terminal exam an zo a,nimin piah atang khan 2nd term atan an rawn lut leh a. Chumi ni atang chuan alawm khi hostel naupang hmelthate-i zûna ka uai tak ni!!!
Zing karah te,tlai ah te,zan lehkhazir hunah te hian tuna a thutna ah hian a rawn thu chat thin a. A thiante chu a ngaihsak ngai lova,a thiante paw'n an belbul ngai lo. Mak ka tih deuh chu a nui hmel ka la hmu lova,lungngai hmel pawh a pu ngai chuang lo. Study hour a ka han en apiang hian tukverh lam alo hawi lai ka hmu ngei ngei a,lehkha zir hi a peih thlawt lo anih ka ring chiang khawp. . . . . .
Kar 2 zet hostel-a an awm hnu pawh chuan a awmdan chu chhete paw'n ala danglam lo. Lehkha zir hunah alo thu chat a,zir lovin pawn lam a thlir ngei ngei bawk. Ka ngaihbel emaw ni,a chang chuan kan in hlir a thlir ni ber hian ka hre thin.
Kei ve thung erawh a ni telin chu hostel naupang ka duh na chu ka vei nasa tual tual thung a. A mize mak tak chuan min bual â nge a hmel duhawm lutuk hi ka atchilh zawk ka hrethiam lo.
A classmate te chu ka hostel naupang duhawmi chungchang ka zawh chuan an hriat loh thu in min chhang thin ang lawi a!!! Ka thlir nasa lutuk anga,a zak in engmah sawi lo turin ati aniang. . .. .hmeichhe ho hi chuan an thiante hi chu an thlawp thiam thei si. . . .
Chawlhkar thumna ani ta. Zankhat chu ka hostel naupangtei te hostel naupang ho chu an rak chel chul mai a,eng thil nge thleng tih ngaihven chuan kan tualah chuan ka tlan chhuak vat a.Ka bawihtei thutna zawn tukverh darthlalang keh darh chhuai chu ka hmu zuai hman a,an hostel current chu a thim zui nghal ta mai bawk a. Ngaihtuah zui lem lo chuan ka lut leh mai a,k phone chu phawrh in ka hla download thar chu ka ngaithla kual dan dan a.
Darkar chanve vel ani in ka hria. . .. .ka thian kawmngeih em em Ramdina,kan venga tleirawl hawkdak ber hi thaw hlawp hlawp in ka room ah a rawn tlan lut a. Hah hmel takin a thaw hlawi hlawi a, "Bro. . . . .,hostel naupang. . . . . . . setanic ho. . . . . . . ramhuai an hnawtchhuak.. . . . . En ve ang",tih buh nuai pah chuan a rawn luh lam aia hmanhmawh zawk mah chuan a tlanchhuak leh nghal. . . .i hé lova um ve nghal chuka theinghilh bik lo. . . .
Hostel-ah chuan mi an lo awm luih luih a. A then an tawngtai a,a then an lo phili buai nuai bawk a.
Patling pakhat chu thil awmzia ka han zawt ve a,"hostel mipa naupang thenkhat ten setana an lo be thin ani awm a.vawin tlai praise & worship an hman lai khan an buai ta ani awm e. Ramhuai tihbuai ber chu chhawng hnuai,hmeichhe room ah a tlanlut a,an sir ten umzuiin an chelh thei ta hram ani awm e. Tunah chuan pastor inah an hruai tawh", ati a.Enge ka hlauh pawh ka hre lo;ka tha chu a khur der der a,chhawnghnuai,hmeichhe room ah chuan ka chhuk thla a. Hawkdak thil thu tiin ka han lut a,ka bawihtei thutna zawn chu darthlalang keh atang ka hre thei nghal mai a,ka pan phei a.
Blackboard ah chuan
" Dt. 7th August, 2013 -- Lession nb. 15"
tih alo in ziak kalh a.
Tukverh keh bul bangah chuan thlalak pakhat hi frame mawi deuh in alo in tar a,ka han melh kher a.
Ka bawihtei ngei ani!!!
Thlalak hnuaiah chuan. . . . .
"KAN THIAN DUHTAK
CINDY LALHMINGHLUI
5th Feb,1993 - 27th April,2010
VAN AH HLIM TAKIN KAN TAWK LEH ANG."
Chumi hnu atang chuan ka bawihtei tukverha a rawn dak ka hmu leh ngai ta lo.
© Copyrights Reserved by C. Vanlalpekhlua
1st terminal exam an zo a,nimin piah atang khan 2nd term atan an rawn lut leh a. Chumi ni atang chuan alawm khi hostel naupang hmelthate-i zûna ka uai tak ni!!!
Zing karah te,tlai ah te,zan lehkhazir hunah te hian tuna a thutna ah hian a rawn thu chat thin a. A thiante chu a ngaihsak ngai lova,a thiante paw'n an belbul ngai lo. Mak ka tih deuh chu a nui hmel ka la hmu lova,lungngai hmel pawh a pu ngai chuang lo. Study hour a ka han en apiang hian tukverh lam alo hawi lai ka hmu ngei ngei a,lehkha zir hi a peih thlawt lo anih ka ring chiang khawp. . . . . .
Kar 2 zet hostel-a an awm hnu pawh chuan a awmdan chu chhete paw'n ala danglam lo. Lehkha zir hunah alo thu chat a,zir lovin pawn lam a thlir ngei ngei bawk. Ka ngaihbel emaw ni,a chang chuan kan in hlir a thlir ni ber hian ka hre thin.
Kei ve thung erawh a ni telin chu hostel naupang ka duh na chu ka vei nasa tual tual thung a. A mize mak tak chuan min bual â nge a hmel duhawm lutuk hi ka atchilh zawk ka hrethiam lo.
A classmate te chu ka hostel naupang duhawmi chungchang ka zawh chuan an hriat loh thu in min chhang thin ang lawi a!!! Ka thlir nasa lutuk anga,a zak in engmah sawi lo turin ati aniang. . .. .hmeichhe ho hi chuan an thiante hi chu an thlawp thiam thei si. . . .
Chawlhkar thumna ani ta. Zankhat chu ka hostel naupangtei te hostel naupang ho chu an rak chel chul mai a,eng thil nge thleng tih ngaihven chuan kan tualah chuan ka tlan chhuak vat a.Ka bawihtei thutna zawn tukverh darthlalang keh darh chhuai chu ka hmu zuai hman a,an hostel current chu a thim zui nghal ta mai bawk a. Ngaihtuah zui lem lo chuan ka lut leh mai a,k phone chu phawrh in ka hla download thar chu ka ngaithla kual dan dan a.
Darkar chanve vel ani in ka hria. . .. .ka thian kawmngeih em em Ramdina,kan venga tleirawl hawkdak ber hi thaw hlawp hlawp in ka room ah a rawn tlan lut a. Hah hmel takin a thaw hlawi hlawi a, "Bro. . . . .,hostel naupang. . . . . . . setanic ho. . . . . . . ramhuai an hnawtchhuak.. . . . . En ve ang",tih buh nuai pah chuan a rawn luh lam aia hmanhmawh zawk mah chuan a tlanchhuak leh nghal. . . .i hé lova um ve nghal chuka theinghilh bik lo. . . .
Hostel-ah chuan mi an lo awm luih luih a. A then an tawngtai a,a then an lo phili buai nuai bawk a.
Patling pakhat chu thil awmzia ka han zawt ve a,"hostel mipa naupang thenkhat ten setana an lo be thin ani awm a.vawin tlai praise & worship an hman lai khan an buai ta ani awm e. Ramhuai tihbuai ber chu chhawng hnuai,hmeichhe room ah a tlanlut a,an sir ten umzuiin an chelh thei ta hram ani awm e. Tunah chuan pastor inah an hruai tawh", ati a.Enge ka hlauh pawh ka hre lo;ka tha chu a khur der der a,chhawnghnuai,hmeichhe room ah chuan ka chhuk thla a. Hawkdak thil thu tiin ka han lut a,ka bawihtei thutna zawn chu darthlalang keh atang ka hre thei nghal mai a,ka pan phei a.
Blackboard ah chuan
" Dt. 7th August, 2013 -- Lession nb. 15"
tih alo in ziak kalh a.
Tukverh keh bul bangah chuan thlalak pakhat hi frame mawi deuh in alo in tar a,ka han melh kher a.
Ka bawihtei ngei ani!!!
Thlalak hnuaiah chuan. . . . .
"KAN THIAN DUHTAK
CINDY LALHMINGHLUI
5th Feb,1993 - 27th April,2010
VAN AH HLIM TAKIN KAN TAWK LEH ANG."
Chumi hnu atang chuan ka bawihtei tukverha a rawn dak ka hmu leh ngai ta lo.
© Copyrights Reserved by C. Vanlalpekhlua
