"Ka naupang a,nangni in upa a.
Chuvâng chuan ka tîm a,ka ngaihdan pawh ka hrilh ngam lo che u a.
Khuareiin hril sela,
Kum tamin finna zirtir teh se,ka ti a.
Mahse,mi thil hriatthiam tirtu chu mihringa thlarau awm, Engkimtitheia thaw chu a ni.
Kum tam hi an fing chuang lova,
Upaten thudik an hre thiam chuang lo.
Chuvang chuan mi ngaithla ula,
Ka ngaihdan ka han sawi teh ang,ka ti ani."
A thla bi a han bahlah a,thei thur rawp leh luak chhuak a han pek nat viau tak hnu hi chuan a thin lo chhe thar ta deuh roh mahse pa ber hi mawng a hawlh ang maiin kan za ru deuh chung a. Kelphung tap chim hmu ang maiin vei nuih sui sui pah in nupuite pum kan zut kan zut leh mai thin. Ele. . . .a raino miau hek!
Thla a pum chho bek bek a,zan lama pa hnathawh nu pum in a rawn puan mualpho tak tulh tulh si ah chuan zahzel ah kawrfual parh deuh kan han hak tir ve leh ngawt a,a thup tak tak theih chuang lem hlei lova!
Thil lo la awm mai tur lantirna hmahruai a rawn awm tran atrang tawh khan keimah leh kan chhungkua ah danglamna nasa tak a rawn thlen nghal pang a,ka nupui pum chhungah naute a awm ani tih ka hriat atang khan zu ka in ruk zauh thin te kha ka sim hmiah tawh a. Ka fa lo piang tur hian khawvela pa tha ber a nei ani tih a inhre ngei tur ani tih chu India patling measuring tape chen hian thuthlukna nghet bur ka siam,lirpui nghin kum pawh a ka thlah loh tur intiamna rorum leh rumra a ni zi ri thrawt!
A nu nen chauh ni mah ila rawn awm ve mai tura khan a awm hma atang tawh min ti hlim a,chhungkua a va'n ti chhungkua hliah hliah tak em!Mipa nge a nih ang hmeichhia? Pang dam takin a rawn piang ang em? Fuke kim in a piang angem?? Ngaihtuah tur a tam a,vei tur a kat nuk bawk a.
Bazar kal ila,pheikhawk tereuhte leh kawr tetakte kan han melh kual nghal ngawt a,patling hi thinrik leh barbie zawrh na kawt ah kawng dawm in kan ding nui leh hui hui mai thin. Dawhthlak zan ka phur tluk zet khan dawh thlak hmel hmuh chu ka chak hial in ka hria!
Fuke kimin,felfai takin a rawn piang a. Ava nuam em! Ka hlim a,ka nupui nen chuan ka kuah ngawih ngawih a. Ka hmangaih ani,pa ka ni ve tak tak tawh alawm! Tunah chuan "matea pa" ka ni ve ta bawk a,puzawn te inah pawh bawp khawkherh in thingpui sen hang kan dawm khu ve hlat hlat ngam tawh ang chu!
Naupuan alo berh êng liai mai thin te kha ka su phur thei teh mai asin! Miten "thaibawih" min ti el teh fova,ka zak lem hlei lova! Ka chan loh tur ani tih lo hre lawk ila chuan thlah lovin ka pawm reng anga,kumkhua atan ka chelh reng mai tur. . . .
Thla khat chauh ka pua a,ka pawm in ka awm hman a. Mahse thihna rapthlak tak chuan ka naute chu min laksak ta daih mai le! A na asin!!! Ka theihtawp chhuah in leh ka neih zawng zawng pawh sen huam in a nunna chelh tumin ka hmanhlel a.Ka Pathian hming ka lam a,ka aw rawl tawp in ka au a. A chhanna min pek chu "ngawih reng" chauh ani. Ka hrethiam lova,ka tuar thiam hek lo. Mahse ka chunga ro a rel danah ka tana thalo tur chuan a ti hauh lovang tih ka hria.
Na ka tih ber zawk chu maw. . . .
MIHRING NI VE LO ANG HIALA HLAMCHHIAH A NIH A,ENDAWNG A HLAWH BIK KHA ANI.
In hnem tum in bible ka keu a,he thu hi ka hmu a.
"Engati nge chhûla ka lo thih loh? Engati nge pum ata ka chhuaha ka thaw a tâwp loh?" tih hi. - (Joba 3:11)
Hlamzuih maw? Mihring puitling a ni ve lo amaw?
Kohhran ho te u,chhula an awm lai ata tawh mi nung an ni asin! Eng vang nge mizo dan atthlak pakhat pal ngam lova mihring tling lo ang hiala in en mai le?
Nang pawh mizo society,hei hi ka zawt ang che. Nau piang lo tihtlak mah tualthat ang hiala i en anih si chuan 'tinge duat taka ka pawm ka naute hi mihring ah min chhiar sak loh bik? Mihring mihrin naah hian tunge huam chin ruat thei a,tunge ramri kham thei? Tunge mihring hi mihring ala nilo ti thei a,a kum leh ni atanga bithliah thei?
Ka naute in a phu vang leh kan vui-vai vang ni lovin,thian duhtak,ka zawt a che.
I nupui,i hmeichhiat pui te anchhe phurh mek hlip thla tur hian ka aw rawl zawi tak hi min chhawn ve thei dawn em?
© Copyrights Reserved by C. Vanlalpekhlua
Chuvâng chuan ka tîm a,ka ngaihdan pawh ka hrilh ngam lo che u a.
Khuareiin hril sela,
Kum tamin finna zirtir teh se,ka ti a.
Mahse,mi thil hriatthiam tirtu chu mihringa thlarau awm, Engkimtitheia thaw chu a ni.
Kum tam hi an fing chuang lova,
Upaten thudik an hre thiam chuang lo.
Chuvang chuan mi ngaithla ula,
Ka ngaihdan ka han sawi teh ang,ka ti ani."
A thla bi a han bahlah a,thei thur rawp leh luak chhuak a han pek nat viau tak hnu hi chuan a thin lo chhe thar ta deuh roh mahse pa ber hi mawng a hawlh ang maiin kan za ru deuh chung a. Kelphung tap chim hmu ang maiin vei nuih sui sui pah in nupuite pum kan zut kan zut leh mai thin. Ele. . . .a raino miau hek!
Thla a pum chho bek bek a,zan lama pa hnathawh nu pum in a rawn puan mualpho tak tulh tulh si ah chuan zahzel ah kawrfual parh deuh kan han hak tir ve leh ngawt a,a thup tak tak theih chuang lem hlei lova!
Thil lo la awm mai tur lantirna hmahruai a rawn awm tran atrang tawh khan keimah leh kan chhungkua ah danglamna nasa tak a rawn thlen nghal pang a,ka nupui pum chhungah naute a awm ani tih ka hriat atang khan zu ka in ruk zauh thin te kha ka sim hmiah tawh a. Ka fa lo piang tur hian khawvela pa tha ber a nei ani tih a inhre ngei tur ani tih chu India patling measuring tape chen hian thuthlukna nghet bur ka siam,lirpui nghin kum pawh a ka thlah loh tur intiamna rorum leh rumra a ni zi ri thrawt!
A nu nen chauh ni mah ila rawn awm ve mai tura khan a awm hma atang tawh min ti hlim a,chhungkua a va'n ti chhungkua hliah hliah tak em!Mipa nge a nih ang hmeichhia? Pang dam takin a rawn piang ang em? Fuke kim in a piang angem?? Ngaihtuah tur a tam a,vei tur a kat nuk bawk a.
Bazar kal ila,pheikhawk tereuhte leh kawr tetakte kan han melh kual nghal ngawt a,patling hi thinrik leh barbie zawrh na kawt ah kawng dawm in kan ding nui leh hui hui mai thin. Dawhthlak zan ka phur tluk zet khan dawh thlak hmel hmuh chu ka chak hial in ka hria!
Fuke kimin,felfai takin a rawn piang a. Ava nuam em! Ka hlim a,ka nupui nen chuan ka kuah ngawih ngawih a. Ka hmangaih ani,pa ka ni ve tak tak tawh alawm! Tunah chuan "matea pa" ka ni ve ta bawk a,puzawn te inah pawh bawp khawkherh in thingpui sen hang kan dawm khu ve hlat hlat ngam tawh ang chu!
Naupuan alo berh êng liai mai thin te kha ka su phur thei teh mai asin! Miten "thaibawih" min ti el teh fova,ka zak lem hlei lova! Ka chan loh tur ani tih lo hre lawk ila chuan thlah lovin ka pawm reng anga,kumkhua atan ka chelh reng mai tur. . . .
Thla khat chauh ka pua a,ka pawm in ka awm hman a. Mahse thihna rapthlak tak chuan ka naute chu min laksak ta daih mai le! A na asin!!! Ka theihtawp chhuah in leh ka neih zawng zawng pawh sen huam in a nunna chelh tumin ka hmanhlel a.Ka Pathian hming ka lam a,ka aw rawl tawp in ka au a. A chhanna min pek chu "ngawih reng" chauh ani. Ka hrethiam lova,ka tuar thiam hek lo. Mahse ka chunga ro a rel danah ka tana thalo tur chuan a ti hauh lovang tih ka hria.
Na ka tih ber zawk chu maw. . . .
MIHRING NI VE LO ANG HIALA HLAMCHHIAH A NIH A,ENDAWNG A HLAWH BIK KHA ANI.
In hnem tum in bible ka keu a,he thu hi ka hmu a.
"Engati nge chhûla ka lo thih loh? Engati nge pum ata ka chhuaha ka thaw a tâwp loh?" tih hi. - (Joba 3:11)
Hlamzuih maw? Mihring puitling a ni ve lo amaw?
Kohhran ho te u,chhula an awm lai ata tawh mi nung an ni asin! Eng vang nge mizo dan atthlak pakhat pal ngam lova mihring tling lo ang hiala in en mai le?
Nang pawh mizo society,hei hi ka zawt ang che. Nau piang lo tihtlak mah tualthat ang hiala i en anih si chuan 'tinge duat taka ka pawm ka naute hi mihring ah min chhiar sak loh bik? Mihring mihrin naah hian tunge huam chin ruat thei a,tunge ramri kham thei? Tunge mihring hi mihring ala nilo ti thei a,a kum leh ni atanga bithliah thei?
Ka naute in a phu vang leh kan vui-vai vang ni lovin,thian duhtak,ka zawt a che.
I nupui,i hmeichhiat pui te anchhe phurh mek hlip thla tur hian ka aw rawl zawi tak hi min chhawn ve thei dawn em?
© Copyrights Reserved by C. Vanlalpekhlua
