Kum hlui ni tla tur thlir in a thru vauh vauh a,a piah a ni thlah liam ve midang hlim thawm leh nui ri te chuan a tibuai pha lo kher mai!!! Ding takin a melh ngai a melh ngar ngar a,khawvel dang daiha awm ni mai awm hmel a pu a.
Ni e;kumin chhunga a thil tih zawng zawngte a ngaihtuah kir a,hun liam ta ah te khan a vak kual mek ani. Sulhnu buan,phuai leh luai tam tak a hmu nawn leh a,a mitthla ah an rawn par nawn leh uai uai a. Thlak danglam tur leh siamtha leh tur chuan ni sawn vawi tam a liam pui tawh si. . .
A thil tih thrat te,a tihsual leh a tih loh zawng zawng te chuan a thinlung an luah khat mup mup a. Beidawn hmel tak chuan a rawn dak chhuak a,a hui pap a.
Khang a thil lo tih tawh zawng zawng mi thinlunga cham reng tawh tur te kha ni tlak ruala "KUMHLUI" chang mai thei ni se a ti kher mai!! Mahse,lei miten kan hriat phak loh leh kan hriat sen loh HUN kan chhiar thiam phak chin a tawp tak vang maia KUMHLUI chang thei an ni ngawt si lo. . . Eng zata tam pawh ni chu lo chhuak in lo tla mahse,kum 2013 chuan a thiltih zawng zawngte hmang khan a chen chilh kumkhua tawh ang.
Ni chu a her liam ruai ruai a.
Naktuk lawk hi kum thar,kum 2014 chu a ni dawn ta!!!
Muangchang in a tho va,kum 2013 calender huam chhunga ni tla hnuhnung ber rual chuan a haw ve ta hnak hnak a.
Hei erawh chiang tak in a hria.
Kum 2013 chu ala in tran dawn chauh ani tih hi.
© Copyrights Reserved by C. Vanlalpekhlua
Ni e;kumin chhunga a thil tih zawng zawngte a ngaihtuah kir a,hun liam ta ah te khan a vak kual mek ani. Sulhnu buan,phuai leh luai tam tak a hmu nawn leh a,a mitthla ah an rawn par nawn leh uai uai a. Thlak danglam tur leh siamtha leh tur chuan ni sawn vawi tam a liam pui tawh si. . .
A thil tih thrat te,a tihsual leh a tih loh zawng zawng te chuan a thinlung an luah khat mup mup a. Beidawn hmel tak chuan a rawn dak chhuak a,a hui pap a.
Khang a thil lo tih tawh zawng zawng mi thinlunga cham reng tawh tur te kha ni tlak ruala "KUMHLUI" chang mai thei ni se a ti kher mai!! Mahse,lei miten kan hriat phak loh leh kan hriat sen loh HUN kan chhiar thiam phak chin a tawp tak vang maia KUMHLUI chang thei an ni ngawt si lo. . . Eng zata tam pawh ni chu lo chhuak in lo tla mahse,kum 2013 chuan a thiltih zawng zawngte hmang khan a chen chilh kumkhua tawh ang.
Ni chu a her liam ruai ruai a.
Naktuk lawk hi kum thar,kum 2014 chu a ni dawn ta!!!
Muangchang in a tho va,kum 2013 calender huam chhunga ni tla hnuhnung ber rual chuan a haw ve ta hnak hnak a.
Hei erawh chiang tak in a hria.
Kum 2013 chu ala in tran dawn chauh ani tih hi.
© Copyrights Reserved by C. Vanlalpekhlua
