Ti hian ka chhang nang che!
Hmangaihna hi phur thut thiltih leh ni reilote chhunga piang leh puitling tura duan a ni lo asin! Chuvang chuan alawm kha thil thlen hnuah pawh,"Ka hmangaih che",ti lova "Ka ngaina che!",ka tih ngam trawk ni!
Thangtharte hun hman hmanhmawh tak ruala par chhuai; chuai leh mai tur hmangaihna hlan ai chuan ngainatna leh thlakhlelhna hmanga chi tuh a,ngaihsakna leh duhsakna hmanga chawm len lungawina kunga par hmangaihna rah a mal mala mal melh melh hun nghah ka thlang ta zawk anih kha!
Hmangaihte tana chhinchhiahna thil kan tih dun avang maia hmangaihna hmanhmawh hlan thawt thawt che ni ila,min ring ngam lo zawk lo'ng maw? Kei chuan dam tak leh muang fan raih a chher chhuah hmangaihna hi a tlo leh a daih rei ka ring zawk tlat pek a! Ka at vang pawh a ni mahna;mahse hmangaihna dik nghak tura muangchan chu a sual na ka hriat loh rualin atthlak ka ti ve thei tlat lo a ni!
I duh chuan i kal thei a,ka dang lovang che! Kei chuan hmangaihna par rang tak tak te hi ka awt lova,mawi erawh ka ti ve!
A tawp nan chuan,hmangaihna hi tawp chin nei lo a ni a,hringnun piah lam thlengin a zam chhuak chiai asin! A kalkawng hi nuam leh hlimawm tak a ni ngawt lova,mittui leh thlan tui,thisen leh natna vawrtawp te pawh a in phan chhuak ve chiat asin! A chhip a thruai vuai mai atan zawng hmangaihna hi a pamhmai lua ka ti!... Chu kawng zawh tur chuan ni hnih khat lek liam taa par chhuak duhawmna kha ka la thlah phal lo mai a ni zawk! Duat takin enkawl ila,kan chawm len hunah chu thinlung pahnih inzawm chu hmangaihna kawng zawh turin "Mate kal chhet chhet" kan tih pui zawk dawn nia aw?!!!!
© Copyrights Reserved by C. Vanlalpekhlua
Hmangaihna hi phur thut thiltih leh ni reilote chhunga piang leh puitling tura duan a ni lo asin! Chuvang chuan alawm kha thil thlen hnuah pawh,"Ka hmangaih che",ti lova "Ka ngaina che!",ka tih ngam trawk ni!
Thangtharte hun hman hmanhmawh tak ruala par chhuai; chuai leh mai tur hmangaihna hlan ai chuan ngainatna leh thlakhlelhna hmanga chi tuh a,ngaihsakna leh duhsakna hmanga chawm len lungawina kunga par hmangaihna rah a mal mala mal melh melh hun nghah ka thlang ta zawk anih kha!
Hmangaihte tana chhinchhiahna thil kan tih dun avang maia hmangaihna hmanhmawh hlan thawt thawt che ni ila,min ring ngam lo zawk lo'ng maw? Kei chuan dam tak leh muang fan raih a chher chhuah hmangaihna hi a tlo leh a daih rei ka ring zawk tlat pek a! Ka at vang pawh a ni mahna;mahse hmangaihna dik nghak tura muangchan chu a sual na ka hriat loh rualin atthlak ka ti ve thei tlat lo a ni!
I duh chuan i kal thei a,ka dang lovang che! Kei chuan hmangaihna par rang tak tak te hi ka awt lova,mawi erawh ka ti ve!
A tawp nan chuan,hmangaihna hi tawp chin nei lo a ni a,hringnun piah lam thlengin a zam chhuak chiai asin! A kalkawng hi nuam leh hlimawm tak a ni ngawt lova,mittui leh thlan tui,thisen leh natna vawrtawp te pawh a in phan chhuak ve chiat asin! A chhip a thruai vuai mai atan zawng hmangaihna hi a pamhmai lua ka ti!... Chu kawng zawh tur chuan ni hnih khat lek liam taa par chhuak duhawmna kha ka la thlah phal lo mai a ni zawk! Duat takin enkawl ila,kan chawm len hunah chu thinlung pahnih inzawm chu hmangaihna kawng zawh turin "Mate kal chhet chhet" kan tih pui zawk dawn nia aw?!!!!
© Copyrights Reserved by C. Vanlalpekhlua
