NAUTE PATHUM TAN

I kal ta maw?
I chawlta maw?
I liam ta si a maw?
Naute,i hmun ruak hi a van zau tehlul em!!!

Hawilopar thliak leh tawn chunga thlafam run i lawi ni hian e,
Kan run mawi tu kan tuai par vul lai i tliak ta mai hi awih har kan va’n ti si em....

I sun nan lungngaih dar ri khat kan khawng a,
Naute,nang erawh zawng van khawpuiah,nang lawm nana Beramno mo thar lawm na dar ri mawi an khawn rik karah i lawithat zan i hman kan ring asin...

Vanah,van chung sang takah khian NUNNA BU  a awm a,
Tah chuan i hming a chuang ani;van khian a ko ta si che a.
Thlamuang takin i thlamuanna Pathian chuan thlamuan che sela,
Lungngaih leh natna awm tawh lohna ramah chuan khawvel natna hlau tawh lovin i damna Lalpa chuan kumkhua atan chelh reng mawlh che    rawh se.

I ngaia lungngaih hla khawhar kan sak lai hian van chuan i lawm nan van hla mawi ber an rem kan ring.

Kan van arsi ni la,
Kan vengtu angel hmeltha ni reng ang che.

Thihna luipui dai kaia van kan rawn thlen ve hunah van hla mawi sa in min lo lawm la,
Ring takin lo zai ang che aw??

Ruata, Chhante,kha in nau alo kal ve e.....
In unau za khan van ah,Pa Pathian dinglam ah tual chai za ang che u aw....

Mangtha ule Naute.


© Copyrihts Reservsd by C. Vanlalpekhlua