"I thi ngei tur ani!"
A beng chu a han kawm nawk nawk a,a reh ve leh mai bawk a.
A taxi khalh lai atang chuan Millenium Center lo ding chapo ul mai chu a han melh pah zauh a,a thla khat thawh hlawh pawh in a a lei phak loh tur thil hlir an vawm khawm na hmun chuan a lung a len lem lo tih hriat zet chuan a kiai khum suk duh chauh a.
A mi phurh te a thlah zawh chuan ruahthimpui lo thawk tur alo in thram duk-dur khuih mai bawk nen;zahzel tur tinga a lu rit deuh luk chu chhuanlamin a in khalh haw ta daih a. In a thlen chuan a nupui office kal a lo la haw lo bawk a,kawngka chu kalh in puan lum a phawrh a. TV a zai chu ngaithla in sitting room a thutthlengsei ah chuan a mu zal ta a.
A lo chhing hlek ani ngei ang;hmeichhe naupang aw in mangang taka tanpuitu a au chel chul ri chuan a ti harh zawk a. Thawh-phan pawh nei map lovin a in perh tho nghal vat a,kawngka chu hawng in kawngpui ah chuan a han tlan chhuak chho vat a. Mipui tam tak chu an lo vei sup sup a,chutia tho-phang hmel pawr deuh chhep chhup leh phawk zeta rawn tlan chhuak hlawl chu thenkhat chuan mak tih hmel zet in an lo melh phawk deuh thrap an awm bawk a. A han hawi kual vela,mangang au rawl kha kawngpui atanga rawn ri chhuak ni ngei in a hre bawk si;mahse chutianga boruak danglam deuh thil engmah thleng awm ang a awm bawk si lo.... Tukkhum hiat nauh nauh chung chuan a let leh ta hnu hnu a,hmeichhe naupang au ri kha chu a hre chiang alawm!
Chawhnu dar 2:15pm ani.
Thutthlengsei ah bawk chuan a mu leh nghal mai a,thil thleng chu a ngaihtuah vung vung a. Mangchhia a mang ani ngei ang.
Phak leh phawk zeta a han chhuak chho hlawl mai kha midangte khan engtin tak lo gai ang maw tih chu a ngaihtuah a,a mu nui vur vur a.
A mutna bul dawhkan chunga a cell phone dah chu a rawn ri trang trang a,a han dap nawk nawk a. A rawn phone tu pawh en lem lo chuan a chhang nghal mai a,lehlam atanga rawn be tu chuan manganna eng emaw tak a tawk ani ngei ang!
"In nu office bang motor in a su a,nikhaw hre lovin a awm mek. Tunah damdawiin ah rawn kal ve nghal rawh!!"
Phone chu a tawp nghal hmak!
A tho thurh a,a ding hluai a. A hamhaih lutuk tih ber tur hre lo nge;a ding vung vung a. A lu chu a han thing nawk nawk a,a cell phone chu ban in a han kheuh nuap nuap a.
"Ka ring lo reng a!" tih sup pah chuan a mu tha leh ta sut sut a.
Mangchhia leh bawk!
Chawhnu her bawih ani tawh a,bang a sana lian intar chuan dar 2:40pm a kawk vu bawk a.
"I thi ngei tur ani!"
Chu hmeiche naupang bawk chu! A beng chu a han kawm nawk nawk a,a reh ve leh mai bawk a. Eng emaw ngaihtuah ni awm hian a han ngawi vung vung a,a beng chhunga lo tawng ve ziah leh nachin lawka hmeichhe naupang au rawl kha mi thhuhmun an ni chiang mai!!
Bathroom kawngka chu a rawn in hawng ri rek rek a,hmeichhe naupang kawrfual var ha hi a rawn chhuak hlawl mai a. A sam sei tak chu a thlah hnuang a,a vun chu a dang var puap mai bawk a. A hmuh tawh hnu ani ngei mai! A la rei lo;kar hnih vel liam taa hmeichhe naupang damlo nasa lutuk damdawiin lama a phurh laia boral ta ngei kha ani.
"I thi ngei tur ani!"
A beng chhunga lo trawng thin kha he naupang ngei hi ani. Tlanchhiat a tum a,mahse a che thei tlat lo! Hmeichhe naupang chu a chungah a rawn thu a,a mitmu dum vek leh a taksa var hlung mai te chu hmuh loh hram tumin a mit chhin a han tum leh ngial a,ava mak kher em! a mit takngial pawh a chhing tei lo!
"I thi ngei tur ani!"
Sangtei chuan an kawngkhar chhunglam atanga inkalh tlat chu a han chum dawt dawt a,an pa chu a ko lauh lauh bawk a. Chhunglam atanga thawm engmah hriat tur a awm tak siloh avang chuan police ko in an kawngkhar chu an kar hawng ta ringawt a.
Inchhung chu a lo reh thriap a,thutthlengsei ah chuan Pu Ruatkima chu mitmeng pual rulh hian nunna nei tawh lo tih hriat takin a lo mu meng kuau a.
Post mortem result ah chuan "Muhlum" tih a inziak kalh na a,thil inthup eng emaw a awm tih chu a ruang hmu ho chuan an hrethiam vek mai.
© Copyrights Reserved by C. Vanlalpekhlua
A beng chu a han kawm nawk nawk a,a reh ve leh mai bawk a.
A taxi khalh lai atang chuan Millenium Center lo ding chapo ul mai chu a han melh pah zauh a,a thla khat thawh hlawh pawh in a a lei phak loh tur thil hlir an vawm khawm na hmun chuan a lung a len lem lo tih hriat zet chuan a kiai khum suk duh chauh a.
A mi phurh te a thlah zawh chuan ruahthimpui lo thawk tur alo in thram duk-dur khuih mai bawk nen;zahzel tur tinga a lu rit deuh luk chu chhuanlamin a in khalh haw ta daih a. In a thlen chuan a nupui office kal a lo la haw lo bawk a,kawngka chu kalh in puan lum a phawrh a. TV a zai chu ngaithla in sitting room a thutthlengsei ah chuan a mu zal ta a.
A lo chhing hlek ani ngei ang;hmeichhe naupang aw in mangang taka tanpuitu a au chel chul ri chuan a ti harh zawk a. Thawh-phan pawh nei map lovin a in perh tho nghal vat a,kawngka chu hawng in kawngpui ah chuan a han tlan chhuak chho vat a. Mipui tam tak chu an lo vei sup sup a,chutia tho-phang hmel pawr deuh chhep chhup leh phawk zeta rawn tlan chhuak hlawl chu thenkhat chuan mak tih hmel zet in an lo melh phawk deuh thrap an awm bawk a. A han hawi kual vela,mangang au rawl kha kawngpui atanga rawn ri chhuak ni ngei in a hre bawk si;mahse chutianga boruak danglam deuh thil engmah thleng awm ang a awm bawk si lo.... Tukkhum hiat nauh nauh chung chuan a let leh ta hnu hnu a,hmeichhe naupang au ri kha chu a hre chiang alawm!
Chawhnu dar 2:15pm ani.
Thutthlengsei ah bawk chuan a mu leh nghal mai a,thil thleng chu a ngaihtuah vung vung a. Mangchhia a mang ani ngei ang.
Phak leh phawk zeta a han chhuak chho hlawl mai kha midangte khan engtin tak lo gai ang maw tih chu a ngaihtuah a,a mu nui vur vur a.
A mutna bul dawhkan chunga a cell phone dah chu a rawn ri trang trang a,a han dap nawk nawk a. A rawn phone tu pawh en lem lo chuan a chhang nghal mai a,lehlam atanga rawn be tu chuan manganna eng emaw tak a tawk ani ngei ang!
"In nu office bang motor in a su a,nikhaw hre lovin a awm mek. Tunah damdawiin ah rawn kal ve nghal rawh!!"
Phone chu a tawp nghal hmak!
A tho thurh a,a ding hluai a. A hamhaih lutuk tih ber tur hre lo nge;a ding vung vung a. A lu chu a han thing nawk nawk a,a cell phone chu ban in a han kheuh nuap nuap a.
"Ka ring lo reng a!" tih sup pah chuan a mu tha leh ta sut sut a.
Mangchhia leh bawk!
Chawhnu her bawih ani tawh a,bang a sana lian intar chuan dar 2:40pm a kawk vu bawk a.
"I thi ngei tur ani!"
Chu hmeiche naupang bawk chu! A beng chu a han kawm nawk nawk a,a reh ve leh mai bawk a. Eng emaw ngaihtuah ni awm hian a han ngawi vung vung a,a beng chhunga lo tawng ve ziah leh nachin lawka hmeichhe naupang au rawl kha mi thhuhmun an ni chiang mai!!
Bathroom kawngka chu a rawn in hawng ri rek rek a,hmeichhe naupang kawrfual var ha hi a rawn chhuak hlawl mai a. A sam sei tak chu a thlah hnuang a,a vun chu a dang var puap mai bawk a. A hmuh tawh hnu ani ngei mai! A la rei lo;kar hnih vel liam taa hmeichhe naupang damlo nasa lutuk damdawiin lama a phurh laia boral ta ngei kha ani.
"I thi ngei tur ani!"
A beng chhunga lo trawng thin kha he naupang ngei hi ani. Tlanchhiat a tum a,mahse a che thei tlat lo! Hmeichhe naupang chu a chungah a rawn thu a,a mitmu dum vek leh a taksa var hlung mai te chu hmuh loh hram tumin a mit chhin a han tum leh ngial a,ava mak kher em! a mit takngial pawh a chhing tei lo!
"I thi ngei tur ani!"
Sangtei chuan an kawngkhar chhunglam atanga inkalh tlat chu a han chum dawt dawt a,an pa chu a ko lauh lauh bawk a. Chhunglam atanga thawm engmah hriat tur a awm tak siloh avang chuan police ko in an kawngkhar chu an kar hawng ta ringawt a.
Inchhung chu a lo reh thriap a,thutthlengsei ah chuan Pu Ruatkima chu mitmeng pual rulh hian nunna nei tawh lo tih hriat takin a lo mu meng kuau a.
Post mortem result ah chuan "Muhlum" tih a inziak kalh na a,thil inthup eng emaw a awm tih chu a ruang hmu ho chuan an hrethiam vek mai.
© Copyrights Reserved by C. Vanlalpekhlua
