Uluk takin a han tin vang vang a........
“click!!!”
A rawn phe vuai a,a thlalak tum hliah chiah a rawn ding tleirawl sam thlah nghiau chu a lang tha kher mai!
“Awii....ka tihpalh lutuk! Ka lo hmu lo che a..”
Chu tleirawl aw thiang tliang kak mai chuan a hawi chhuah tir vat a,a hmaa inthlahrun hmel deuh a lo ding zum zat mai chu a melh vat a.
Tleirawl kum 18 vel chauh,a kamis trial leh jeans kekawr dum hak inhmeh em em chu a en vawng vawng a. A hmeltha kher mai!
“Ka tihpalh lutuk!”, a rawn tih nawn leh sep takah chuan,“A ho lutuk. Nula hmeltha tak thla ka la fuh hlauh hi ka tan a lawmawm zawk alawm!”,a ti let ve vat a.
Chu tleirawl zak leh lai bawk si chuan hnuai lam a bih ngar a,a sen ap ap a. Hrethiam tak in a kut chu a phar chhuak a,“Puia ka ni a,ka hmu che chu ka lawm hle mai”,a ti zui sap a.
A kut chu a lo vawn sak ve vat a,mahse a chelh rei lo. Lo dah chhuah ve pah chuan, “Hmingi ka nia...Keipawh....a....ih,i thlalak ka tibuai che a,tihpalh lutuk!”,a rawn ti bah ve niai a.
Puia chuan a tawngkam hman dan leh chezia atang chuan chu tleirawl te chu a lawm ru ta riau a,chhaih zui a chak nghal em em bawk! A camera ah thrat mawlh mawlh pah chuan, “Hmingi...ka ti ve mai che anga...i nalh hle mai. Bialpa hmu turin i chhuak dawn ani chiang..”,a ti leh vat a,a nui zui hak hak a.
“A teuh lo lutuk... Dawrah anu pui turin ka kal dawn asin.”
“Khawi dawr ah? I nu chu ka va’n hmu ve chak?”
“MC ah. Eng vang maw anu chu i hmuh chak?”
“Lasinote ang maia hmeltha fanu nei thei chu eng ang nu chiah nge a nihka hre ve chak alawm!”
Nui har har chung rawn chum taih taih tu tleirawl duhawmi chuan, “Hmmm...i over!”,a rawn ti sap a.
Nuih ve hak hak pah chuan, “Taka,MC ah chuan kal ka lo tum ve mek a. I rualin kal ve i phal em? Mahse tu emaw hian min lo hmu ang,zanah hian i mood a off phah viau mai angah?”,a ti leh vat a,chu tleirawl hriatchian a chakna chuan chhung lamah a tur et et tawh!
“Phal lo mah ila kal i tum tho alawm. Chutiang mi thik tur pawh ka nei ve lo”
A sawm lova,a hnar hek lo!Taxi chak deuh a rawn tlan chu renchang ah la in Puia chuan Hmingi chu a lamah a han pawt sawn det a,taxi en zui vang vang oah chuan, “A tlan chak kher mai a! Tirawh...MC ah chuan kal ila?”,a ti zui zat a.
Kawngpui chep leh boruak lum zet chuan Hmingi biang chu a ti tai tek a,a duhawm kher mai! MC an thlen chuan an dawr a leng turin a han sawm ve a,chhuanlam siam lem lo chuan Puia pawh chuan a zui ve mai bawk a.
Dawr chhunga a fanu leh rawlthar hmai fai veng mai rawn nui lut dun hak hak chu lo chiau au vat pah chuan thrutna tur a lo kawhhmuh sawk sawk a,a fanu in a hmelhriat tir rawlthar chu a zei thawkhat ang tih nulat lai pawh a zei ta nafam chuan a hai hauh lo! An vawikhat inhmuh naah a fanu zakzum em em a in nel tir thei a,a nuih tir hawk hawk bakah dawr thlengin a inzui tir thei tlat alawm!
An titi tlang bawrh bawrh a,nu fiamthu thiam leh zei tih takah a ti tlangnel thiam khawp mai. Puia pawh chuan lasi nufa ang maia hmeltha te thla pawh chu uluk takin a lak sak ve bawk a. Number te inpe a inkawm zui zel intiam mawlh mawlh pah chuan Puia chuan chhuahsan a tum ta a. An t-shirt zawrh,Hmingi’n mawi a tih ber chu a lei sak a,lawmthu in hrilh tawn mawlh mawlh pah a leng leh zel tura inthlah chung chuan an in mangtha ta a.
An inkawm tam telh telh a,an in ngainat dan danglam tran mek pawh chu an hai bik mawlh lo! Puia lah zei bawk;Hmingi pawh ngaihzawng lam hawia mipa a kawm hmasak ber a lo ni bawk nen,an nun chu a hlim in a thawveng hliah hliah tih chu hmuh theih khawp in a lang chhuak thei hial a.
Puia sawmna anga a thlalak siamna hmun an tlawh ni chuan an inkara thil awm chu zei takin Puia chuan a kheuh hawng ta nge nge a. Duat takin an infawp a,an inpawm chial a. Hmangaihna thianghlim hi chu a mawi a,a duhawm ngawih ngawih.
“Dak deuh?....Aw tikhan...veilamah thle deuh la...ummmm”
“Click!”
Thlalak chu computer ah chuan a han thun a,print a han tum chuan printer chu a ri rut rut ringawt a.A han enchiang a,ink a lo zo alo ni a. La tura thawh a tum lai chuan Hmingi chuan, “Ka lo la ang. Khawnge a awm?”, tih pah chuan Puia sir atanga a thutna atang chuan thawh a rual nghal a.
“Steel almirah lian chungah khan. I ban pha em? Thutthleng kha dawh mai rawh aw?”
A ri rum rum a,Hmingi chu a tre thrawt a. Puia chu ava tlan phei thuai a,rawng chi hrang hrang chuan Hmingi hmai chu alo buak nuai a. Trap treuh chungin Hmingi chuan, “Ka mit a na lutuk!”, a lo ti chul a,a mit ah a lut ani chiang mai!!!
Puia chuan tui awm ang ang chuan rawng kai zualpui chu a han silfai sak nawk nawk a,hmanhmawh pheleng in damdawiin a pan pui ta nghal a.
Damdawiin ward pawnah chuan Hmingi nu leh pa leh an chhungte chu an thu thrap mai a,Puia chuan an chetsual dan vel chu a tlangpui zawr zawr in a han sawi a. Puia hmela inthlahrunna leh inthiamlohna awm chu hrethiam takin Hmingi pa chuan a han hnem ve koh koh bawk a.Ngui nghiai a an lo thrut thrap lai chuan Hmingi an enkawlna room kawngka chu a rawn inhawng riai riai a,doctor lo chhuak chu an lo bial nghal laih laih a.“A pawi hle mai! A mit khing hnih hi a chhe hlen dawn ta anih hi.....”
A tawt up up a,a hmangaih ber;darkar tam pawh a la ral hmaa duat taka a pawm kha a mit a del ang maw? A ni thei lo!! A aw chu a khur der der a, “A.....a mit a del maw?”, a han ti nawn leh hram a. A hmangaih mitdel a nih tak thu a hriat nawn chak avanga chu zawhna chu zawt nawn leh kher zawng a ni mawlh lo tih chu doctor in, “Aw. Rawng khan a mit naute a ei chhe hman hlauh ani”, a tih ruala Puia hmela beidawnna,natna leh inthiamlohna lo inlan chhawk sek chuan a tarlang chiang kher mai!
Doctor chuan Puia hmel atang chuan thil awmdan hrethiam vat in,”Mahse mit donate tu an awm hunah chuan a thlak theih ang. Beidawn lutuk tur ani love...”, a han ti leh vat naa Damdawiin pawn lam pana inher liam mek Puia hmelah chuan danglamna hmuh tur a awm lo.
.
.
.
.
.
A mit thlak na tur rawn donate tu chu a hmu chak takzet! Puia lah a chetsual atang khan a reh hmak mai si,a phone tlang thei bawk si lo.... A awmzia a hrethiam lo takzet! Puia chungah chuan a han thinrim viau dawn naa thil awmzia hre chiang lova han lungawiloh vak pawh nakin lawka buaina zakhua thlen thei ani tih a hre bawk si..... Rilru pangkhing zet chuan ni a hmang liam a,kar thar in thla a vei liam a. Puia lah thei reh takin a la reh veng veng mai si.... A lungawi tawh thlawt lo. A chhungte a han zawh lah in engmah an hre bik si lo;a mit thlakna tur donate tu lah damdawiin lamin an thup tlat mai bawk si... Thi in emaw,dam in emaw a mit pe tu hriat leh Puia chungchang bak a ngaihven thei meuh lo chu a ni ber mai.
Nikhat chu a nu pui tura MC a kal tum in city bus tawt zet ah chuan a thru nguai bar a,khawlum in a biang a tih taih tek mai chuan a duhawmna a belhchhah chiang kher ani mahna le;bus conductor ha-hmai hung pawn ve tak leh rawlthar rualkhat ho te,putar dawn dawn tawhte thleng chuan an melh ru leh zak zak thin a. Rilru hah nen chung ho mitmeng sodom ruih mai chuan a ti lai lek lek a,pawn lam chu a thlir ta veng veng a. Kawngpui lehlam ice cream dawr kawt a tlangval la naupan hmel tak,tarmit dum bun a lo thru chu a hmu ta thut a.
A thinphu chu a rang lutuk nge a chawl ta thruap zawk? A inrin hman hma chuan a au chhuak ta tuarh mai a! Mak tih hmel taka lo en thrup tu te pawh zah zo lo chuan hmanhmawh takin bus atrang chuan a tlan chhuak a,chu mitdel kutdawh chu ngil takin a pan ding ngar ngar a.
Puia chutarmit dum bun in ice cream zawrhna dawr kawtah chuan a lo thu nguai bar a,a hmaa bawm a hun ah chuan cheng thir leh pawisa note tlem azawng a awm ve raih a. A guiter chu muang fan raih chuan a han thai ri keuh keuh a,
“Wherever you go,
Whatever youdo,
I will be right here waiting for you.
Whatever it takes,
Or how my heart breaks,
I will be right here waiting for you”
A insum thei thlawt lo! A hmaah chuan a va thingthi rawp a,engkim a chiang ta! A tana mit pe tu chu a hmangaih Puia ngei ani.“MAWLA....”
Mite chuan rawlthar mitdel kutdawh leh a bula tleirawl hmeltha em em mai thingthi a trap awih zawih te chu an en duh kher mai!....
.
.
.
.
Puia chuan a mit tuamna an phelh tur chu a huphurh takzet a,chutih rualin a hmangaih Hmingi’n thil a la hmu thei tih a hriatna chuan engemaw kawng zawng takin a thla a ti muang huai thung a.
Room thim deuh ruih ah chuan thil a hmu phe deuh ruai ruai a,a mit chu a han khap deuh sak sak a,a hmu fiah ta tial tiala. A mit dinglam hmang chuan a hmu thei ta! Mit khing del a awm ngawt ai chuan a ziaawm khawp alawm!
Room light chu an han ti eng tial tial a,a hmuh hmasak ber chu Hmingi’n a camera hmanga a thla a rawn lak sak chu a ni. Camera chu a rawn pe a, “Bawiha,le...ka thla min lak sak leh tawh rawh le!”,tih pah chuan a hmaah chuan a ding nghal var a.
Uluk takin a han tin a,mit siai a ngai tawh lova;a awlsam letling phian!
“I tarmit kha phelh la,rawn dak chhuak deuh rawh le....Aww....tikhan....i mit hliah tu i sam kha hui kiang deuh rawh le........”
A hmet thei thlawt lo! Camera chu a dah thla riai riai a,a hmaa tleirawl ding chu mittui tla zawih zawih in a melh ta ngawih ngawih a. Chu room a awm zawng zawng zingah chuan mittui tla lo pakhat mah an awm lo.
Mit lehlam chiah nei mi pahnih;Puia leh Hmingi chu an en tawn sek a,an insut fep fep hlawm a.
Thawm awmchun chu a rawn ri a.....
“MAWLI.......”
© Copyrights Reserved by C. Vanlalpekhlua
“click!!!”
A rawn phe vuai a,a thlalak tum hliah chiah a rawn ding tleirawl sam thlah nghiau chu a lang tha kher mai!
“Awii....ka tihpalh lutuk! Ka lo hmu lo che a..”
Chu tleirawl aw thiang tliang kak mai chuan a hawi chhuah tir vat a,a hmaa inthlahrun hmel deuh a lo ding zum zat mai chu a melh vat a.
Tleirawl kum 18 vel chauh,a kamis trial leh jeans kekawr dum hak inhmeh em em chu a en vawng vawng a. A hmeltha kher mai!
“Ka tihpalh lutuk!”, a rawn tih nawn leh sep takah chuan,“A ho lutuk. Nula hmeltha tak thla ka la fuh hlauh hi ka tan a lawmawm zawk alawm!”,a ti let ve vat a.
Chu tleirawl zak leh lai bawk si chuan hnuai lam a bih ngar a,a sen ap ap a. Hrethiam tak in a kut chu a phar chhuak a,“Puia ka ni a,ka hmu che chu ka lawm hle mai”,a ti zui sap a.
A kut chu a lo vawn sak ve vat a,mahse a chelh rei lo. Lo dah chhuah ve pah chuan, “Hmingi ka nia...Keipawh....a....ih,i thlalak ka tibuai che a,tihpalh lutuk!”,a rawn ti bah ve niai a.
Puia chuan a tawngkam hman dan leh chezia atang chuan chu tleirawl te chu a lawm ru ta riau a,chhaih zui a chak nghal em em bawk! A camera ah thrat mawlh mawlh pah chuan, “Hmingi...ka ti ve mai che anga...i nalh hle mai. Bialpa hmu turin i chhuak dawn ani chiang..”,a ti leh vat a,a nui zui hak hak a.
“A teuh lo lutuk... Dawrah anu pui turin ka kal dawn asin.”
“Khawi dawr ah? I nu chu ka va’n hmu ve chak?”
“MC ah. Eng vang maw anu chu i hmuh chak?”
“Lasinote ang maia hmeltha fanu nei thei chu eng ang nu chiah nge a nihka hre ve chak alawm!”
Nui har har chung rawn chum taih taih tu tleirawl duhawmi chuan, “Hmmm...i over!”,a rawn ti sap a.
Nuih ve hak hak pah chuan, “Taka,MC ah chuan kal ka lo tum ve mek a. I rualin kal ve i phal em? Mahse tu emaw hian min lo hmu ang,zanah hian i mood a off phah viau mai angah?”,a ti leh vat a,chu tleirawl hriatchian a chakna chuan chhung lamah a tur et et tawh!
“Phal lo mah ila kal i tum tho alawm. Chutiang mi thik tur pawh ka nei ve lo”
A sawm lova,a hnar hek lo!Taxi chak deuh a rawn tlan chu renchang ah la in Puia chuan Hmingi chu a lamah a han pawt sawn det a,taxi en zui vang vang oah chuan, “A tlan chak kher mai a! Tirawh...MC ah chuan kal ila?”,a ti zui zat a.
Kawngpui chep leh boruak lum zet chuan Hmingi biang chu a ti tai tek a,a duhawm kher mai! MC an thlen chuan an dawr a leng turin a han sawm ve a,chhuanlam siam lem lo chuan Puia pawh chuan a zui ve mai bawk a.
Dawr chhunga a fanu leh rawlthar hmai fai veng mai rawn nui lut dun hak hak chu lo chiau au vat pah chuan thrutna tur a lo kawhhmuh sawk sawk a,a fanu in a hmelhriat tir rawlthar chu a zei thawkhat ang tih nulat lai pawh a zei ta nafam chuan a hai hauh lo! An vawikhat inhmuh naah a fanu zakzum em em a in nel tir thei a,a nuih tir hawk hawk bakah dawr thlengin a inzui tir thei tlat alawm!
An titi tlang bawrh bawrh a,nu fiamthu thiam leh zei tih takah a ti tlangnel thiam khawp mai. Puia pawh chuan lasi nufa ang maia hmeltha te thla pawh chu uluk takin a lak sak ve bawk a. Number te inpe a inkawm zui zel intiam mawlh mawlh pah chuan Puia chuan chhuahsan a tum ta a. An t-shirt zawrh,Hmingi’n mawi a tih ber chu a lei sak a,lawmthu in hrilh tawn mawlh mawlh pah a leng leh zel tura inthlah chung chuan an in mangtha ta a.
An inkawm tam telh telh a,an in ngainat dan danglam tran mek pawh chu an hai bik mawlh lo! Puia lah zei bawk;Hmingi pawh ngaihzawng lam hawia mipa a kawm hmasak ber a lo ni bawk nen,an nun chu a hlim in a thawveng hliah hliah tih chu hmuh theih khawp in a lang chhuak thei hial a.
Puia sawmna anga a thlalak siamna hmun an tlawh ni chuan an inkara thil awm chu zei takin Puia chuan a kheuh hawng ta nge nge a. Duat takin an infawp a,an inpawm chial a. Hmangaihna thianghlim hi chu a mawi a,a duhawm ngawih ngawih.
“Dak deuh?....Aw tikhan...veilamah thle deuh la...ummmm”
“Click!”
Thlalak chu computer ah chuan a han thun a,print a han tum chuan printer chu a ri rut rut ringawt a.A han enchiang a,ink a lo zo alo ni a. La tura thawh a tum lai chuan Hmingi chuan, “Ka lo la ang. Khawnge a awm?”, tih pah chuan Puia sir atanga a thutna atang chuan thawh a rual nghal a.
“Steel almirah lian chungah khan. I ban pha em? Thutthleng kha dawh mai rawh aw?”
A ri rum rum a,Hmingi chu a tre thrawt a. Puia chu ava tlan phei thuai a,rawng chi hrang hrang chuan Hmingi hmai chu alo buak nuai a. Trap treuh chungin Hmingi chuan, “Ka mit a na lutuk!”, a lo ti chul a,a mit ah a lut ani chiang mai!!!
Puia chuan tui awm ang ang chuan rawng kai zualpui chu a han silfai sak nawk nawk a,hmanhmawh pheleng in damdawiin a pan pui ta nghal a.
Damdawiin ward pawnah chuan Hmingi nu leh pa leh an chhungte chu an thu thrap mai a,Puia chuan an chetsual dan vel chu a tlangpui zawr zawr in a han sawi a. Puia hmela inthlahrunna leh inthiamlohna awm chu hrethiam takin Hmingi pa chuan a han hnem ve koh koh bawk a.Ngui nghiai a an lo thrut thrap lai chuan Hmingi an enkawlna room kawngka chu a rawn inhawng riai riai a,doctor lo chhuak chu an lo bial nghal laih laih a.“A pawi hle mai! A mit khing hnih hi a chhe hlen dawn ta anih hi.....”
A tawt up up a,a hmangaih ber;darkar tam pawh a la ral hmaa duat taka a pawm kha a mit a del ang maw? A ni thei lo!! A aw chu a khur der der a, “A.....a mit a del maw?”, a han ti nawn leh hram a. A hmangaih mitdel a nih tak thu a hriat nawn chak avanga chu zawhna chu zawt nawn leh kher zawng a ni mawlh lo tih chu doctor in, “Aw. Rawng khan a mit naute a ei chhe hman hlauh ani”, a tih ruala Puia hmela beidawnna,natna leh inthiamlohna lo inlan chhawk sek chuan a tarlang chiang kher mai!
Doctor chuan Puia hmel atang chuan thil awmdan hrethiam vat in,”Mahse mit donate tu an awm hunah chuan a thlak theih ang. Beidawn lutuk tur ani love...”, a han ti leh vat naa Damdawiin pawn lam pana inher liam mek Puia hmelah chuan danglamna hmuh tur a awm lo.
.
.
.
.
.
A mit thlak na tur rawn donate tu chu a hmu chak takzet! Puia lah a chetsual atang khan a reh hmak mai si,a phone tlang thei bawk si lo.... A awmzia a hrethiam lo takzet! Puia chungah chuan a han thinrim viau dawn naa thil awmzia hre chiang lova han lungawiloh vak pawh nakin lawka buaina zakhua thlen thei ani tih a hre bawk si..... Rilru pangkhing zet chuan ni a hmang liam a,kar thar in thla a vei liam a. Puia lah thei reh takin a la reh veng veng mai si.... A lungawi tawh thlawt lo. A chhungte a han zawh lah in engmah an hre bik si lo;a mit thlakna tur donate tu lah damdawiin lamin an thup tlat mai bawk si... Thi in emaw,dam in emaw a mit pe tu hriat leh Puia chungchang bak a ngaihven thei meuh lo chu a ni ber mai.
Nikhat chu a nu pui tura MC a kal tum in city bus tawt zet ah chuan a thru nguai bar a,khawlum in a biang a tih taih tek mai chuan a duhawmna a belhchhah chiang kher ani mahna le;bus conductor ha-hmai hung pawn ve tak leh rawlthar rualkhat ho te,putar dawn dawn tawhte thleng chuan an melh ru leh zak zak thin a. Rilru hah nen chung ho mitmeng sodom ruih mai chuan a ti lai lek lek a,pawn lam chu a thlir ta veng veng a. Kawngpui lehlam ice cream dawr kawt a tlangval la naupan hmel tak,tarmit dum bun a lo thru chu a hmu ta thut a.
A thinphu chu a rang lutuk nge a chawl ta thruap zawk? A inrin hman hma chuan a au chhuak ta tuarh mai a! Mak tih hmel taka lo en thrup tu te pawh zah zo lo chuan hmanhmawh takin bus atrang chuan a tlan chhuak a,chu mitdel kutdawh chu ngil takin a pan ding ngar ngar a.
Puia chutarmit dum bun in ice cream zawrhna dawr kawtah chuan a lo thu nguai bar a,a hmaa bawm a hun ah chuan cheng thir leh pawisa note tlem azawng a awm ve raih a. A guiter chu muang fan raih chuan a han thai ri keuh keuh a,
“Wherever you go,
Whatever youdo,
I will be right here waiting for you.
Whatever it takes,
Or how my heart breaks,
I will be right here waiting for you”
A insum thei thlawt lo! A hmaah chuan a va thingthi rawp a,engkim a chiang ta! A tana mit pe tu chu a hmangaih Puia ngei ani.“MAWLA....”
Mite chuan rawlthar mitdel kutdawh leh a bula tleirawl hmeltha em em mai thingthi a trap awih zawih te chu an en duh kher mai!....
.
.
.
.
Puia chuan a mit tuamna an phelh tur chu a huphurh takzet a,chutih rualin a hmangaih Hmingi’n thil a la hmu thei tih a hriatna chuan engemaw kawng zawng takin a thla a ti muang huai thung a.
Room thim deuh ruih ah chuan thil a hmu phe deuh ruai ruai a,a mit chu a han khap deuh sak sak a,a hmu fiah ta tial tiala. A mit dinglam hmang chuan a hmu thei ta! Mit khing del a awm ngawt ai chuan a ziaawm khawp alawm!
Room light chu an han ti eng tial tial a,a hmuh hmasak ber chu Hmingi’n a camera hmanga a thla a rawn lak sak chu a ni. Camera chu a rawn pe a, “Bawiha,le...ka thla min lak sak leh tawh rawh le!”,tih pah chuan a hmaah chuan a ding nghal var a.
Uluk takin a han tin a,mit siai a ngai tawh lova;a awlsam letling phian!
“I tarmit kha phelh la,rawn dak chhuak deuh rawh le....Aww....tikhan....i mit hliah tu i sam kha hui kiang deuh rawh le........”
A hmet thei thlawt lo! Camera chu a dah thla riai riai a,a hmaa tleirawl ding chu mittui tla zawih zawih in a melh ta ngawih ngawih a. Chu room a awm zawng zawng zingah chuan mittui tla lo pakhat mah an awm lo.
Mit lehlam chiah nei mi pahnih;Puia leh Hmingi chu an en tawn sek a,an insut fep fep hlawm a.
Thawm awmchun chu a rawn ri a.....
“MAWLI.......”
© Copyrights Reserved by C. Vanlalpekhlua
