Ka mutna khum atang chuan thei leh thei lovin ka han in beng kang hram hram a,ralkhat atanga mipui tam tak au thawm chu eng thil nge ni tih hriat tumin tukverh ah chuan ka han dak vauh vauh a.
Kulh kawngkhar chhung lamah chuan mi pakhat;kawr var uk deuh khãk tawh ha hi sabengtung no chungah a rawn chuang a,mipuite chuan a kalna tur kawng te chu lo phiat fai in kawnglaiah chuan an puan te an lo phah a.
Khawi lam lal nge ni anga,eng khaw khual thra nge a nih ang tih ka lo ngaihtuah neuh neuh lai chuan ka fapa naupangte hi a rawn tlan lut a. Hmanhmawh taka kan puanzaisin rawn lak pah chuan,"Anu, Nazareth Isua a rawn kal a,kulh chhung an rawn lut tawh. A kal na turah puan ka phah ve dawn ania", tih leh tlan chhuah a rual leh nghal a.
He Nazareth Isua an tih teh fo hi a thawm ri va chu ka lo hre ve fo tawh a,thiltihtheihna mak tak a nei niin an sawi lenghal a. Ka tukverh atang chuan ka han thlek nawn leh ngial a,mipuite tumkau hnah ken leh an ban pharte avang chuan ka hmu tha hlei thei lo. Pa ngilneih hmel tak,a dar thlenga a sam buang thãng mai zuah hi ani a. A hmel chu a eng deuh phet ni mai hian a lang a,lal ropui tak ang maiin a huhang chu a na a. Thuneihna leh hotu nihna amahah chuan a lang chhuak hliah hliah ani ber mai.
A rawn hawi chhuak a,chiang takin min rawn en a. Ka mur chuai thei nia mawle! Engemaw thil mak danglam tak in mi rawn fan chhuak a,ka zang ta huai in ka hre hial a.
Aigupta sumdawngte hnen atanga puanzaisin senduk,rangkachak zai sin a chei ka lei;kan chhungkaw ro hlu ber chu ka phawrh rawk rawk a,a biling a balang chuan kawtthler lam pan in ka chhuak thla ve ta dawr dawr a.
Mipui in nek nulh nulh karah chuan thei leh thei lovin ka inzep lui ve trang trang a,a rawn kal na turah chuan khup du-ru-suih dar dar chungin ka ding sai ve ta hlak hlak a.
A hmalama kalte leh a hnung lama kalte chuan -
"Davida fapa hnenah Hosanna!
Lalpa hminga lo kal chu fakin awm rawh se.
Chungnung berah khian Hosanna!"
tiin an au rual dual dual a.
Ka puanzaisin chu kawngah chuan ka phah a,sabengtung chuan a rawn rap ta a. A chunga chuang chuan min rawn en a,a mitmeng;ka ngaihtuahna zawng zawng thlenga hmu tlang vek ni mai awm chuan mi chhun tlang ni berin ka hria.
"Hosanna! Lalpa hminga lo kal chu fakin awm rawh se!"
Ka thusawi chhuah zawh rual chuan ka zang ta huai huai a,hun rei tak hmeichhe lam thatlohna avanga ka bawksawp na chuan min kiansan ta tih chiang takin ka hria.
Temple lam pana a kal liam lai chu ka thlir reng a,ka puanzaisin chu uluk taka thlep tha in ka hum reng a. Ka hnenah thu kam khat pawh a sawi lova,a kut hmawr paw'n mi dek hek lo. Mahse min ti dam miau si. . .
Ka neih hlu ber ka phah hniam a,tah chuan Nazareth Isua a kal ani.
Unau duhtak,rinna tak tak nen he thu hi i chhiar anih a, Amah i rin tlat chuan i natna zawng zawng a rawn kal tlang anga,keimah ang hian i dam ve ang. I ring ngam anih chuan he thu tawi te hmang hian Isua'n a tidam ang che.
"HOSANNA! LALPA HMINGA LO KAL CHU FAKIN AWM RAWH SE!"
ti ve rawh le.
© Copyrights Reserved by C. Vanlalpekhlua
Kulh kawngkhar chhung lamah chuan mi pakhat;kawr var uk deuh khãk tawh ha hi sabengtung no chungah a rawn chuang a,mipuite chuan a kalna tur kawng te chu lo phiat fai in kawnglaiah chuan an puan te an lo phah a.
Khawi lam lal nge ni anga,eng khaw khual thra nge a nih ang tih ka lo ngaihtuah neuh neuh lai chuan ka fapa naupangte hi a rawn tlan lut a. Hmanhmawh taka kan puanzaisin rawn lak pah chuan,"Anu, Nazareth Isua a rawn kal a,kulh chhung an rawn lut tawh. A kal na turah puan ka phah ve dawn ania", tih leh tlan chhuah a rual leh nghal a.
He Nazareth Isua an tih teh fo hi a thawm ri va chu ka lo hre ve fo tawh a,thiltihtheihna mak tak a nei niin an sawi lenghal a. Ka tukverh atang chuan ka han thlek nawn leh ngial a,mipuite tumkau hnah ken leh an ban pharte avang chuan ka hmu tha hlei thei lo. Pa ngilneih hmel tak,a dar thlenga a sam buang thãng mai zuah hi ani a. A hmel chu a eng deuh phet ni mai hian a lang a,lal ropui tak ang maiin a huhang chu a na a. Thuneihna leh hotu nihna amahah chuan a lang chhuak hliah hliah ani ber mai.
A rawn hawi chhuak a,chiang takin min rawn en a. Ka mur chuai thei nia mawle! Engemaw thil mak danglam tak in mi rawn fan chhuak a,ka zang ta huai in ka hre hial a.
Aigupta sumdawngte hnen atanga puanzaisin senduk,rangkachak zai sin a chei ka lei;kan chhungkaw ro hlu ber chu ka phawrh rawk rawk a,a biling a balang chuan kawtthler lam pan in ka chhuak thla ve ta dawr dawr a.
Mipui in nek nulh nulh karah chuan thei leh thei lovin ka inzep lui ve trang trang a,a rawn kal na turah chuan khup du-ru-suih dar dar chungin ka ding sai ve ta hlak hlak a.
A hmalama kalte leh a hnung lama kalte chuan -
"Davida fapa hnenah Hosanna!
Lalpa hminga lo kal chu fakin awm rawh se.
Chungnung berah khian Hosanna!"
tiin an au rual dual dual a.
Ka puanzaisin chu kawngah chuan ka phah a,sabengtung chuan a rawn rap ta a. A chunga chuang chuan min rawn en a,a mitmeng;ka ngaihtuahna zawng zawng thlenga hmu tlang vek ni mai awm chuan mi chhun tlang ni berin ka hria.
"Hosanna! Lalpa hminga lo kal chu fakin awm rawh se!"
Ka thusawi chhuah zawh rual chuan ka zang ta huai huai a,hun rei tak hmeichhe lam thatlohna avanga ka bawksawp na chuan min kiansan ta tih chiang takin ka hria.
Temple lam pana a kal liam lai chu ka thlir reng a,ka puanzaisin chu uluk taka thlep tha in ka hum reng a. Ka hnenah thu kam khat pawh a sawi lova,a kut hmawr paw'n mi dek hek lo. Mahse min ti dam miau si. . .
Ka neih hlu ber ka phah hniam a,tah chuan Nazareth Isua a kal ani.
Unau duhtak,rinna tak tak nen he thu hi i chhiar anih a, Amah i rin tlat chuan i natna zawng zawng a rawn kal tlang anga,keimah ang hian i dam ve ang. I ring ngam anih chuan he thu tawi te hmang hian Isua'n a tidam ang che.
"HOSANNA! LALPA HMINGA LO KAL CHU FAKIN AWM RAWH SE!"
ti ve rawh le.
© Copyrights Reserved by C. Vanlalpekhlua
