RINTHU

Ka la vuai anga,
ka la uai ve ang.
Ka la chuai anga,
ka la chül ve ang.
Ka la zuai ve anga,
ka la nguai ve ang.
Ka ro ve thuai anga,
ka la rãwp ve rawih rawih ang.

Chumi hunah chuan intlansiak hringnun hi ka hmachhawn tawh lo anga,
a suk thlek lam lam hawi in ka su thle ve mai mai tawh ang.
Hmachhawp ka hmachhawn peih tawh lo anga,
hnung lama mi hnuchhawn ka zir tawh zawk ang.
Ka suangtuah vak vak tawh lo anga,
ka mitthla fo tawh ngai hek lovang.

Ka kut chu ka kuangkuah hle hle anga,
ka bawp pawh ka khawkherh mai mai tawh ang.
Dam thlahlel in ka buai tawh lo anga,
ka tawp hun ka nghak chawt ang.

Ka sam pawh thli chhem na lam lamah a tlu thur bim bem anga,
ka hmul truak var vo pawh chu a tro fir fer ang.
Ka vun hnawih mawi turin ka chul tawh ngai lo anga,
a vuai a vuai in lo uai ve naw naw se,
a zur a zur in lo chuar ve tip tep teh se.
Ka ka a an barh apiang ka ei anga,
min bel apiang ka silh in ka feng anga.
Min dah na apianga awm thiam dan ka zir anga,
min nghah na hmuna ngheh dan ka zir ang.

Ka tar hun chuan...........


© Copyrights Reserved by C. Vanlalpekhlua