(KEI ZAWNG KA DENG NGAM LO!)
Ka private assistant (PA) ka thlah haw hnu chuan kan in lam pan in ka in khalh haw leh ta hnak hnak a,ka sana chu ka han bih zawk a.
Zing dar 1:30am a lo ri der tawh a nih hi!
Garrage a ka car ka hun rem hnu chuan inchhungah ka lut a,kan bedroom lo la eng kalh chuan ka nupui Rinpuii chuan min lo nghak leh hram hram tawh ani tih ka hre thei mai a. Ka zu in vanga ka lu hai deuh muai muai leh ka dang ro hulh mai tih hnawn tumin tuisik chu ka han khiat khawlh khawlh a,ka PA (Ventei) nena hotela kan khawsak dan vanga inthlahrung ru duk chung chuan roomkawngka chu dim te in ka han hawng a. Puii chu sam thur niai hian a lo muhil bem a,kan fapa;kum 5 mi Bawihtea pawh chu a nu hnute dap yrai chung in a lo hnar ve sek sek a.
Ka thlir ngawih ngawih a,dik taka sawi chuan ka awmdan hi tha chu ka ti bik mawlh lo. Ka PA nen kan inkawp thin tih Puii hian a hre ru tih ka hria a,a hria tih ka hria tih a hre bawk a. Kan nupa inkar pawh a ti kak zau in he thuruk pawnlawi zet avang hian nupa nun hlimawm tak pawh kan hmang ngai tawh meuh lo. Mahse bible pharh diai chunga mittui tla zawih zawih a a tawngtai ka hmuh chang hi chuan patling hi ka khap hnam ve leh sak thin. Mahse ka tang laklawh a,Ventei lah alo zei kher chhap nen;duh loh kawngah patling hi um nei ang maiin kan tlan leh truang truang mai thin.
Darkar a ral a,ni a liam a. Kar a thar a,thla a vei a. Ka awmdan pangngai;zu in leh nula kawp chu ka thlah hlei thei lo naa nuam tih loh ruk na riau ka nei nasa tawh hle a. Ka ngaihbel emaw ni;Puii pawh a beidawng ta nge a mizia a dang ta riau niin ka hre thin.
Nikhat chu ka inngaihtuah neuh neuh a, Puii bula ngaihdam dil tawp mai chu ka duh ta hial a. Ka office atanga ka chhuak lai beisei nei deuh a min lo melh no tu ventei pawh chu ka mitsir eih lo. Chhungkaw tan lo chuan ka hun leh sum ka hmang ral tawh mai mai lovang ti a intiam mawlh mawlh pah in ka in khalh haw ta daih a.
Inchhung chu a lo reh thiap a,ka han koh vak vak paw’n chhawn tu leh chhang tu an awm hauh lo. Kan bedroom kawngka lo inhawng deuh hiai chu ka pan phei vat a,hetah pawh tumah an awm chuang lo!
Keima hriat tawk lek chuan, “Khawnge maw in awm zawh vek le?”, ka ti sup a,chhuah leh mai ka tum lai chuan khum bul dressing table chunga thil awm chuan ka mit a la ta riau a,ka enchiang vat a.
Lehkhathawn ni awm tak a ni;kan inneih zungbun chuan a lo in delh bet a. Thin phu dawt dawt chuan ka han pharh a,kan nu kut ziak ngei ani.....................
“Duhtak,
“Ka lo hmuah dan che hi ka duhdan a ni bik lo asin! Min ngaidam ang che aw?
“Min hmangaihtu ni a ngaiin ka thlang che a,chhungkaw din pui tlak ni a ka hriat che avangin anneihna thutiam ka chham pui che a. Ka duhthusam ka nei a,ka hlim thin asin!
“Mahse i tan ka tling ta lo nge,ka tisa mawi na in i lung a dum zo ta lo zawk?? Nula dang min kawp san tih ka hriat ni a ka nat dan leh ka inhmuh hniam zia kha min hriat pui kher lovang.
“Pa-a,i bula nun hman a,i taksa lum ther ther kuah ve te kha ka thlahlel a,nuam ka ti in thlamuanthlak ka ti asin! I hmangaihna ka dawn a,nupa nun hlim taka kan hman dun thin lai te kha ka suangtuah let fo thin a,ka la thlahlel asin! Mahse nang chuan i nula hnen atangin i duh khawp i hmu a,min ngaihtuah ve tawh si lo...
“Ka insum hram hram a,Pathian hnenah pawh ka dil thin. Mahse chhanna ka hmu ngai lova,beiseina nena zantin ka thlir thin chu beidawnna mittui nen ka chhin san leh thin.
“He thu hi sawi hrehawm ka va han ti tak em! Pehhel leh thup bo dan awm nise damchhung paw’n ka um duh ngei ang.Mahse i lakah leh ka Pathian hmaah thil ka tisual a,ka thup bo ngam ngang lo ani. Kan thenawm tlangval khan kan nupa chanchin hria in min rawn hnem thin a,sms hmanga kan inkawm thuk telh telh na chuan ka mamawh phuhru turin uire na sual ah mi thlem lut ta ani. Min ngaidam ang che aw?
“Vawikhat chauh chesual mah ila nangmah leh Pathian hmaa ka thutiam ka bawhche ta si a,i nupui ni tlak pawh ka ni ta lo! He zungbun pawh hi ka bun a thiang tawh lo;denhlum tlak lek UIRE NU ka ni tawh si a. Bawihtea kha lo duat la,ka ngai ngawt ang che. Min rawn ngaihtuah duh suh aw? Ka thiamloh leh tihsual rah seng mai mah ni ila thiamthu sawi tur neilo ngawt erawh ka ni bik lo asin! Chhungkua i enkawl dan ah te khan sawi leh sel na tur che ka hre lo;chhungkaw lu ber i nihna kha i tlin em em a,tlachham in min dah ngai lo. Mipa i nihna anga i tihtur hneh takin tlin mahla Pa leh Pasal nih erawh i hlen chhuak bik lo asin!
“Ka hmangaih reng ang che.
“I nupui ni tlak tawh lo,
Uire nu Puii.”
Mittui in a chiah pherh niaih chu lehkhathawn leh zungbun chu ka hum ngawt ngawt a,ka biang ah chuan mittui hruk sen rual loh chu a rawn luang thla zawih zawih a.
“Pui,min ngaidam rawh aw? Kei hi alawm denhlum tur chu... Khawiah pawh awm rawh;ka....ka rawn zawng chhuak ang che...”
Zungbun chu ka ak tha sawk sawk a,ka hmuh hun hun a vawikhat chauh bun leh tura thingthi a ngen tur in UIRE NU zawng tur chuan ka tlan chhuak ta nghal a.
Awwww..... Uire nu,kei zawng ka deng ngam mawlh lo a che........
© Copyrights Reserved by C. Vanlalpekhlua
Ka private assistant (PA) ka thlah haw hnu chuan kan in lam pan in ka in khalh haw leh ta hnak hnak a,ka sana chu ka han bih zawk a.
Zing dar 1:30am a lo ri der tawh a nih hi!
Garrage a ka car ka hun rem hnu chuan inchhungah ka lut a,kan bedroom lo la eng kalh chuan ka nupui Rinpuii chuan min lo nghak leh hram hram tawh ani tih ka hre thei mai a. Ka zu in vanga ka lu hai deuh muai muai leh ka dang ro hulh mai tih hnawn tumin tuisik chu ka han khiat khawlh khawlh a,ka PA (Ventei) nena hotela kan khawsak dan vanga inthlahrung ru duk chung chuan roomkawngka chu dim te in ka han hawng a. Puii chu sam thur niai hian a lo muhil bem a,kan fapa;kum 5 mi Bawihtea pawh chu a nu hnute dap yrai chung in a lo hnar ve sek sek a.
Ka thlir ngawih ngawih a,dik taka sawi chuan ka awmdan hi tha chu ka ti bik mawlh lo. Ka PA nen kan inkawp thin tih Puii hian a hre ru tih ka hria a,a hria tih ka hria tih a hre bawk a. Kan nupa inkar pawh a ti kak zau in he thuruk pawnlawi zet avang hian nupa nun hlimawm tak pawh kan hmang ngai tawh meuh lo. Mahse bible pharh diai chunga mittui tla zawih zawih a a tawngtai ka hmuh chang hi chuan patling hi ka khap hnam ve leh sak thin. Mahse ka tang laklawh a,Ventei lah alo zei kher chhap nen;duh loh kawngah patling hi um nei ang maiin kan tlan leh truang truang mai thin.
Darkar a ral a,ni a liam a. Kar a thar a,thla a vei a. Ka awmdan pangngai;zu in leh nula kawp chu ka thlah hlei thei lo naa nuam tih loh ruk na riau ka nei nasa tawh hle a. Ka ngaihbel emaw ni;Puii pawh a beidawng ta nge a mizia a dang ta riau niin ka hre thin.
Nikhat chu ka inngaihtuah neuh neuh a, Puii bula ngaihdam dil tawp mai chu ka duh ta hial a. Ka office atanga ka chhuak lai beisei nei deuh a min lo melh no tu ventei pawh chu ka mitsir eih lo. Chhungkaw tan lo chuan ka hun leh sum ka hmang ral tawh mai mai lovang ti a intiam mawlh mawlh pah in ka in khalh haw ta daih a.
Inchhung chu a lo reh thiap a,ka han koh vak vak paw’n chhawn tu leh chhang tu an awm hauh lo. Kan bedroom kawngka lo inhawng deuh hiai chu ka pan phei vat a,hetah pawh tumah an awm chuang lo!
Keima hriat tawk lek chuan, “Khawnge maw in awm zawh vek le?”, ka ti sup a,chhuah leh mai ka tum lai chuan khum bul dressing table chunga thil awm chuan ka mit a la ta riau a,ka enchiang vat a.
Lehkhathawn ni awm tak a ni;kan inneih zungbun chuan a lo in delh bet a. Thin phu dawt dawt chuan ka han pharh a,kan nu kut ziak ngei ani.....................
“Duhtak,
“Ka lo hmuah dan che hi ka duhdan a ni bik lo asin! Min ngaidam ang che aw?
“Min hmangaihtu ni a ngaiin ka thlang che a,chhungkaw din pui tlak ni a ka hriat che avangin anneihna thutiam ka chham pui che a. Ka duhthusam ka nei a,ka hlim thin asin!
“Mahse i tan ka tling ta lo nge,ka tisa mawi na in i lung a dum zo ta lo zawk?? Nula dang min kawp san tih ka hriat ni a ka nat dan leh ka inhmuh hniam zia kha min hriat pui kher lovang.
“Pa-a,i bula nun hman a,i taksa lum ther ther kuah ve te kha ka thlahlel a,nuam ka ti in thlamuanthlak ka ti asin! I hmangaihna ka dawn a,nupa nun hlim taka kan hman dun thin lai te kha ka suangtuah let fo thin a,ka la thlahlel asin! Mahse nang chuan i nula hnen atangin i duh khawp i hmu a,min ngaihtuah ve tawh si lo...
“Ka insum hram hram a,Pathian hnenah pawh ka dil thin. Mahse chhanna ka hmu ngai lova,beiseina nena zantin ka thlir thin chu beidawnna mittui nen ka chhin san leh thin.
“He thu hi sawi hrehawm ka va han ti tak em! Pehhel leh thup bo dan awm nise damchhung paw’n ka um duh ngei ang.Mahse i lakah leh ka Pathian hmaah thil ka tisual a,ka thup bo ngam ngang lo ani. Kan thenawm tlangval khan kan nupa chanchin hria in min rawn hnem thin a,sms hmanga kan inkawm thuk telh telh na chuan ka mamawh phuhru turin uire na sual ah mi thlem lut ta ani. Min ngaidam ang che aw?
“Vawikhat chauh chesual mah ila nangmah leh Pathian hmaa ka thutiam ka bawhche ta si a,i nupui ni tlak pawh ka ni ta lo! He zungbun pawh hi ka bun a thiang tawh lo;denhlum tlak lek UIRE NU ka ni tawh si a. Bawihtea kha lo duat la,ka ngai ngawt ang che. Min rawn ngaihtuah duh suh aw? Ka thiamloh leh tihsual rah seng mai mah ni ila thiamthu sawi tur neilo ngawt erawh ka ni bik lo asin! Chhungkua i enkawl dan ah te khan sawi leh sel na tur che ka hre lo;chhungkaw lu ber i nihna kha i tlin em em a,tlachham in min dah ngai lo. Mipa i nihna anga i tihtur hneh takin tlin mahla Pa leh Pasal nih erawh i hlen chhuak bik lo asin!
“Ka hmangaih reng ang che.
“I nupui ni tlak tawh lo,
Uire nu Puii.”
Mittui in a chiah pherh niaih chu lehkhathawn leh zungbun chu ka hum ngawt ngawt a,ka biang ah chuan mittui hruk sen rual loh chu a rawn luang thla zawih zawih a.
“Pui,min ngaidam rawh aw? Kei hi alawm denhlum tur chu... Khawiah pawh awm rawh;ka....ka rawn zawng chhuak ang che...”
Zungbun chu ka ak tha sawk sawk a,ka hmuh hun hun a vawikhat chauh bun leh tura thingthi a ngen tur in UIRE NU zawng tur chuan ka tlan chhuak ta nghal a.
Awwww..... Uire nu,kei zawng ka deng ngam mawlh lo a che........
© Copyrights Reserved by C. Vanlalpekhlua
