(Kha chanchin lungchhiatthlak, hnam pasaltha martar ta te hming a than ni khan Van khian he thu hi min pe. . . .)
Ka pi,ka pu,
Kha thil rapthlak tak mangchhia ang maia a rawn thlen thut lai khan i fapa kha ka awmpui asin! Misualte ngên mu sur hnuaiah khan a kut ka chelh tlat a,hlauthawng lo turin a lung phu ka ven sak asin. . .
Kha silai mu,a taksaa a luh lai leh a thisen tharlam a chik puat puat lai te khan kraws ah a hliam leh a natna te kha ka lo phur zo tawh a,hrehawm lo leh natna tuar lovin ka hming a lam asin!
In fapa khan a hmangaih takzet che u!
Ka hnena awm tawh tura ka hruai lai leh,amah lawma vana ka vantirhkoh ten Beramno mo thar lawmna hlapui an rem lai te khan in hming a lam a. A lama ka kut phar a vawn dawn thleng khan in tan ka awmpuina a dil asin! Ka fapa thar hnenah chuan ka intiam a, "I nu leh pa te chu ka thlahthlam lul lovang", tiin.
En teh ka fanu,
Duat tak leh thlahlel taka i thlir i kawppui chu ka angchhung ah a chawl ta! An ti na tawh ngai lovang.
Hmangaihna in tiam te,duhthusam in nghah te kha thamral tur a'n ka ruat lul love. I lu chu i kawppui hi a ni a,i kawppui lu ka ni thung asin! Ka thlahthlam tawp lovang che.
I lungngaih mittui far te kha hru hul la,hnam pasaltha martar ta hi chibai buk rawh le. I tan,i hming lam chung zelin asin ka hruai ni!
Nunrawng ta lua leh hmangaihna tlachham ah min puh lul suh ang che aw? A lei taksa atanga ka hruai chhoh dawn thleng khan i hming a lam a,hlim taka awm turin a chah mawlh mawlh che asin! Ka fanu,i khawhar hnem ah khuarei ka ruat ngawt lova,i natna thawi dam nan hun vei ka dah ngawt hek lo. Ka chelh che anga,ka thlah ngai lovang che.
I tana dil tu i hmangaih in a dil na kha ka tiam tawh a,ka vawng reng ang. Ka thlahthlam tawp lovang che.
Bawihte,
I zuapa chhingkhual kal a rei lua e!
Mi pa te chhingkhual kal an haw anga,an inah ngei an fate thlamuan tur in an ipte an bang anga. . . .
Bawihte,i pa chu maw,râl leh hmelma hlauhawm an awm tawh loh na hmunah a silai a tung a,thlamuang takin a chawl tawh asin!
Thli a tleh chang te,ruah a sur chang te leh hlauhawm a awm chang te in belh tur i nei tawh lo emaw in ti suh aw? I kiangah,i bulah ngei khan i pa chu a awm reng thin dawn asin! Zam suh aw?
I nu leh i unaute,i pi leh i pu te kha i tan ka ruat a,an duat ang che. I ke pen tin ka veng anga,i vawn tur apiang ka chelh nghet ang. Bawihte,dam rawh! I mit chhing la,mu hle hle tawh rawh le. . .
"When you go home. . .
When yo go home. . . . .
Tell them of us,and say -
'Hringnun hlim te'n i hman ve nan,
Fâm khawpui ka lawi ta e!'. . . . . . "
© Copyrights Reserved by C. Vanlalpekhlua
Ka pi,ka pu,
Kha thil rapthlak tak mangchhia ang maia a rawn thlen thut lai khan i fapa kha ka awmpui asin! Misualte ngên mu sur hnuaiah khan a kut ka chelh tlat a,hlauthawng lo turin a lung phu ka ven sak asin. . .
Kha silai mu,a taksaa a luh lai leh a thisen tharlam a chik puat puat lai te khan kraws ah a hliam leh a natna te kha ka lo phur zo tawh a,hrehawm lo leh natna tuar lovin ka hming a lam asin!
In fapa khan a hmangaih takzet che u!
Ka hnena awm tawh tura ka hruai lai leh,amah lawma vana ka vantirhkoh ten Beramno mo thar lawmna hlapui an rem lai te khan in hming a lam a. A lama ka kut phar a vawn dawn thleng khan in tan ka awmpuina a dil asin! Ka fapa thar hnenah chuan ka intiam a, "I nu leh pa te chu ka thlahthlam lul lovang", tiin.
En teh ka fanu,
Duat tak leh thlahlel taka i thlir i kawppui chu ka angchhung ah a chawl ta! An ti na tawh ngai lovang.
Hmangaihna in tiam te,duhthusam in nghah te kha thamral tur a'n ka ruat lul love. I lu chu i kawppui hi a ni a,i kawppui lu ka ni thung asin! Ka thlahthlam tawp lovang che.
I lungngaih mittui far te kha hru hul la,hnam pasaltha martar ta hi chibai buk rawh le. I tan,i hming lam chung zelin asin ka hruai ni!
Nunrawng ta lua leh hmangaihna tlachham ah min puh lul suh ang che aw? A lei taksa atanga ka hruai chhoh dawn thleng khan i hming a lam a,hlim taka awm turin a chah mawlh mawlh che asin! Ka fanu,i khawhar hnem ah khuarei ka ruat ngawt lova,i natna thawi dam nan hun vei ka dah ngawt hek lo. Ka chelh che anga,ka thlah ngai lovang che.
I tana dil tu i hmangaih in a dil na kha ka tiam tawh a,ka vawng reng ang. Ka thlahthlam tawp lovang che.
Bawihte,
I zuapa chhingkhual kal a rei lua e!
Mi pa te chhingkhual kal an haw anga,an inah ngei an fate thlamuan tur in an ipte an bang anga. . . .
Bawihte,i pa chu maw,râl leh hmelma hlauhawm an awm tawh loh na hmunah a silai a tung a,thlamuang takin a chawl tawh asin!
Thli a tleh chang te,ruah a sur chang te leh hlauhawm a awm chang te in belh tur i nei tawh lo emaw in ti suh aw? I kiangah,i bulah ngei khan i pa chu a awm reng thin dawn asin! Zam suh aw?
I nu leh i unaute,i pi leh i pu te kha i tan ka ruat a,an duat ang che. I ke pen tin ka veng anga,i vawn tur apiang ka chelh nghet ang. Bawihte,dam rawh! I mit chhing la,mu hle hle tawh rawh le. . .
"When you go home. . .
When yo go home. . . . .
Tell them of us,and say -
'Hringnun hlim te'n i hman ve nan,
Fâm khawpui ka lawi ta e!'. . . . . . "
© Copyrights Reserved by C. Vanlalpekhlua
