(Dim te in chhiar rawh aw? Thinlung na em em leh mittui tam tak senga ziah a ni si a...)
A teddy bear chu a en ngawih ngawih reng a,a aw chaklo leh lawi zet chuan,”Duat?”, a ti sep a.
I en mai chuan a mitkhur thuk dak mai te,a sam pawr pheng mai leh a taksa cher thriak mai te chu i hmu anga. Nula pakhat,hmangaihna tenawm bual at a awm mek in a teddy bear chu a bialpa emaw ti ni mai awm a be mawlh mawlh thin chu i khawngaih viau ngei ang. A mit ah en la,a hmuiphun ri chu ngaithla teh khai!??
“Duata,kan inhmuh hmasak ber ni khan i lawmam ka ti reuh lutuk! Kan inkawm thin lai te khan i ngainatawm em em a,i fiamthu thawh te kha a nuihzatthlak in min ti hlim thei lutuk. Nang paw’n i hria tiraw?”
A teddy bear chu a piai zauh zauh anga,a nui ver ver ang. Ni e,he teddy bear pe tu bula a hlim lai ni ah te kha chuan kha aia mawi khan a nui thin asin......
“Min proposed zan kha i la theinghilh bik ka ring lo. A mak ka ti lutuk khan min ti hamhaih zo vek a,chhan pawh ka chhang mumal theilo che anih kha. September ni 14 kha kan pahnih tan chuan ni danglam bik a ni reng tawh ang tiraw? A vawikhat nan kan in fawp a,hmangaih biahthu kan in hlan ve anih kha..
“Ka hmangaih em che avangin ka thianghlimna hial ka hlan che a,hma hun thlir in ka suangtuah thin. I mize luhlul tak te,i nungchang ngeng ngalh mai lehmahni induh tawk ve tak i nihna te kha min ti na tu tur an ni tih hre lek lo khan ka lo duh phah ve em em che a..”
A teddy bear chal ah chuan a pen fawk anga,a tuai zui leh nawk nawk ang. A hmangaih chu a nat a phal tlat hlei nem!
“Mahse min hlat tulh tulh a,awmze neilo taka huat tur i zawng reng thin leh ka chunga i thinrim reng thin te khan inthlahrunna leh inhmuh hniam na min pe a,dawm kan leh kaih det det ngai ka ni tih i haider lui tlat si... Ka chunga hlimna i hmuh loh avangin hlim thei bik lo mah ila kan inlaichinna derdep tawh tak kha ka vawng nung hram hram thin. K a hmangaih em si che a.
“November thlaa ka damloh vak kha ila hria em? I class bang in min rawn tlawh ziah a,ka lo hlim ve thei lutuk asin! Ka rilru no a chhuah chang phei chuan damlo reng ila,min ngaihsak reng la ka ti rilru hial thin asin! Kan awmdun theih na tur anih phawt chuan engpawh....engpawh ka huam si a..”
A ngawi vung vung a,a teddy bear chu a paih leng lawp a. A mit atang chuan mittui thianghlim em em a lo luang ngiai ngiai a;en teh,i hmu ve em?
“Ka damloh laia in college huau huau a min kalsan kha chu ka thin a rim ve khawp mai. I duh chuan i kal lo thei reng tiraw? Mahse i hman veleh min rawn biak i tiam a,phal lo chung chung in rem ka ti ve ta hram a. Mahse kar khat hnu thleng pawh a min be lo kha chu ka hrethiam thei loI facebook account ka check a,hmeichhe pakhat chu nitin i be thin a,kei;i bialnu erawh min be ngai lo.Ka thinrim chuan facebook a kan relationshi dah chu ka thlak daih a. Ila rawn thinrim zawmah lehnghal! Min rawn then a,mahse engmah ka sawi lo. I hlim phawt chuan;a tha.”
Chhuat a teddy bear let bam mai chu a chhar leh traih traih a,khuma thut pah chuan a pawm leh vawng vawng a.
“Min kalsan hnu khan ka chau zual em em a,taksa na piah lama rilru na tawrh kawp zawng a nat dan a thuah hnih em ani. Guahati hmuna inentir tura ka kal lai te khan ka mamawh ngawih ngawih che asin! Lung natna ka vei mek ani tih te hi min hriatpui ve la,min duat in min ngaihsak ve phah ang tiraw? Mahse kan inhlat tak em avang hian ka hrilh ngam si lo che a. I hriat hun a lo thleng ve te anih paw’n ka hrilh loh che avang hian min dem suh aw?
“Krismas te,kumthar leh Valentines’ Day kan hman dun lai te khan ka hlim lutuk asin! I inchhir hmel leh ka lam i lo hawi leh ni a i lan lai te khan ka hlim nawn leh nasa asin...!”
A hnuk a ulh a,a biangah chuan mittui fim em em mai,thinlung thianghlim tak atanga chhuak tih hriat ngawih ngawih chu a rawn luang thla zaih zaih a.
“Mahse Hmangaihte Ni hlim taka min hman pui zana midang i neih thu min hrilh kha chu a na asin! Thawk ngaihna ka hre lova,nikhaw hre lovin ka tlu a. Khami ni pawh khan pain killer hmanga ka injection vang chauha vak chhuak peih ka ni asin! Pain killer khan ka rilru na ti dam thei se,emaw kha zan anchhedawng ah khan lo chhing tlang ila a tha tur....
“Ka bulah awm ni la chu heng ka thusawi zawng zawng hi min ngaihthlak sak anga,ka hmangaih zia che hrethiam in min kuah hle hle mai tur....”
A tap chhuak ta rawih rawih a,doctor chu rawn tlan lut in mutthilhna in a jection a,chu nula chu a muhil ta riai riai a.
Tukverh atang chuan ralkhat tlang,romei in a bawm pawt chuai chu a lang paw phuai a. Thlifim lo thaw lut heuh heuh chuan kawmthlang lam atanga Smokie hla,sap pachal aw tham raih mai zai ri riai riai chu a rawn zam lut riai riai a.
Mumang ramah tal chuan a hmangaih chu tawng tak ang maw???
“Cause I need you more than I needed before
And now where I’ll find comfort,
God knows
‘Cause you left me just when I needed you most
Just when I needed you most......”
© Copyrights Reserved by C. Vanlalpekhlua
A teddy bear chu a en ngawih ngawih reng a,a aw chaklo leh lawi zet chuan,”Duat?”, a ti sep a.
I en mai chuan a mitkhur thuk dak mai te,a sam pawr pheng mai leh a taksa cher thriak mai te chu i hmu anga. Nula pakhat,hmangaihna tenawm bual at a awm mek in a teddy bear chu a bialpa emaw ti ni mai awm a be mawlh mawlh thin chu i khawngaih viau ngei ang. A mit ah en la,a hmuiphun ri chu ngaithla teh khai!??
“Duata,kan inhmuh hmasak ber ni khan i lawmam ka ti reuh lutuk! Kan inkawm thin lai te khan i ngainatawm em em a,i fiamthu thawh te kha a nuihzatthlak in min ti hlim thei lutuk. Nang paw’n i hria tiraw?”
A teddy bear chu a piai zauh zauh anga,a nui ver ver ang. Ni e,he teddy bear pe tu bula a hlim lai ni ah te kha chuan kha aia mawi khan a nui thin asin......
“Min proposed zan kha i la theinghilh bik ka ring lo. A mak ka ti lutuk khan min ti hamhaih zo vek a,chhan pawh ka chhang mumal theilo che anih kha. September ni 14 kha kan pahnih tan chuan ni danglam bik a ni reng tawh ang tiraw? A vawikhat nan kan in fawp a,hmangaih biahthu kan in hlan ve anih kha..
“Ka hmangaih em che avangin ka thianghlimna hial ka hlan che a,hma hun thlir in ka suangtuah thin. I mize luhlul tak te,i nungchang ngeng ngalh mai lehmahni induh tawk ve tak i nihna te kha min ti na tu tur an ni tih hre lek lo khan ka lo duh phah ve em em che a..”
A teddy bear chal ah chuan a pen fawk anga,a tuai zui leh nawk nawk ang. A hmangaih chu a nat a phal tlat hlei nem!
“Mahse min hlat tulh tulh a,awmze neilo taka huat tur i zawng reng thin leh ka chunga i thinrim reng thin te khan inthlahrunna leh inhmuh hniam na min pe a,dawm kan leh kaih det det ngai ka ni tih i haider lui tlat si... Ka chunga hlimna i hmuh loh avangin hlim thei bik lo mah ila kan inlaichinna derdep tawh tak kha ka vawng nung hram hram thin. K a hmangaih em si che a.
“November thlaa ka damloh vak kha ila hria em? I class bang in min rawn tlawh ziah a,ka lo hlim ve thei lutuk asin! Ka rilru no a chhuah chang phei chuan damlo reng ila,min ngaihsak reng la ka ti rilru hial thin asin! Kan awmdun theih na tur anih phawt chuan engpawh....engpawh ka huam si a..”
A ngawi vung vung a,a teddy bear chu a paih leng lawp a. A mit atang chuan mittui thianghlim em em a lo luang ngiai ngiai a;en teh,i hmu ve em?
“Ka damloh laia in college huau huau a min kalsan kha chu ka thin a rim ve khawp mai. I duh chuan i kal lo thei reng tiraw? Mahse i hman veleh min rawn biak i tiam a,phal lo chung chung in rem ka ti ve ta hram a. Mahse kar khat hnu thleng pawh a min be lo kha chu ka hrethiam thei loI facebook account ka check a,hmeichhe pakhat chu nitin i be thin a,kei;i bialnu erawh min be ngai lo.Ka thinrim chuan facebook a kan relationshi dah chu ka thlak daih a. Ila rawn thinrim zawmah lehnghal! Min rawn then a,mahse engmah ka sawi lo. I hlim phawt chuan;a tha.”
Chhuat a teddy bear let bam mai chu a chhar leh traih traih a,khuma thut pah chuan a pawm leh vawng vawng a.
“Min kalsan hnu khan ka chau zual em em a,taksa na piah lama rilru na tawrh kawp zawng a nat dan a thuah hnih em ani. Guahati hmuna inentir tura ka kal lai te khan ka mamawh ngawih ngawih che asin! Lung natna ka vei mek ani tih te hi min hriatpui ve la,min duat in min ngaihsak ve phah ang tiraw? Mahse kan inhlat tak em avang hian ka hrilh ngam si lo che a. I hriat hun a lo thleng ve te anih paw’n ka hrilh loh che avang hian min dem suh aw?
“Krismas te,kumthar leh Valentines’ Day kan hman dun lai te khan ka hlim lutuk asin! I inchhir hmel leh ka lam i lo hawi leh ni a i lan lai te khan ka hlim nawn leh nasa asin...!”
A hnuk a ulh a,a biangah chuan mittui fim em em mai,thinlung thianghlim tak atanga chhuak tih hriat ngawih ngawih chu a rawn luang thla zaih zaih a.
“Mahse Hmangaihte Ni hlim taka min hman pui zana midang i neih thu min hrilh kha chu a na asin! Thawk ngaihna ka hre lova,nikhaw hre lovin ka tlu a. Khami ni pawh khan pain killer hmanga ka injection vang chauha vak chhuak peih ka ni asin! Pain killer khan ka rilru na ti dam thei se,emaw kha zan anchhedawng ah khan lo chhing tlang ila a tha tur....
“Ka bulah awm ni la chu heng ka thusawi zawng zawng hi min ngaihthlak sak anga,ka hmangaih zia che hrethiam in min kuah hle hle mai tur....”
A tap chhuak ta rawih rawih a,doctor chu rawn tlan lut in mutthilhna in a jection a,chu nula chu a muhil ta riai riai a.
Tukverh atang chuan ralkhat tlang,romei in a bawm pawt chuai chu a lang paw phuai a. Thlifim lo thaw lut heuh heuh chuan kawmthlang lam atanga Smokie hla,sap pachal aw tham raih mai zai ri riai riai chu a rawn zam lut riai riai a.
Mumang ramah tal chuan a hmangaih chu tawng tak ang maw???
“Cause I need you more than I needed before
And now where I’ll find comfort,
God knows
‘Cause you left me just when I needed you most
Just when I needed you most......”
© Copyrights Reserved by C. Vanlalpekhlua
