Mi rethei fa ka ni. Chaw ei tur kan neih loh zauh zauh chang hi a awm fo a, chutianga ei tur mumal kan neih loh chang chuan ka nu chuan a thlenga chaw chu ka chawthlengah rawn hui thla in, " Mami, ei zo rawh. Kei chu ka ril a tam lo ve," a ti thin a. . . Ka nu dawt sawi vawi khatna chu...
Tum khat chu sangha pahnih chauh hi kan man a, ka nu chuan a chhum a. Sangha tui hang ka in lai chuan ka nu chu ka sirah a thu a, sangha ruh ka paih tawh zinga a ti tlem la bet ve va va te chu a lo tep ve chap chap tih ka'n hriatin, ka nu chu ka khawngaihta tlat a. Sangha pakhat la awm chu ei turin ka ti a, ani chuan a lu thin pahin, " Mami, ei zo vek rwh. Kei chuan sangha hi ka duh ve tak2 hleinem," a ti a. .Ka nu dawt swi vawi hnihna chu...
Sikul kai rual ka lo ni a, ka nu chuan ka sikul luh man tur a tuak a. Nawhalh siamna hmunah a thawk a,zan lamah in lamah nawhalh fung tur hmawlhte hi a suih zankhua thin.Chutianga rim taka a thawhchhuah hmang chuan ka sikul fee tur chu kan neih phah ve thin a. Thlasik khaw vawh lai hian zan khat chu ka zan mu ka han thangharh a, bati eng alh lep lep hnuaiah ka nu chuan hmawlhte chu a lo la suih melh melh a, " Ka nu, mu tawh ta che, a tlai tawh ania. Naktuk zingah i thawh chhunzawm mai dawn alwm, " ka ti a. Ka nu chu a nui mai a. " Mami, mu rawh. Ka chau hleinem," a ti a. . Ka nu dawt sawi vawi thumna chu...
Kum tawp ekzam pui a lo thleng a, ka nu chuan sikulah min hruai a, ka ekzam zawh nghakin pawn ni sa hnuaiah chuan a lo thu ngat ngat a. Hun tawp dar a rik veleh ka tlan
chhuak a, ka nu chu ka va pawm a. Ka nu chuan a thingpui pai chu no-ah a thlia, thingpui ka in lai chuan a chala thlan baw tiam tiam chu ka hmu a, a tui a hal ve fe-in ka ring. Ka no chu pek ka han tuma, a kut a thinga," Mami, nangma'n in rawh. Ka tui a hal lo ve," a ti a. . . Ka nu dawt sawi vawi lina chu...
Ka pa thih hnuah, ka nu chuan pa niha kawp chho va. Nu hna a thawh bakah, pa hna thawk telin, hna hram tak tak nen a kawp a ngai ta a, kan chhungkaw nun chu a hahthlak telh telh mai. Eitur nei lovin tam kan tuar fo a, a ni telin kan rethei tulh tulh a.chutia chhuanchham tak meuh meuh a kan chhungkua kan han awm takah chuan, thenawm khawvengte chuan tihngaihna tak hre bik hek lo le, min lainat lutuk chuan ka nu chu pasal dang nei
leh mai turin an rawn ti hlawm thin a. Mahse chutiangaan tih chang chuan ka nu chuan, " Hmangaihna ka mamawh ve hran lo ve," a lo ti mai thin a. . Ka nu dawt sawi vawi ngana chu.....
Ka zirlaite zovin, hna ka hmu ve ta. Ka nu chu pitar a lo ni tawh a; mahse chuti chung chuan bazar- ah thlai raheng ilo zuar turin a la thawk chhuak reng a. Pawisa ka thawn changte hian, min rawn thawn let leh a, " Pawisa chu ka nei a lawm," a ti zel a.. Ka nu dawt sawi vawi rukna chu. . .
Hna tha tak ka thawk a, ka hlawh pawh a pung chak hle. Ka nu chu khawpui ah nun nuam zawka khawsa tura hruai ka tum a; mahse min tibuaitu mai nih a hlau tlat a, " Nuamsaa khawsak ka ngai ve hleinem," a ti mai a. . Ka nu dawt sawi vawi sarihna chu...
Ka nu chu 'pitar' a ni ve tak tak ta. Tar kiring mai a lo nih hnu chuan cancer natna a vei zui lehnghal a: damdawi-inah an dah tih min rawn hrilh a. Tuipui ral a tangin ka thlawk haw vang vang a; an zai zo hlimhlawl hi ka nang a, ka nu chuan mi lo nuih sen sen a. Ka nu, tar chak lo tak mai, engmah ei thei lova cher kuam mai ka han hmuh chuan, ka mittui a tla ta zawih zawih a. A kut cher thiak mai leh ther fap mai chuan min vuan a, " Mami, tap suh, ka na lo ve," a ti a. . Ka nu dawt sawi vawi riatna chu. . .
Ka nu chuan dawt vawi riat min hrilh hnuin min boralsan ta. . . Mahse dawt min hrilh thintu ka nu kha vantirhkoh ngei a ni tih ka chiang !
'NU' tih thumal hi ka tan chuan KHAWVEL sawina a ni....
© Copyrights Reserved by C. Vanlalpekhlua
