(I hmangaih hming i chhal ni tawh lo mah ila "Hei chauh hi i tan" ka la ti fan ang.)
Engtia rei nge chu khum ruak,pawr pheng maiah chuan ka trah-mut ka hre tawh lo. Khum mawng lama blanket lo inthlep fel than te,lukham pahnih in si rial kara kan teddy bear, Simon Lalduhawma lo let ngat mai ka hmuh khan ka mit sulh a,mittui leh hnap tui nen ka chul ta ruai ruai anih kha!
KAN THAWNTHU CHU :
Hei hi kan hringnun a ni a,a kum leh ni zawnga teh ralah chuan kum khat awrh chauh a ni. Mahse kha kum khat liam ta chhung khan hringnuna hlimna te,natna leh lungngaihna; hmangaihna leh duhsakna,engkim
Chu khum chu bul kan tran na hmun a ni a,kan tawpna thuchah paipawn tu a ni ta bawk. Ruah sur bur bur leh kawlphe de zawk zawk hnuaia a thlabar ka kuah tlat na hmun a ni a,kan infiamna tual zawl;nghilh loh tur hriatrengna engkim kan hnutchhiahna hmun a ni. Tah chuan hmangaihna a par tawh a,a parh hawrh hawrh a. A duhawm takzet thin.
KA TEL LOVIN:
Chu khum,kan tana hmangaihna khawvel Alpha leh Omega ni ta chuan ka tihsual leh mi sawi sual vangin hling zum ber a pai tel a,a chunga mut pawh natna leh hliam thar in siam na mai chauh a chang ta! Hmangaihna vang ni suh se tawrh rual a ni mawlh lovang le! Mahse kha taksa derdep tak kha alo tuarchhel em a,kha tisa awngrawp tak kha a lo pachang em mai pawh a! Kha mihring cher thriak mai kha a lo khal em a ni! A tuar a,a tuar fan fan a.
Hliam ka pek kha a na em a,ka natna pek kha a kák thuk em mai pawh a! Ka dem lo;ka dem ngam mawlh lo! A theihtawp in a tuar a,a tlin ta ngang lova. A kal ta!
ANI CHU:
Khatiang mi tuarchhel kha engtikahmah ka tawn ka ring tawh lo. Amahah chuan hmangaihna tawp chin nei lo a awm a,ngaihdamna thuziak,tawp in tai nei ngai lo nen.
Kha tleirawl tereuhte kha pasaltha a ni! Amaha hmangaihna awm kha a hlu em a,ka hlut thiam lo zawk hial! A man phu tawk pe dawn ila,hmangaihna min pek zawng zawng rul tur khan damchhung leh hringnun piah thleng paw'n ka ba ka tlak zawh ka ring lo.
KEI VE HI?
Ka inngaihtuah fim tawlh tawlh a,ka buai tual tual a. Ka rilru a harh tial tial a,ka mawl tulh tulh thung a.
Kha hmeichhe derdep tak hmangaihna aia hmangaihna nghet kha ka la tawng lova,kha tleirawl tisa pan hleng mai thinlung aia duhawm kha ka hmu ta hek lo! Engtikahmah a anpui emaw,a tlukpui emaw tal pawh ka hmu tawh dawn lo anih chuan channa nasa ber ah ka chhal ngei ang.
Ani aia tha emaw,a aia chungnung emaw phei chu ka beisei lo law law! An awm dawn si lova.
KAN TAWP NA:
Lukham hnuaia naupang sana tiat lek chu ka han ban a,a lo kal ve chhet chhet a. A bula rosary lo inkual raih chu ka han khai kang a,a thi fang mal tinah chuan hmangaihna te,hlimna te,natna leh duhsakna te a in rem khat chiat a. Kha mihring dawhthei khan ngawi rengin a lo awrh tlawk tlawk mai thin chu ania!
Ka mualpho ta sa sa,"Khawnge thu hnu dawn lek lovin i han fang kual teh ang!",ka ti a.
Khum chhak lamah chuan a steel almirah a lo in hung ve bam a,a kawngkhar vawnban tla bal tawh te chuan kumkhuaa ka hawn tawh loh tura thihna kut vawt in a khar sak tak a thinlung thianghlim tak kha min hriatchhuah tir a. Dim te in ka han hawng a,a chhung atang chuan perfume rimtui tak a rawn zam chhuak chiai chiai a. Chu chuan a tisa chul rep mai chhunga duhawmna rimtui leh ngainatawm tak min hriatchhuah tir thung si. . . .
A thawmhnaw te chu a ngai ngaiin an lo in khai tlar dil del a,ka en kual dan dan a. A uniform lo inkhai fel thlarh ka hmuh chuan ka tawp chawt a,ka melh ta ngawih ngawih a. Ka hawi sawn thei ta lo! He a uniform ka in thawlh ve sawt sawt a,ka hak ve daih truma kan nuih nasat zia te kha!
Ka mittui a lo hnam triam triam a,hmangaihna vanga fam chang ta ngaia ka khawharna khat liam chu ka biangah a lo luang ngiai ngiai a,a sulhnu te chu rei en ngam lovin ka khar tha ta zawk a.
Almirah kawngkhara darthlalangah chuan ka in en a,amah ka hmu a. A chalhmasam kawh teuh te,a nghawnga ka fawh na duk raih te pawh. Tunah chuan piallei dai ah,kan hringnun bul tranna leh tawp na ni ta khum chung atangin chatuana ka vawn leh tawh ngai loh turin hmangaihna chuan a ramah a seng lut ta si a.
Ka mittui vanga ka khaw hmuh fiah lo riai kar atang chuan Almirah kawngkhar lehlama a school routine a tar chu ka va melh trawk trawk a. . .
Thawhtanni atanga Zirtawpni thleng chuan,a routine ah chuan ka hming alo tel ve hauh lo! Ka tan,ka tan hun a nei ve ta lo. . . .
A routine sir ah chuan milem hi chhe deuh in a lo in ziak a,hmuh chian tumin ka mittui chu ka han hru hul a. . . .
Kutziak ka hmuh thran em em chuan milem,mittui tla lai lem bulah chuan he thu hi a lo inziak a. . . .
"Tears don't fall. . . ."
tih te mai hi.
Ka tana ziah a ni ngei ang!
(040820131921)
Engtia rei nge chu khum ruak,pawr pheng maiah chuan ka trah-mut ka hre tawh lo. Khum mawng lama blanket lo inthlep fel than te,lukham pahnih in si rial kara kan teddy bear, Simon Lalduhawma lo let ngat mai ka hmuh khan ka mit sulh a,mittui leh hnap tui nen ka chul ta ruai ruai anih kha!
KAN THAWNTHU CHU :
Hei hi kan hringnun a ni a,a kum leh ni zawnga teh ralah chuan kum khat awrh chauh a ni. Mahse kha kum khat liam ta chhung khan hringnuna hlimna te,natna leh lungngaihna; hmangaihna leh duhsakna,engkim
Chu khum chu bul kan tran na hmun a ni a,kan tawpna thuchah paipawn tu a ni ta bawk. Ruah sur bur bur leh kawlphe de zawk zawk hnuaia a thlabar ka kuah tlat na hmun a ni a,kan infiamna tual zawl;nghilh loh tur hriatrengna engkim kan hnutchhiahna hmun a ni. Tah chuan hmangaihna a par tawh a,a parh hawrh hawrh a. A duhawm takzet thin.
KA TEL LOVIN:
Chu khum,kan tana hmangaihna khawvel Alpha leh Omega ni ta chuan ka tihsual leh mi sawi sual vangin hling zum ber a pai tel a,a chunga mut pawh natna leh hliam thar in siam na mai chauh a chang ta! Hmangaihna vang ni suh se tawrh rual a ni mawlh lovang le! Mahse kha taksa derdep tak kha alo tuarchhel em a,kha tisa awngrawp tak kha a lo pachang em mai pawh a! Kha mihring cher thriak mai kha a lo khal em a ni! A tuar a,a tuar fan fan a.
Hliam ka pek kha a na em a,ka natna pek kha a kák thuk em mai pawh a! Ka dem lo;ka dem ngam mawlh lo! A theihtawp in a tuar a,a tlin ta ngang lova. A kal ta!
ANI CHU:
Khatiang mi tuarchhel kha engtikahmah ka tawn ka ring tawh lo. Amahah chuan hmangaihna tawp chin nei lo a awm a,ngaihdamna thuziak,tawp in tai nei ngai lo nen.
Kha tleirawl tereuhte kha pasaltha a ni! Amaha hmangaihna awm kha a hlu em a,ka hlut thiam lo zawk hial! A man phu tawk pe dawn ila,hmangaihna min pek zawng zawng rul tur khan damchhung leh hringnun piah thleng paw'n ka ba ka tlak zawh ka ring lo.
KEI VE HI?
Ka inngaihtuah fim tawlh tawlh a,ka buai tual tual a. Ka rilru a harh tial tial a,ka mawl tulh tulh thung a.
Kha hmeichhe derdep tak hmangaihna aia hmangaihna nghet kha ka la tawng lova,kha tleirawl tisa pan hleng mai thinlung aia duhawm kha ka hmu ta hek lo! Engtikahmah a anpui emaw,a tlukpui emaw tal pawh ka hmu tawh dawn lo anih chuan channa nasa ber ah ka chhal ngei ang.
Ani aia tha emaw,a aia chungnung emaw phei chu ka beisei lo law law! An awm dawn si lova.
KAN TAWP NA:
Lukham hnuaia naupang sana tiat lek chu ka han ban a,a lo kal ve chhet chhet a. A bula rosary lo inkual raih chu ka han khai kang a,a thi fang mal tinah chuan hmangaihna te,hlimna te,natna leh duhsakna te a in rem khat chiat a. Kha mihring dawhthei khan ngawi rengin a lo awrh tlawk tlawk mai thin chu ania!
Ka mualpho ta sa sa,"Khawnge thu hnu dawn lek lovin i han fang kual teh ang!",ka ti a.
Khum chhak lamah chuan a steel almirah a lo in hung ve bam a,a kawngkhar vawnban tla bal tawh te chuan kumkhuaa ka hawn tawh loh tura thihna kut vawt in a khar sak tak a thinlung thianghlim tak kha min hriatchhuah tir a. Dim te in ka han hawng a,a chhung atang chuan perfume rimtui tak a rawn zam chhuak chiai chiai a. Chu chuan a tisa chul rep mai chhunga duhawmna rimtui leh ngainatawm tak min hriatchhuah tir thung si. . . .
A thawmhnaw te chu a ngai ngaiin an lo in khai tlar dil del a,ka en kual dan dan a. A uniform lo inkhai fel thlarh ka hmuh chuan ka tawp chawt a,ka melh ta ngawih ngawih a. Ka hawi sawn thei ta lo! He a uniform ka in thawlh ve sawt sawt a,ka hak ve daih truma kan nuih nasat zia te kha!
Ka mittui a lo hnam triam triam a,hmangaihna vanga fam chang ta ngaia ka khawharna khat liam chu ka biangah a lo luang ngiai ngiai a,a sulhnu te chu rei en ngam lovin ka khar tha ta zawk a.
Almirah kawngkhara darthlalangah chuan ka in en a,amah ka hmu a. A chalhmasam kawh teuh te,a nghawnga ka fawh na duk raih te pawh. Tunah chuan piallei dai ah,kan hringnun bul tranna leh tawp na ni ta khum chung atangin chatuana ka vawn leh tawh ngai loh turin hmangaihna chuan a ramah a seng lut ta si a.
Ka mittui vanga ka khaw hmuh fiah lo riai kar atang chuan Almirah kawngkhar lehlama a school routine a tar chu ka va melh trawk trawk a. . .
Thawhtanni atanga Zirtawpni thleng chuan,a routine ah chuan ka hming alo tel ve hauh lo! Ka tan,ka tan hun a nei ve ta lo. . . .
A routine sir ah chuan milem hi chhe deuh in a lo in ziak a,hmuh chian tumin ka mittui chu ka han hru hul a. . . .
Kutziak ka hmuh thran em em chuan milem,mittui tla lai lem bulah chuan he thu hi a lo inziak a. . . .
"Tears don't fall. . . ."
tih te mai hi.
Ka tana ziah a ni ngei ang!
(040820131921)
© Copyrights Reserved by C. Vanlalpekhlua
