HARSATNA HNUAIA RINGTUTE NUN

Tihhmelhemin a awm a,
A mawi zual leh thin.

Hekchhiat leh puhmawhin a awm a,
Fak leh chawimawi a ni leh thin.


Beidawngin a chau a,
A chak thar leh thin.

Thlemna tawkin a buai a,
Fiahna kaltlangin a hneh leh thin.

Na tuarin a rum a,
A dam leh thin.

Buaina khirh tak a tawk a,
Tawk tlaka ruattu Lalpa a fak thin.

Mangangin a zam a,
A thlamuang leh thin.

Thudik tran ngamin a huaisen a,
Huaisen takin a thiamlo ngam thin.

Hmuhsitin a awm a,
A ropui leh thin.

Tlawm ngam khawpin a huaisen a,
Sual khawih ngam lovin a dawih thin.

Phatsan leh hnawl a ni a,
A tha ber a hmu leh thin.

Mittui nen Kraws kawng a zawh a,
Lalpa'n hmuhnawm a ti em em thin.

Retheiin a tlachham a,
A hausa leh thin.

Harsatna thuk tak a hmachhawn a,
Lalpa chinfel dan tur a thlir reng thin.

Beidawnna thimin a hliah a,
Beiseina eng a hmu leh thin.

A mamawh em avangin Lalpa a au a,
Engkim neitu Lalpa'n a chhang thin.

Thihna thlan thimah zalhin a awm a,
Vanram kawngkhar a hawng leh thin.

_ Unknown.


© Copyrights Reserved by C. Vanlalpekhlua