(A rel rel in mi rel sela,
A sel sel in lo sel teh se!
Ka insawithei an lo ti anih paw'n-
A tha vek e;ka sawi dawn miau alawm le!)
Ka nei ve lo khawlthluaknei leh lirthei,
Ka chawi hek lo man mãn thuam leh branded.
Ka kheuh-relh (gadgets) pawh Nokia C2-02 lek;
Ka hmang phak ve love ipad leh tablet.
Hniam rih hek;ka budget!
An sawi iphone 4 leh android smartphone,
Ka it lo bik lo symbian leh windows.
Ka net hman pawh GPRS leh EDGE,
A khing zo mawlh loh in wifi leh 3G.
A tlawm hliah hliah in tawnah ka aircel net.
Ka neih ve lah T9 (a-b-c) lek,
Itawm ve tak ania fulltouch leh qwerty keypad!
Rih artui phur ang hne hne in ka online,
Buai ti belh a'n an lo upgrade vel ka timeline.
Ni e,heti chung chung hian ka rawn lang ve hram hram chu ani a! Ka rilru a awm leh ka sawi duh zawng zawng hi ka clipboard ah a leng lova,ka type seng hek lo. Nula inchei ang maia tawi fel et,a pawimawh lai fun kim ve biai si ang maia bawk khawm nelh a ngai a,ngaihtuah tur a ti thuah hnih.
In harsatna leh in lawmna min hrilh ve liam liam thin te hi hnem a,han titi pui che u ka chak ve thin asin! Mahse he ka khawl tetakte hian bituk chin leh phak tawk a nei nulh mai roh si a,induh leh chapo min ti pawh hi in demawm mawlh love.
Thingtlangpa,cu
]
© Copyrights Reserved by C. Vanlalpekhlua
