*VAL TO LO*

A len tum naa lo leng ve ziah a awm;
A ngaihzawngi bialpa chu.
Han rel ru sur sur dawn se-
A hlau deuh roh bawk si. . .


Khuuutah, field thlang daih atrang,
Step chho deuh emaw,
Kawngpui chho sei thui deuh atrang,
"Ka lo leng dawn" tih leh kal a rual mai zel a.
Hah thlansa phul kai in,
Mawm hluam leh bawl truam in;
Thaw hlawi hlawi in a thleng chho a.

Hrep taka!

Lirthei hi a huat phah vek!
A bik in ke pali nei.
2 wheeler kaha se?
3 wheeler aur-
4 wheeler nai nai nahi!!
Eng wheeler mah a nei lova,
Motor ke hlui takngial pawh.
An inhnuai kawm kil kar hai ila,
A vanneih ber ah-
Thlanvawng tawlailir ke; chempuia tuk chawp pahnih khat a awm mahna.
Lir chi hrim hrim a nei ngai lova,
Khal chi engmah ala khalh ngai hek lo.
Bawng tih loh chu!

Chu a "ROLUAHPUIA" motor darthlalangah chuan a in en vung vung a,
A rawmawl in a hmai chu a huih pawk a.
Khawlum ti vawt thei leh-
Khawvawt ti lum thei lir chhul chhuak a el dawn chu ania!!

Nunna kawngka ni em mah suh se a ngaina ru riau a.
Thingtlangpa kut zungtang bilh bawlawk thliah thliah a kuk lawlh lawlh a tum lai chuan-
A bialnu leh a bialnu bialpa nui ri her her thawm chu a ngaithla ta vung vung zawk rauh a.

A hmangaih em avang chuan hlim rih se ati a,
A kut chu a dah thla leh ta riai riai a.
A inher vut a,
A kal lam ai maha hmanhmawh chuan a let leh ta vut a.
A bialnu bialpa in hnung lam atanga-
"pit pit" a rawn tih khum leh vaih chuan a kian muang lui ve ngat tawh ang.
Hmmm. . . . .


© Copyrights Reserved by C. Vanlalpekhlua