1. "A naupan lai chuan a thiam thei lutuk;mahse a zir peih lova,a zirlai aiin thildang a ngaihtuah zawk a. T.v en te,inkhelh te;infiam,computer leh mobile a khawih te khan eitur a lo pe thei si lova. Mithiam tak ni tur kha;en ula,saw an retheih em saw. Saw tiang saw nih in duh loh chuan zir tang tang ang che u", ti a ka hming lama an fate zilh nana min hman hunah chuan ka hriat pui ve tawh kher lo anga.
2. Mi en hrek hrek ka nih a,tluk leh tlak fawm a kawngpui sir a rui thle bawk bawk a ka thrut ni chuan pa pakhat,a fapa kai a min thlir reng hi ka hmu a. Ka thawmhnaw bal leh tret hnuang mai te,ka sam thur leh hreu bem bum te chu rawn kawk in,"mate,saw pa saw a naupan lai chuan sunday schook kai kim lawmman a dawng zat zat thin a. Mahse zial zuk ruk te a ching a,zu te a in ru thin a. A tawp ah chuan ruihhlo bawih ah tang in tisawn mi nuihzat hlawh in ruk tur a zawng kual dûk dûk mai thin ani. Ani ang saw'n awm ve miah suh ang che" a tih ri chu ka hre pha ruai ruai a.
3. An car chu a nalh kher mai! A dum tle zar mai a,a fai em em mai bawk a. Kan center tual zawlah chuan a rawn ding su zalh a,ka han en chian chuan ka car ang chiah ani.
A chhunga naupang chuang chu a pa ni ngei tur chuan a kai dat dat a,ka cell kawngkhar pawn atang chuan min rawn thlir reng a. Wai wai min pek hnu chuan an kal sawn leh a,an kal sawn paha a pa thusawi ri kha ka bengah ala cham reng mai - "mate,kha tlangvala kha sorkar officer lian tak ani thin asin. Hlawh tamtak a nei a,Pathian pawh mamawh lo ang hiala chapo in a khawsa thin a. A nu leh pa te a zahpui a,tar chawm na inah a dah mai mai a. Inkhawm leh tawngtai te,bible chhiar te a ti duh ngai lova,chu ai chuan zu in a,nawmchen a thlang zawk a. Tisawn a hna a thawk tha thei lova,an ban a. Hna a thawk peih si lova,ruk a ru a. Tisawn zu ngawl vei in center a dah ngai hial khawpin a awm ta ani. Nang chuan Pathian trih zel ang che aw?" a tih ri chu.
Mipa naupangte chuan,"awle" a ti sap a.
4. Kuang chhungah ka mu a,ka taksa chu sarang ip in an tuam a. Ka chhungte chuan hlat deuh tak ah min thrut bial ve laih a,mitthi dang ka hmuh te anga trah khum hawm hawm leh thlakhlelh hmel taka kuah ngawih ngawih ka tawng ve lo.
Ka lu men tu tleirawl rual ho chu an in hrilh ru sep sep a ; "AIDS natna in a thi a. A tlangval laiin a lerh lutuk a,nula hrang hrang a kawp lawr a,a tawpah HIV positive a ni ta anih saw. Kei chu ka râp tlat! Ka fimkhur ngawt ang" an ti ru sep sep hlawm a.
.
.
.
.
Vanduai tur bik a khuanu ruat ka ni em ni? Kan hma hun zawng zawng hre vek tu Chungnungbera hian hleih bik nei in a rel dawn tihna em ni?Van nunna bu ah,"I hming a chuang ve lo" an lo ti anih chuan ka Pa hnenah ti hian ka vui ngam ve ngei ang :
“Kawng dik an zawh theih nan kawng dik lo ka zawh a,a hlauhawm zia an hmuh thiam nan hlauhawm zawng zawng leh an rah chhuah ka chang a.
“Nun dik hlut zia an hmuh theih nan nun diklo hlauhawm zia ka tawng bua a,min en huna zir chhuah an neih theih nan a hlauhawm zia chhinchhiahna ka tisa ah ka pu a.
“Kawng dik an hmuh nan kawng dik lo leh thang hlauhawm ka dai per sak a,an tan dai ka theu a.
“I hnen an thlen theih nan ka hming ka pe a,tun thleng in an la sawi khu! Ka hming hi dik an hriatthiam nana diklo hrilhfiah nan an la rawn sawi ve fo ang”, tiin.
Chumi hunah chuan ka Pa vana mi chuan,“Ka khawngaihna i tan a tawk e”,ti a min kuangkuah ka ring tlat ani.
© Copyrights Reserved by C. Vanlalpekhlua
2. Mi en hrek hrek ka nih a,tluk leh tlak fawm a kawngpui sir a rui thle bawk bawk a ka thrut ni chuan pa pakhat,a fapa kai a min thlir reng hi ka hmu a. Ka thawmhnaw bal leh tret hnuang mai te,ka sam thur leh hreu bem bum te chu rawn kawk in,"mate,saw pa saw a naupan lai chuan sunday schook kai kim lawmman a dawng zat zat thin a. Mahse zial zuk ruk te a ching a,zu te a in ru thin a. A tawp ah chuan ruihhlo bawih ah tang in tisawn mi nuihzat hlawh in ruk tur a zawng kual dûk dûk mai thin ani. Ani ang saw'n awm ve miah suh ang che" a tih ri chu ka hre pha ruai ruai a.
3. An car chu a nalh kher mai! A dum tle zar mai a,a fai em em mai bawk a. Kan center tual zawlah chuan a rawn ding su zalh a,ka han en chian chuan ka car ang chiah ani.
A chhunga naupang chuang chu a pa ni ngei tur chuan a kai dat dat a,ka cell kawngkhar pawn atang chuan min rawn thlir reng a. Wai wai min pek hnu chuan an kal sawn leh a,an kal sawn paha a pa thusawi ri kha ka bengah ala cham reng mai - "mate,kha tlangvala kha sorkar officer lian tak ani thin asin. Hlawh tamtak a nei a,Pathian pawh mamawh lo ang hiala chapo in a khawsa thin a. A nu leh pa te a zahpui a,tar chawm na inah a dah mai mai a. Inkhawm leh tawngtai te,bible chhiar te a ti duh ngai lova,chu ai chuan zu in a,nawmchen a thlang zawk a. Tisawn a hna a thawk tha thei lova,an ban a. Hna a thawk peih si lova,ruk a ru a. Tisawn zu ngawl vei in center a dah ngai hial khawpin a awm ta ani. Nang chuan Pathian trih zel ang che aw?" a tih ri chu.
Mipa naupangte chuan,"awle" a ti sap a.
4. Kuang chhungah ka mu a,ka taksa chu sarang ip in an tuam a. Ka chhungte chuan hlat deuh tak ah min thrut bial ve laih a,mitthi dang ka hmuh te anga trah khum hawm hawm leh thlakhlelh hmel taka kuah ngawih ngawih ka tawng ve lo.
Ka lu men tu tleirawl rual ho chu an in hrilh ru sep sep a ; "AIDS natna in a thi a. A tlangval laiin a lerh lutuk a,nula hrang hrang a kawp lawr a,a tawpah HIV positive a ni ta anih saw. Kei chu ka râp tlat! Ka fimkhur ngawt ang" an ti ru sep sep hlawm a.
.
.
.
.
Vanduai tur bik a khuanu ruat ka ni em ni? Kan hma hun zawng zawng hre vek tu Chungnungbera hian hleih bik nei in a rel dawn tihna em ni?Van nunna bu ah,"I hming a chuang ve lo" an lo ti anih chuan ka Pa hnenah ti hian ka vui ngam ve ngei ang :
“Kawng dik an zawh theih nan kawng dik lo ka zawh a,a hlauhawm zia an hmuh thiam nan hlauhawm zawng zawng leh an rah chhuah ka chang a.
“Nun dik hlut zia an hmuh theih nan nun diklo hlauhawm zia ka tawng bua a,min en huna zir chhuah an neih theih nan a hlauhawm zia chhinchhiahna ka tisa ah ka pu a.
“Kawng dik an hmuh nan kawng dik lo leh thang hlauhawm ka dai per sak a,an tan dai ka theu a.
“I hnen an thlen theih nan ka hming ka pe a,tun thleng in an la sawi khu! Ka hming hi dik an hriatthiam nana diklo hrilhfiah nan an la rawn sawi ve fo ang”, tiin.
Chumi hunah chuan ka Pa vana mi chuan,“Ka khawngaihna i tan a tawk e”,ti a min kuangkuah ka ring tlat ani.
© Copyrights Reserved by C. Vanlalpekhlua
