"Sangte?........Sangte???"
A muhil tui lai chu tu emaw hian a dar ah a rawn sawi det det a.
Zik trial trial pah chuan,"Ummm....??",ati niah niah a. A in let a,a hnar zui leh sek sek a.
A harh chiang lo ani ngei ang!
Zawite a phun ser ser ri chuan,"Engtin nge kan tih dawn? A harh thei bawk si lo...",a ti a. Pakhat chuan zawite bawk in a rawn chhang ve vat a,"Kan kaihthawh ngei ngei a ngai. Anih loh chuan kan chhe vek ani mai!",a rawn ti ve sar sar a.
"Nih chuan engtin nge kan tih ang? A hmanhmawh thlak tawh ania.... Lei mite hun chhiar dan ah chuan a hun bi a kim trep tawh lehnghal!"
An han ngawi dun vang vang a,chet lak dan tur an ngaihtuah ani ngei ang.
A aw thum zawk chuan,"Ihi le! Tihdan tur ka hria e!",a rawn ti chhuak hlut a,a aw sin zawk chuan bengchheng lo tura lo mitmei zauh pah chuan,"Engtin?",a lo ti ve vat a.
Aw thum-a chuan tui taka muhil mek Sangtea delh chiah chuan a zuk mu ve a,muangchang in Sangtea taksa ah chuan a tawlh lut ta riai riai a.
Aw sin-a chuan,"Nathanael,eng thil nge i tih kha?",phawk zet chuan a han ti a.
Nathanael-a chuan,"A mumang lam atranga kan tih mai loh chuan duhthlan tur kan nei tawh hlei nem Kithanael... Min lo veng ang che aw?",tih leh Sangtea taksa a pil luh a rual a. Kithanael-a chuan,"Gabriela'n a hriat vaih chuan hremna kan pumpelh hauh lovang le!",a ti zui sup a.
Zing dar 3:00am chiah ani.
Sangtea chuan,"Tun ang zing zing a thawh ngai ziah mai!",tih nung nung pah chuan a Nokia hlui zet,"Chali chhaia chhaia chhaia...", lo ti ve lauh lauh chu a han hmet tawp a,hmai phih turin bathroom ah chuan a lut a. Tui hit var maiin a hmai a han deh rual chuan a harh nghal kawk in a hre hiala. A harh chian poh leh tun ang hun;zing kar lutuk ah pawh ruah sur cherh cherh hnuaia bawnghnute sem tura chhuah vah chu a phurawm loh dan tur chu a hrechiang tawlh tawlh lehnghal!!! Muangchang chuan a thawmhnaw chu a ha thra sat sat a,kawngka bul lawka rain coat a khai chu la in in thawlh rawk rawk pah chuan a chhuak ta a.
Pawn boruak zet chu a nelawm loh kher mai!Ruah a tla suar suar a,triau chhum leh chhum leivak te chu an tawlh dul dul bawk a. A khat mawi tawk a trek tla eng zuai zuai chu khawpui ri dur dur chuan lei nghawr nghing dur dur khawp in a rawn zui ve nghal zat zel a.Tuk dang ang lo takin chhuak vak an awmloh bakah khaw awmdan chuan a zir lo ve bawk nen,rethei bik leh vanduai bik riau hian a inhre thar leh hnuhnawh a,inngaihtuah lungpuam in a hnuk te chu a ulh titih a.
Kawngpui a han chhuak chho a,kawngpui chhak lam mi verandah a bawnghnute um lo inhung tlar thrap chu a pan ding nalh a. A iptepui ah ah chuan a han khung sawk sawk a,ama hriat phak tawk lek chuan,"Ninawm ve ngawt mai!",a ti sup a. Tlang chung lama mite pek hmasak tum a a chhoh dawn lai tak chuan a awmna lei chu a rawn nghing dawt a,kawngpui thlanglam chu a fai thla nghal pup a. Rangva ri rum rum te,lei tawlh ri ri thla hum hum te chu a rapthlak kher mai! Chet mai nachang hre lo chuan a ding khur hlawk hlawk a,mangang au rawl a rawn rik tak nuai nuai ah chuan a harh chhuak zawk a.
A chhungte kha!
A iptepui ah chu a dah lawk a,leimin sen huam mai ah chuan a zuangthla ve ta rawih a. A lum thla rawp rawp a,a thawmhnaw hak te chu a berh lei luai mai a. A chhungte auh vak vak pah chuan leivung leh hnawmhnawk te chu a hai buan buan a. A au tuarh tuarh a,mahse a chung lam atranga thil ri rum rum thawm rawn chhuak ah chuan a han hawi chho a,concrete building lian zet lo awn thla ruai ruai chuan a rawn delh ani thawthang tawh! A thim ta mup a.
A thu chhuak hlawl mai!
A taksa chu thlan in alo bual chhuak vek a,a thinphu dawt dawt te chuan a mumang rapthlak tak chu an hriatchhuah tir zawm zat a. A han hui pap a,mumang mai mah nise a ngainat zawng ani hauh lo! A lukham hnuaiaa phone chu a han hmet ang a,zing dar 4:23am ani. Mut leh ai chuan men tlang mai a awlsam zawk dwn tih a inhria ani teh chek ang,hmai phih tur chuan a tho chhuak ta zawk a.
Bathroom darthlalangah chuan a han in en vang vang a,a mitko duk kual raih te,a heh lo hil bul mai te chu a thlek vung vung a. Pawn lam ruah sur cherh cherh chuan chhuah vah a ti peihawm lo bawk nen,puanlun sin tur lak chhuah pah chuan T.V hmaah chuan thuthmun a rem ta sat sat a.
Kithanael-a chuan a bula Nathanael-a ding chu a han nghawk zauh a,"Awmzia a awm dawn lo anih hmel!",a ti chuai raih a. Nathanael-a chuan,"Ka hmuh chian tir viau asin le!",a rawn tive sup a.A lu thin nur nur pah chuan,"Kithanael,Gabriel-a'n 'A hun ta!' ati anih chu....",a tih zawm sup a. An pahnih chuan ngui riai in an chhuak chho a,kawngpui an thlen chuan ngawi reng in an ding dun a. Kithanael-a chuan a kut in lei chu a han khawih a,lei chu a che hrut a,a tawlh thla ta duai duai a.
Zing dar 3:00am chiah chiah ani.
A lo chhing leh sek ani ngei ang! Thil ri rum rum chuan a ti harh zawk a,rang zet chuan a in perh tho nghal vat a. MAhse a lei nunna chhan tur chuan a tlai lu ta!Lei tawlh in a den chhiat concrete ban lian zet chuan a rawn delh a,a thim ta mup a.
A rawn eng tial tial a,mi pahnih puan var sin,a bula lo ding te chu a hmuh hmasak ber ani. Mi pakhat zawk chuan nui sang chungin a lo bia a,"Chibai vohbik... Vawiin ah i hmangaih i Lal hnenah molawmna ruai theh turin kan rawn hruai dawn che ani",a rawn ti a,a kut a rawn pe a. Sangtea chuan a ngaihna hrelo zet in chu pa kut chu a lo vuan a,a zang ta huai hian a hre nghe nghe a.
A han dak chhuak a,an hnuai lama mipui chi-ai nuaih nuaihte chu a zuk thlir thla a,amah hruaitu te ang thova puan var sin midangte chuan a an thenawm tlangval Fela te,a ngainat em em an thenawm tleirawl Melony te pawh an rawn hruai chho ve mek chu a hmu a.
Van chu a rawn in hawng a,eng mawi ropui em em mai hian a rawn chhun a,chumichhungah chuan an thlawk lut ta delh delh a.
Lei lama chhiat tawk te buaipui tu tlangval pakhat chuan a bula putar tiang hawl a ding chu a va pan hnai a,"Ka pu,hliam te inei em?Tanpui i ngai em?",ava ti sawk sawk a. Putar chuan,"Vala,Zoram hian Pathian thinurna intawng baw ta! Hei hi a bul tran na tur ani. Mahse ka mite chu inngaitlawma ka lam an rawn hawi leh chuan an sualna angin ka thungrul lo anga,an ram chu ka tidam leh ang,tih hi Lalpa thu chhuak ani",ati a,mipui pungkhawm zingah chuan a bibo ta daih a.
"Thihna hlim kawr ah thlamuangin a thu,
Van mite nen intawh khawm hun tur nghakhlel in a thlir.
Lenrual duhte hnenah chuan,
En r'u! En teh u!
NGhakhlel in min thlir,Angel rual ten.
Ka kal a hun,tiin."...............
© Copyrights Reserved by C. Vanlalpekhlua
A muhil tui lai chu tu emaw hian a dar ah a rawn sawi det det a.
Zik trial trial pah chuan,"Ummm....??",ati niah niah a. A in let a,a hnar zui leh sek sek a.
A harh chiang lo ani ngei ang!
Zawite a phun ser ser ri chuan,"Engtin nge kan tih dawn? A harh thei bawk si lo...",a ti a. Pakhat chuan zawite bawk in a rawn chhang ve vat a,"Kan kaihthawh ngei ngei a ngai. Anih loh chuan kan chhe vek ani mai!",a rawn ti ve sar sar a.
"Nih chuan engtin nge kan tih ang? A hmanhmawh thlak tawh ania.... Lei mite hun chhiar dan ah chuan a hun bi a kim trep tawh lehnghal!"
An han ngawi dun vang vang a,chet lak dan tur an ngaihtuah ani ngei ang.
A aw thum zawk chuan,"Ihi le! Tihdan tur ka hria e!",a rawn ti chhuak hlut a,a aw sin zawk chuan bengchheng lo tura lo mitmei zauh pah chuan,"Engtin?",a lo ti ve vat a.
Aw thum-a chuan tui taka muhil mek Sangtea delh chiah chuan a zuk mu ve a,muangchang in Sangtea taksa ah chuan a tawlh lut ta riai riai a.
Aw sin-a chuan,"Nathanael,eng thil nge i tih kha?",phawk zet chuan a han ti a.
Nathanael-a chuan,"A mumang lam atranga kan tih mai loh chuan duhthlan tur kan nei tawh hlei nem Kithanael... Min lo veng ang che aw?",tih leh Sangtea taksa a pil luh a rual a. Kithanael-a chuan,"Gabriela'n a hriat vaih chuan hremna kan pumpelh hauh lovang le!",a ti zui sup a.
Zing dar 3:00am chiah ani.
Sangtea chuan,"Tun ang zing zing a thawh ngai ziah mai!",tih nung nung pah chuan a Nokia hlui zet,"Chali chhaia chhaia chhaia...", lo ti ve lauh lauh chu a han hmet tawp a,hmai phih turin bathroom ah chuan a lut a. Tui hit var maiin a hmai a han deh rual chuan a harh nghal kawk in a hre hiala. A harh chian poh leh tun ang hun;zing kar lutuk ah pawh ruah sur cherh cherh hnuaia bawnghnute sem tura chhuah vah chu a phurawm loh dan tur chu a hrechiang tawlh tawlh lehnghal!!! Muangchang chuan a thawmhnaw chu a ha thra sat sat a,kawngka bul lawka rain coat a khai chu la in in thawlh rawk rawk pah chuan a chhuak ta a.
Pawn boruak zet chu a nelawm loh kher mai!Ruah a tla suar suar a,triau chhum leh chhum leivak te chu an tawlh dul dul bawk a. A khat mawi tawk a trek tla eng zuai zuai chu khawpui ri dur dur chuan lei nghawr nghing dur dur khawp in a rawn zui ve nghal zat zel a.Tuk dang ang lo takin chhuak vak an awmloh bakah khaw awmdan chuan a zir lo ve bawk nen,rethei bik leh vanduai bik riau hian a inhre thar leh hnuhnawh a,inngaihtuah lungpuam in a hnuk te chu a ulh titih a.
Kawngpui a han chhuak chho a,kawngpui chhak lam mi verandah a bawnghnute um lo inhung tlar thrap chu a pan ding nalh a. A iptepui ah ah chuan a han khung sawk sawk a,ama hriat phak tawk lek chuan,"Ninawm ve ngawt mai!",a ti sup a. Tlang chung lama mite pek hmasak tum a a chhoh dawn lai tak chuan a awmna lei chu a rawn nghing dawt a,kawngpui thlanglam chu a fai thla nghal pup a. Rangva ri rum rum te,lei tawlh ri ri thla hum hum te chu a rapthlak kher mai! Chet mai nachang hre lo chuan a ding khur hlawk hlawk a,mangang au rawl a rawn rik tak nuai nuai ah chuan a harh chhuak zawk a.
A chhungte kha!
A iptepui ah chu a dah lawk a,leimin sen huam mai ah chuan a zuangthla ve ta rawih a. A lum thla rawp rawp a,a thawmhnaw hak te chu a berh lei luai mai a. A chhungte auh vak vak pah chuan leivung leh hnawmhnawk te chu a hai buan buan a. A au tuarh tuarh a,mahse a chung lam atranga thil ri rum rum thawm rawn chhuak ah chuan a han hawi chho a,concrete building lian zet lo awn thla ruai ruai chuan a rawn delh ani thawthang tawh! A thim ta mup a.
A thu chhuak hlawl mai!
A taksa chu thlan in alo bual chhuak vek a,a thinphu dawt dawt te chuan a mumang rapthlak tak chu an hriatchhuah tir zawm zat a. A han hui pap a,mumang mai mah nise a ngainat zawng ani hauh lo! A lukham hnuaiaa phone chu a han hmet ang a,zing dar 4:23am ani. Mut leh ai chuan men tlang mai a awlsam zawk dwn tih a inhria ani teh chek ang,hmai phih tur chuan a tho chhuak ta zawk a.
Bathroom darthlalangah chuan a han in en vang vang a,a mitko duk kual raih te,a heh lo hil bul mai te chu a thlek vung vung a. Pawn lam ruah sur cherh cherh chuan chhuah vah a ti peihawm lo bawk nen,puanlun sin tur lak chhuah pah chuan T.V hmaah chuan thuthmun a rem ta sat sat a.
Kithanael-a chuan a bula Nathanael-a ding chu a han nghawk zauh a,"Awmzia a awm dawn lo anih hmel!",a ti chuai raih a. Nathanael-a chuan,"Ka hmuh chian tir viau asin le!",a rawn tive sup a.A lu thin nur nur pah chuan,"Kithanael,Gabriel-a'n 'A hun ta!' ati anih chu....",a tih zawm sup a. An pahnih chuan ngui riai in an chhuak chho a,kawngpui an thlen chuan ngawi reng in an ding dun a. Kithanael-a chuan a kut in lei chu a han khawih a,lei chu a che hrut a,a tawlh thla ta duai duai a.
Zing dar 3:00am chiah chiah ani.
A lo chhing leh sek ani ngei ang! Thil ri rum rum chuan a ti harh zawk a,rang zet chuan a in perh tho nghal vat a. MAhse a lei nunna chhan tur chuan a tlai lu ta!Lei tawlh in a den chhiat concrete ban lian zet chuan a rawn delh a,a thim ta mup a.
A rawn eng tial tial a,mi pahnih puan var sin,a bula lo ding te chu a hmuh hmasak ber ani. Mi pakhat zawk chuan nui sang chungin a lo bia a,"Chibai vohbik... Vawiin ah i hmangaih i Lal hnenah molawmna ruai theh turin kan rawn hruai dawn che ani",a rawn ti a,a kut a rawn pe a. Sangtea chuan a ngaihna hrelo zet in chu pa kut chu a lo vuan a,a zang ta huai hian a hre nghe nghe a.
A han dak chhuak a,an hnuai lama mipui chi-ai nuaih nuaihte chu a zuk thlir thla a,amah hruaitu te ang thova puan var sin midangte chuan a an thenawm tlangval Fela te,a ngainat em em an thenawm tleirawl Melony te pawh an rawn hruai chho ve mek chu a hmu a.
Van chu a rawn in hawng a,eng mawi ropui em em mai hian a rawn chhun a,chumichhungah chuan an thlawk lut ta delh delh a.
Lei lama chhiat tawk te buaipui tu tlangval pakhat chuan a bula putar tiang hawl a ding chu a va pan hnai a,"Ka pu,hliam te inei em?Tanpui i ngai em?",ava ti sawk sawk a. Putar chuan,"Vala,Zoram hian Pathian thinurna intawng baw ta! Hei hi a bul tran na tur ani. Mahse ka mite chu inngaitlawma ka lam an rawn hawi leh chuan an sualna angin ka thungrul lo anga,an ram chu ka tidam leh ang,tih hi Lalpa thu chhuak ani",ati a,mipui pungkhawm zingah chuan a bibo ta daih a.
"Thihna hlim kawr ah thlamuangin a thu,
Van mite nen intawh khawm hun tur nghakhlel in a thlir.
Lenrual duhte hnenah chuan,
En r'u! En teh u!
NGhakhlel in min thlir,Angel rual ten.
Ka kal a hun,tiin."...............
© Copyrights Reserved by C. Vanlalpekhlua
