"Aw Lalpa,chaw leh thil tinreng min pek avangin kan lawm e. I rawngbawl turin min pui la, Isua hming in kan dil e. Amen!"
Ka fapa kum 3 mi in fiah lo leh bahlah nak nak chunga chunglam malsawm dilna leh lawmthu sawina buh leh bah niaih a a neih zawh hnu chuan ka nupui duhtak Hmingtei chuan remhre takin Bawihtea chu khum sir lamah a han mut nghal zan a,hetiang hun alo thlen fuh hlauh hi chuan patling hi lawm loh in bang kil lam hawiin kan nui ru chui chui tawh mai thin. Room light tih thim anih rualin hmabak a eng ve thung tih chu "Tiam Tlat" tawh ho chuan in hriat ve tho ka ring!!!
Bawihtea hi a trawng har a,a trawng chhunah pawh a la fiah lo em em zui! Tawngtai pawh hi a thiam na ala rei lo;kan nu hian a zirtir peih em mai pawh a. Zing a thawh te,chaw ei dawn leh mut dawn ah pawh a thiam chhun ang hian a tawngtai mai thin. Tawngtai laklawh laia han theihnghilh tlat chang a thlen hi chuan kan lo sawi pui ve mai a,engemaw chang hi chuan a hlimawm letling thin phian!
Ruah tla cherh cherh chuan mut a ti tui in hahdamna engemaw tak a keng tel ni mai hian a hriat theih a,Bawihtea leh a nu pawh an hnar dun sek sek mai. Zing dar 2:50am velah ka zun chhuak chuan min kaitho a,ka inthiar zawh chuan mu leh nghal mai lo in khum bul tukverh chu ka han hawng a,kawmchhak lama sawrkar building lian zet chu ka han melh vak vak a. Hetiang zela ruah a sur chhunzawm anih chuan mangkhawng lian tak ani thei tlat tih chu ka han in hrilh nawn ve ngawt a. Sawt tak maw?!!
Tukverh chu ka khar tha a,mu tura khum lam ka pan lai chuan kawmchhak lam chu a rawn ri huk a. Kan in chu a nghing dawt a,enge lo thleng tih chu ka hre mai! Bawihtea leh a nu chu ka au nghal tuarh tuarh a,mahse ka tlai ta hret ani. Eng emaw thil rit lutuk chuan min rawn delh a,ka lu chu a hai nghal mup mai! Ka tlu hnawk a,chirh leh leivung chuan min rawn chhilh nghal hmuk a.
Ka lu chu a na ngut ngut mai! Ka thaw a chham em em bawk a,min chhilh tu leivung leh chirh chu ka han hai buan buan a. Vanneihthlak takin ka in hai veng thei ta thuai a,boruak chu ka han hip lut kawk kawk a. Ka han hawi chhuah ruala ka thil hmuh kha tun thlengin awih har ka la ti a,dawt nise;emaw mangchhia ni se,harh chhuak ila ka ti takzet! Mahse dawt leh mitvai mai mai ani lo tih ti chiang turin Bawihtea chuan nunna nei tawh lo tih hriat ngawih ngawih a nu kuangkuah na chhung atang chuan thei leh thei lovin min rawn melh trawk trawk a. Awww.... A delh bet tu concrete ban lian zet te kha rit a va han ti dawn tak em! Keh thei dawm a ka dawm leh ka hmangaih te rit phurh zawng zawng kha ka chunga tla ni zawk se ka va'n ti tak em!
Na a tuar ani tih hriat ngawih ngawih chunga Bawihtea'n tanpui tura min ngen na mitmeng mawlh te kha! Thei leh thei lova "Apa... Apa..." a rawn tih trawk trawk na aw rawl te khan mi va han deng na tehlul em! Tanpui tur leh thlamuan turin tih theih ka nei bik si lo.... Bawihte,i nu nen khan min ngaidam ang che u aw???
A trap ri a zawi tial tial a,mittui tling pam in min rawn melh ngawih ngawih a. Hun a nei tam tawh lo tih ka hrethiam! Hmangaih te kal tur thlir chu alo hrehawm kher asin!
Ka theihtawp a ring in ka au a,"Bawihte,ka hmangaih che... Tawngtai...Tawngtai rawh aw?Min rawn en la..."
"Aw Lalpa,chaw leh thil tinreng min pek avangin kan law....."
Ka sawi zawm ve thei thlawt lo!
Bawihtea hmui phun chu a zawi tial tial a,"Amen!",a tih sep chu ka hmu phe ruai ruai thei trawk a. A hmui phun chu a tawp a,tawngtai tur a awm ta lo!
Engtikah nge "Chaw leh thil tinreng min pek avangin kan lawm e", tih hi ka sawi tluan theih ang tih hi ka inzawt fo thin.
"CHAW LEH THIL TINRENG" hian alo huam zau em ani!
"Thil tinreng hian enge a huam a,tunge a huam tih chu van ami chauh in a hria".
© Copyrights Reserved by C. Vanlalpekhlua
Ka fapa kum 3 mi in fiah lo leh bahlah nak nak chunga chunglam malsawm dilna leh lawmthu sawina buh leh bah niaih a a neih zawh hnu chuan ka nupui duhtak Hmingtei chuan remhre takin Bawihtea chu khum sir lamah a han mut nghal zan a,hetiang hun alo thlen fuh hlauh hi chuan patling hi lawm loh in bang kil lam hawiin kan nui ru chui chui tawh mai thin. Room light tih thim anih rualin hmabak a eng ve thung tih chu "Tiam Tlat" tawh ho chuan in hriat ve tho ka ring!!!
Bawihtea hi a trawng har a,a trawng chhunah pawh a la fiah lo em em zui! Tawngtai pawh hi a thiam na ala rei lo;kan nu hian a zirtir peih em mai pawh a. Zing a thawh te,chaw ei dawn leh mut dawn ah pawh a thiam chhun ang hian a tawngtai mai thin. Tawngtai laklawh laia han theihnghilh tlat chang a thlen hi chuan kan lo sawi pui ve mai a,engemaw chang hi chuan a hlimawm letling thin phian!
Ruah tla cherh cherh chuan mut a ti tui in hahdamna engemaw tak a keng tel ni mai hian a hriat theih a,Bawihtea leh a nu pawh an hnar dun sek sek mai. Zing dar 2:50am velah ka zun chhuak chuan min kaitho a,ka inthiar zawh chuan mu leh nghal mai lo in khum bul tukverh chu ka han hawng a,kawmchhak lama sawrkar building lian zet chu ka han melh vak vak a. Hetiang zela ruah a sur chhunzawm anih chuan mangkhawng lian tak ani thei tlat tih chu ka han in hrilh nawn ve ngawt a. Sawt tak maw?!!
Tukverh chu ka khar tha a,mu tura khum lam ka pan lai chuan kawmchhak lam chu a rawn ri huk a. Kan in chu a nghing dawt a,enge lo thleng tih chu ka hre mai! Bawihtea leh a nu chu ka au nghal tuarh tuarh a,mahse ka tlai ta hret ani. Eng emaw thil rit lutuk chuan min rawn delh a,ka lu chu a hai nghal mup mai! Ka tlu hnawk a,chirh leh leivung chuan min rawn chhilh nghal hmuk a.
Ka lu chu a na ngut ngut mai! Ka thaw a chham em em bawk a,min chhilh tu leivung leh chirh chu ka han hai buan buan a. Vanneihthlak takin ka in hai veng thei ta thuai a,boruak chu ka han hip lut kawk kawk a. Ka han hawi chhuah ruala ka thil hmuh kha tun thlengin awih har ka la ti a,dawt nise;emaw mangchhia ni se,harh chhuak ila ka ti takzet! Mahse dawt leh mitvai mai mai ani lo tih ti chiang turin Bawihtea chuan nunna nei tawh lo tih hriat ngawih ngawih a nu kuangkuah na chhung atang chuan thei leh thei lovin min rawn melh trawk trawk a. Awww.... A delh bet tu concrete ban lian zet te kha rit a va han ti dawn tak em! Keh thei dawm a ka dawm leh ka hmangaih te rit phurh zawng zawng kha ka chunga tla ni zawk se ka va'n ti tak em!
Na a tuar ani tih hriat ngawih ngawih chunga Bawihtea'n tanpui tura min ngen na mitmeng mawlh te kha! Thei leh thei lova "Apa... Apa..." a rawn tih trawk trawk na aw rawl te khan mi va han deng na tehlul em! Tanpui tur leh thlamuan turin tih theih ka nei bik si lo.... Bawihte,i nu nen khan min ngaidam ang che u aw???
A trap ri a zawi tial tial a,mittui tling pam in min rawn melh ngawih ngawih a. Hun a nei tam tawh lo tih ka hrethiam! Hmangaih te kal tur thlir chu alo hrehawm kher asin!
Ka theihtawp a ring in ka au a,"Bawihte,ka hmangaih che... Tawngtai...Tawngtai rawh aw?Min rawn en la..."
"Aw Lalpa,chaw leh thil tinreng min pek avangin kan law....."
Ka sawi zawm ve thei thlawt lo!
Bawihtea hmui phun chu a zawi tial tial a,"Amen!",a tih sep chu ka hmu phe ruai ruai thei trawk a. A hmui phun chu a tawp a,tawngtai tur a awm ta lo!
Engtikah nge "Chaw leh thil tinreng min pek avangin kan lawm e", tih hi ka sawi tluan theih ang tih hi ka inzawt fo thin.
"CHAW LEH THIL TINRENG" hian alo huam zau em ani!
"Thil tinreng hian enge a huam a,tunge a huam tih chu van ami chauh in a hria".
© Copyrights Reserved by C. Vanlalpekhlua
