A hlimthla ka thlir a,
Ka chul nawn leh a.
Mawi takin a nui ver ver a,
Uai mai tura par thin leh;
Chul leh tura vul thin rose par bulah chuan.
Muffler var ka pek kha a awrh a,
A thinlung thianghlim zia tarlan tum ni mai awm in. . . .
Khang hun hlimawm kan hlimpui thin ni ah te khan;
Hma hun thlir in kan nghakhlel a,
Kan suangtuah thin.
Thla i lak pui rose par khalh neuh neuh pah a -
"Chuai leh mai atan zawng a mawi mang e",
I tawngkam chhuak hian i chungchang alo sawi em ni le?
Kha rose par kha a chuai a,
Nang pawh thliah i ni ta si. . . . .
Tlangsam a lo par a,
Tlaizawng a vul leh chuk a.
Lirthei chunga i chuan dawn thleng khan,
Min ngaih dawn zia te,
“Christmas dawn ni ah ka rawn haw ang”
Thangkhawk in van sang taka -
Thlasik kawng in kham ruih khian
A rawn her chhuah pui leh thin asin. . . .
Khuanu remruat dan rual si loh an ti si le. . . .
Vanduaina tawk a i boral tak thu a than ni khan,
Ka tan kum laklawh takin a tawp a,thar ve ngai tawh lo tur in.
Kha ni anchhedawng ah khan ka tang a,
Chhuah ni a awm ta lo!!!
Hun a kal a,khawvel a vir muai muai a,
Ka tan erawh zawng engpawh hi engmahlo mai an chang zo ta. . . .
Khuanu remruat thlak danglam hi -
Kan tana Khuanu remruat lo ni zawk se a tha tur. . . .
Christmas urlawk zan ah khan,
Zan danga ka hlauh em em thin thlanmual chu ka pan a.
Lei dai a i riah zan tur ah khan,
I khawhar ka ring tlat a.
Leivung thar surh mai te kha ka haw em em a,
Kraws var a i hming an ziah nen khan.
Thlanmual chu a reh ril ruih a,
Thlasik khawvawt chuan min chhem seng seng a.
Sana chuan zan dar 12 a ri tep tih min hrilh a.
Ekhai!!!
"Christmas dawn ni ah ka rawn haw ang"
Ka ding thut a,
Khawnge i awm Duhtak???
I rawn haw tawh em???
Ka cell phone ka phawrh a,
I number ka dial a.
"Switched off"
Beidawng takin ka thu a,
Zan dar 12 a ri a,Duhtak,
Christmas ni a ni ta!!
"Sikni eng mawi ten alo her chhuak leh ta. . .
Kei zawng lung min len ngei e. . .
Kar hla a leng zawngte paw'n kir zai an rel. . .
Khawnge i awm Bawihte??
Hawn zai lo rel ve la. . .
Lenrualte chu Christmas lawm nan hlim zai an vawr asin. . .
Engpawh nise. . . .
KRISMAS CHIBAI,BAWIHTE.....”
© Copyrights Reserved by C. Vanlalpekhlua
Ka chul nawn leh a.
Mawi takin a nui ver ver a,
Uai mai tura par thin leh;
Chul leh tura vul thin rose par bulah chuan.
Muffler var ka pek kha a awrh a,
A thinlung thianghlim zia tarlan tum ni mai awm in. . . .
Khang hun hlimawm kan hlimpui thin ni ah te khan;
Hma hun thlir in kan nghakhlel a,
Kan suangtuah thin.
Thla i lak pui rose par khalh neuh neuh pah a -
"Chuai leh mai atan zawng a mawi mang e",
I tawngkam chhuak hian i chungchang alo sawi em ni le?
Kha rose par kha a chuai a,
Nang pawh thliah i ni ta si. . . . .
Tlangsam a lo par a,
Tlaizawng a vul leh chuk a.
Lirthei chunga i chuan dawn thleng khan,
Min ngaih dawn zia te,
“Christmas dawn ni ah ka rawn haw ang”
Thangkhawk in van sang taka -
Thlasik kawng in kham ruih khian
A rawn her chhuah pui leh thin asin. . . .
Khuanu remruat dan rual si loh an ti si le. . . .
Vanduaina tawk a i boral tak thu a than ni khan,
Ka tan kum laklawh takin a tawp a,thar ve ngai tawh lo tur in.
Kha ni anchhedawng ah khan ka tang a,
Chhuah ni a awm ta lo!!!
Hun a kal a,khawvel a vir muai muai a,
Ka tan erawh zawng engpawh hi engmahlo mai an chang zo ta. . . .
Khuanu remruat thlak danglam hi -
Kan tana Khuanu remruat lo ni zawk se a tha tur. . . .
Christmas urlawk zan ah khan,
Zan danga ka hlauh em em thin thlanmual chu ka pan a.
Lei dai a i riah zan tur ah khan,
I khawhar ka ring tlat a.
Leivung thar surh mai te kha ka haw em em a,
Kraws var a i hming an ziah nen khan.
Thlanmual chu a reh ril ruih a,
Thlasik khawvawt chuan min chhem seng seng a.
Sana chuan zan dar 12 a ri tep tih min hrilh a.
Ekhai!!!
"Christmas dawn ni ah ka rawn haw ang"
Ka ding thut a,
Khawnge i awm Duhtak???
I rawn haw tawh em???
Ka cell phone ka phawrh a,
I number ka dial a.
"Switched off"
Beidawng takin ka thu a,
Zan dar 12 a ri a,Duhtak,
Christmas ni a ni ta!!
"Sikni eng mawi ten alo her chhuak leh ta. . .
Kei zawng lung min len ngei e. . .
Kar hla a leng zawngte paw'n kir zai an rel. . .
Khawnge i awm Bawihte??
Hawn zai lo rel ve la. . .
Lenrualte chu Christmas lawm nan hlim zai an vawr asin. . .
Engpawh nise. . . .
KRISMAS CHIBAI,BAWIHTE.....”
© Copyrights Reserved by C. Vanlalpekhlua
